١ عیسی بوشیلری سویلدكدنصڭرە شاكردلری ایلە برابر قدرون درە سنڭ اوتە طرفنە چیقوب اورادە بر باغچی بولنمغلە شاكردلری ایلە برابر ایچنە گیردی ۔٢ وانی الە ویرن یهودا دخی اول محلی بیلور ایدی زیرا عیسی شاكر دلری ایلە برابر اورادە چوق دفعە تجمع ایتمش ایدی۔٣ ایمدی یهودا بر بلوك عسكر و باش كلاەنلر ایلە فریسیلرطرفندن مأمورلر آلوب فنارلر و مشعلەلر و سلاحلر ایلە اورایە گلدی ۔٤ وعیسی كندی حقندە وقوع بولە جق شیلرڭ جملەسنی بیلمكە چیقوب انلرە كیمی ارادیورسكز دیدی ۔٥ انلر دخی اڭا ناصر تلو عیسایی دیو جواب ویر مكلە عیسی انلرە بن ایم دیدی وانی الە ویرن یهودا دخی انلر ایلە برابر طوریور ایدی ۔٦ انلرە بن ایم دیدیكی اندە انلر كیرو چكیلوب یرە دوشدیلر ۔٧ ایمدی انلرە كیمی ارایورسكز دیو تكرار سؤال ایلدیكندە انلر ناصر تلو عیسایی دیدیلر ۔٨ عیسی جواباً سزە بن ایم دیدم ۔ ایمدی اگر بنی ارایو ایسەڭز بونلری صالیویر كز كیتسونلردیدی ۔٩ تاكە بڭا ویردیكك كیمسەلر دن هیچ برینی ضایع ایتمدم دیو سویلدیكی كلام اتمام اولنە ۔١٠ اولوقت سمعون بطرسك بر قلیجی اولمغلە انی چكوب كا ەن اعظمك بندە سنە اورە رق صاغ قولاغنی كسوب دوشوردی اول بندە نك سمی دخی مالخس ایدی۔١١ وعیسی بطرسە قلیجكی قیننە قو ۔ پدرڭ بڭا ویردیكی كاسە یی ایچمیەجگمیایم دیدی۔١٢ اولوقت الوك ایلە بیك باشی و یهودیلرڭ مأمورلری عیسیایی طوتوب باغلادیلر ۔١٣ وانی اوّلا خنایە كوتوردیلر زیرا مرقوم او سنە دە كاەن اعظم اولان قیافانك قاین پدری ایدی ۔١٤ بوقیافا دخی قوم ایچون برادمك هلاك اولمسی خیرلودر دیو یهودیلرە نصیحت ویرمش اولان كیمسە ایدی ۔١٥ وسمعون بطرس ایلە دیكر بر شاكرد عیسانڭ آردی صرە كیدیورلر ایدی و اول شاكرد كاەن اعظمك بیلدیكی اولوب عیسی ایلە برابر كاەن اعظمك حولیسنە گیردی۔١٦ لكن بطرس قپو یانندە طیشاریدە طورمغلە كاەن اعظمك بیلدیكی اولان دیكر شاكرد چیقوب قپوجی یە سویلیە رك بطرسی ایچری یە آلدی ۔١٧ و قپوجی قیز بطرسە سن دخی بو ادمك شاكردلرندن دكلمیسین دیدڭدە او دخی دكل ایم دیدی ۔١٨ و ەوا صوغوق اولد یغندن خدمتكارلر ایلە مأمورلر آتش یاقمش اولمغلە طوروب ایصنیورلر ایدی بطرس دخی انلر ایلە برابر طوروب ایصنیور ایدی ۔١٩ وكاهن العظم وعیسایە شاكردلری ایلە تعلیمنە دائر سؤال ایتمكلە ۔٢٠ عیسی اڭا جواباً بن دنیایە علناً سویلدم ۔ بن دائما سیناغوغدە و یهودیلرڭ هر طرفدن جمع اولد قلری هیكلدە تعلیم ایدوب كیزلیدە هیچ برشی سویلمدم ۔٢١ نیچون بڭا سؤال ایدیورسین ۔ ایشیتمش اولانلردن كندیلرینە نە سویلدیكمی سؤال ایلە ۔ اشتە انلر بنم سویلدیكم شیلری بیلورلر دیدی ۔٢٢ وبو شیلری سویلدیكندە اورادە طوران مأمورلردن بری عیسایە بر سلە اوروب كاەن اعظمە بویل لە می جواب ویررسین دیدی ۔٢٣ عیسی اڭا جواباً اگر سویلدیكم فنا ایسە فنالغنە شهادت ایلە اما اگر ایو ایسە بڭا نیچون اور یورسین دیدی ۔٢٤ و حنا انی باغلو اولە رق كاەن اعظم قیانایە كوندرمش ایدی ۔٢٥ و سمعون بطرس طوروب ایصنمقدە ایكن اڭا سن دە انڭ شاكر دلرندن دكلمیسین دیدیلر۔ اودخی دكل ایم دیو انكار ایتدی ۔٢٦ كاەن اعظمك بندەلرندن اولوب بطرسك دخی قولاغنی كسدیكی كیمسە نك اقرباسندن بری بن سنی باغچە دە انڭ ایلە برابر كورمدممی دیدی ۔٢٧ بونڭ اوزرینە بطرس ینە انكار ایتدی و درعقب خروس اوتدی۔٢٨ اولوقت عیسایی قیافانك یا نندن حكومت قوناغنە كوتوردیلر ووقت صباح ایدی وانلر ناپاك اولماملری و فصحی یمیلری ایچون حكومت قوناغنە كیر مدیلر ۔٢٩ بو بناءً پیلاطوس انلرڭ یاننە چیقوب بو ادمك علیەندە نە شكایتكز وار دیدی ۔ انلر دیدی ۔٣٠ انلر دخی اڭا جواباً اگر بوكیمسە مجرم اولماسە ایدی انی سڭا تسلیم ایتمز ایدك دیدیلر ۔٣١ اولوقت پیلاچوس انلرە انی سز آلوب كندی شریءتكزە كورە حكم ایدڭز دیدی ۔ لكن یهودیلر اڭا كیمسە یی قتل ایتمەمزە رخصت یوقدر دیدیلر ۔٣٢ تاكە عیسانكنە درلو اولوملە وفات ایدە جكنی ایما ایتمك اوزرە سویلدیكی كلام اولنە ۔٣٣ وپیلاطوس تكرار حكومتقوناغنە گیردی و عیسایی چاغروب اڭا یهودیلرڭ ملكی سن میسین دیدی ۔٣٤ عیسی اڭا جواباً بونی كندیلككدنمی سویلیورسین یوقسە بنم حقمدە سڭا بشقەلریمی سویلدی دیدی ۔٣٥ پیلاطوس جواباً بن یەودیمی ایم ۔ سنی كندی ملتك و باش كاەنلر بڭا تسلیم ایتدیلر نە یا پدك دیدی ۔٣٦ عیسی جواباً بنم ملكوتم بو دنیا دن دكلدر ۔ اگر بنم ملكوتم بو دنیا دن اولسە ایدی بنم خفمتجیلرم مجاەدە ایدرلر ایدی كە یهودیلرە تسلیم اولنمایە یم اما شمدی بنم ملكوتم بورادن دكلدر دیدی۔٣٧ اولوقت پیلاطوس اڭا اویلە ایسە بر ملك میسین دیدی ۔ عیسی جواباً سویلدیكك كبیدر چونكە بن ملك ایم بن بونڭ ایچون یعنی حقیقتە شهادت ایتمك ایچون طوغدم و بونڭ ایچون دنیایە گلدم۔ حقیقتدم اولان هر كیمسە بنم سوزمی دیكلر دیدی ۔٣٨ پیلاطوس اڭا حقیقت نە در دیدی و بونی سویلد كدنصڭرە ینە یهودیلرڭ یاننە چیقوب انلرە بن اندە هیچ بر جرم بولمایورم ۔٣٩ اما فصحدە سزڭ ایچون بركیمسە صالیویر مكلكم سزدە عادتدر ایمدی سزە یەدیلرك ملكنی صالیویرمە می استر میسكز دیدی ۔٤٠ اولوقت ینە جملەسی باغروب بونی دكل آنجق باراباسی دیدیلر ۔ براباس ایسە بر حرامی ایدی۔