١ بوندنصڭرە عیسی طبریە دڭزینڭ كندیسنی شاكردلرینە تكرار اظەار ایلدی و صورت بو ایدی ۔٢ یعنی سمعون بطرس ایلە ایكیز دینلان توما و جلیلدە واقع قنا شەرندن اولان ناتاناءیل وزبدی اوغللری ایلە انڭ شاكردلرندن دیكر ایكی كشی برلكدە بولنوب ۔٣ سمعون بطرس انلرە بالق آوینە كیدە ھكم دیدی۔ اڭا بز دخی سنڭ ایلە برابر كیدرز دیەرك چیقوب درعقب قایغە بیندیلر و اول كیجە برشی طوتمادیلر ۔٤ و صباح اولد قدە عیسی دكز كنا رندە طوریور ایدی اما شاكر دلر عیسی ایدیكنی بیلمدیلر ۔٥ عیسی انلرە چوجوقلر بر ییەجكڭز وارمی دیدی اڭا خیر دیو جواب ویردیلر۔٦ اودخی انلرە آغی قایغك صاغ طرفنە آتكز و بولورسكز دیمسیلە آتدیلر و بالقلرك چوقلغندن ناشی انی چكە مدیلر ۔٧ اولوقت عیسانڭ سودیكی شاكرد بطرسە بوربدر دیدی۔ سمعون بطرس دخی رب ایدیكنی ایشیدكدە چپلاق اولدیغی ایچون عباسنی قوشانوب دڭزە آتلدی ۔٨ دیكر شاكردلر ایسە قرە دن اوزاق اولما یوب آنجق ایكی یقز آرشون قدر آچیقدە بولنملریلە آغی باقلری ایلە چكەرك قایقلە گلدیلر۔٩ وقرەیە چیقدقلرندە حاضر بر آتش واوستنە قونلمش بالق واتمك گودیلر١٠ عیسی انلرە شمدی طوتدیغكز بالقلردن گتورڭز دیدی۔١١ سمعون بطرس قایغە گیروب یوز اللی اوچ عدد بیوك بالق ایلە طولو آغی قرە یە چكدی و بو قدر چوق ایكن آغ یرتلمادی ۔١٢ عیسی انلرە كلكز طعام ایدڭز دیدی و شاكردلردن هیچ بری سن كیم سین دیو اڭا سؤال ایتمكە جسارت ایدە مدی زیرا رب ایدیكنی بیلدیلر١٣ اولوقت عیسی گلوب اتمكی و كذلك بالغی دخی ّلوب انلرە ویردی١٤ عیسی اولولودن قیام ایتدكدنصڭرە بو او چنجی دفعە شاكر دلرینە كوروندی۔١٥ وانلر طعام ایتدكدنصڭرە عیسی سمعون برسە خطاباً ای سمعون ابن یونس بنی بونلردن زیادە سورمیسین دیدی۔ اڭا بلی یارب سنی سودیكمی سن بیلورسین دیدی۔ اڭا قوزولرمی اوتلات دیدی ۔١٦ ینە اڭا ایكنجی دفعە سمعون ابن یونس بنی سورمیسین دیدی ۔ اڭا بلی یا رب سنی سودیكمی سن بیلورسین دیدی۔ اڭا قویونلرمە چوبان اول دیدی۔١٧ اڭا اوچنجی دفعە ای سمعون ابن یونس بنی سورمیسین دید كدە بطرس كندیسنە اوچنجی دفعە اولە رق بنی سورمیسین دیدیكی ایچون محزون اولوب اڭا یا رب سن هر شیئی بیلوسین سنی سودیكمی سن بیلورسین دیدی عیسی اڭا قویونلرمی اوتلات ۔١٨ حقیقۃً حقیقۃً سڭا دیر مكە سن گنج ایكن كندی كندیكە قوشانوب استدیكك یرە كیدر اما اختیار اولدیغك زمان اللركی اوزادە جقسین دە سنی بشقە سی قوشادوب استمدیكك یرە كوتورە جكدر دیدی١٩ و نە درلو اولو ملە اللەی تعزیز ایلیە جكنی ایما ایتمك ایچون بونی سویلدی و بونی دیدكدنصڭرە اڭا آردم صرە كل دیدی ۔٢٠ و بطرس دونوب اول اقشام طعامندە عیسانڭ كوكسنە دوشەرك یارب سنی اللە ویرە جك كیم در دیان انڭ سودیكی شاكردك آرقە دن گلدیگی گوردی ۔٢١ بطرس مرقومی كورونجە عیسایە یا راب بو دخی نە اولە جق دیدی۔٢٢ عیسی اڭا بن كنجیە دك بونڭ قالمە سنی استر ایسە م سنڭ نە وظیفە ك ۔ سن آردم صرە كل دیدی ۔٢٣ ایمدی اول شاكرد وفات ایتمیە جكدر كلومی برادرلر اراسندە شایع اولدیفقط عیسی اڭا بو وفات ایتمیە جكدر دیمیوب آنجق بن كنجە یە دك انڭ قالمە سنی استرایسە م سنڭ نە وظیفە ك دیمش ایدی۔٢٤ بوشیلر حقندە شهادت ایدوب بوشیلری یازان همان بو شاكرددر وانك شهادتی حق اولد یغنی بیلورز ۔٢٥ و عیسانڭ اجرا ایلدیكی دھانیچە شیلر واركە اگر برر برر یازیلە جق اولسە یازیلان كتابلر دنیایە بیلە صیغماز ظن ایدرم ۔ آمین۔