١ اندنصڭرە عیسی جلیل دكزی یعنی طبریە دڭزینڭ اوتە طرفنە عزیمت ایدوب ۔ ٢ خستەلردە كوستردیكی علامتلری كوردكلری ایچون آردی صرە چوق خلق كیدر ایدی ۔ ٣ و عیسی طاغە چیقوب شاكردلری ایلە برابر اورادە اوتوردی ۔ ٤ یەویلرك فصح بیرامی دخی یاقین ایدی۔٥ ایمدی عیسی نظر ایدوب یاننە چوق خلق گلدیگنی كورد كدە فیلبسە بونلرك ییمەلری ایچون نرەدن اتمك صاتین آلە لم دیدی۔٦ بونی دخی انی تجربە ایچون زیرا كندیسی نە ایدە جكنی بیلور ایدی ۔ ٧ فلیبس اڭا جواباً بونلرك هر بری آز برشی یمیە سی ایچون ایكی یوز دینارلق اتمك كفایت ایتمز دیدی ۔ ٨ شاكردلرندن بری سمعون بطرسك قارنداشی اندراوس اڭا دیدكە ۔ ٩ بورادە بش آرپە اتمكی ایلە ایكی بالغی بولنان بر چوجوق وار ۔ لكن بوقدر كشی یە بونلر نە اولور ۔ ١٠ اما عیسی ادملری اوتوردكز دیدی اواول محلدە چوق اوت بولنوب اول ادملر تقریباً بش بیك كشی اولە رق اوتوردیلر ۔ ١١ وعیسی اتمكلری آلوب شكر كدنصڭرە [شاكردلرە وشاكردلر دخی ] اوتور انلرە توزیع ایدیلر بالقلردن دخی استدكلری قدر ویردیلر ۔ ١٢ وطوید قلرندە شاكر دلیرینە خطاباً فضلە قالان پارچەلری طوپلایكز برشی ضایع اولماسون دیمسی اوزرینە ۔ ١٣ انلر دخی دیوشیروب اول بش آرپە اتمكندن ییانلردن ارتان پارچەلرلە اون ایكی كوفە طولدردیلر۔١٤ واول ادملر عیسانڭ اظەار ایتدیكی علامتی كورمكلە فی الحقیقە دنیایە كلە جك شول پیغمبر بودر دیدلر ۔ ١٥ عیسی دخی انلرڭ گلوب ملك ایتمك ایچون كندینی جبراً كوتورە جكلرینی بیلمسیلە تكرار یالكزجە طاغە چكلدی ۔ ١٦ واقشام اولد قدە شاكردلری ساحلە ایندیلر ۔ ١٧ وقایغە گیروب دكزك اوتە طرفنە كفرناحومە كیدیورلر ایدی ۔ وقرا كلق باصمش اولوب عیسی دها یانلرینە كلمە مش ایدی۔١٨ دكز دخی شدتلو بر روزكار اسمە سندن قبار مقدە ایدی١٩ ایمدی انلر كورك چكە رك یكرمی بش و یا اوتوز اوق آتیمی قدر كیتدكلرندە عیسایی دكزك اوزرندە یورویە رك قایغك یاننە گلور كوروب قوردیلر۔٢٠ او دخی انلرە بن ایم قورقمایكز دیدی٢١ او زمان سوینە رك انی قایغە آلدیلر و در عقب قایق كیدە واصل اولدی۔٢٢ ایرتسی كون دكزك اوتە طرفندە طوران خلق اورادە انڭ شاكردلرینك بینمش اولد قلری برقایقدن بشقە اولماد یغنی و عیسانڭ ساكردلری ایلە برابر قایغە كیرمە مش آنجق شاكر دلرینك یالكز كیتمش قولد قلرینی كورد كلرندە ۔ ٢٣ (حالبوكە رب شكر ایتد كدنصڭرە اتمك ییدكلریمحلە یاقین طبریە دن بشقە قایقلر گلدی )۔ ٢٤ ایمدی خلق عیسانڭ وشاكردلرینك اورادە اولما دیغنی كورد كلرندە كندیلری دخی قایقلرە بینوب عیسایی ارایە رق كفرنا حومە كلدیر ۔ ٢٥ وانی دكزك اوتە طرفندە بولوب اڭا یا معلم بورایە نە وقت كلدك دیدیلر۔٢٦ عیسی انلرە جواباً حقیقۃً حقیقۃً سزە دیرمكە علامتلر كوردیككز ایچون دكل آنجق اول اتمكلردن ییوب طویدیغكز ایچون بنی ارایورسكز ۔ ٢٧ فانی اولان طعامە دكل آنجق ابن الانسانك سزە ویرە جكی ابدی حیات ایچون باقی قالان طعامە سعی ایدڭز ۔ زیرا پدراللە انی مەر لمشدر دیدی ۔٢٨ او زمان اڭا اللهە عمللر ینی اجرا ایتمك ایچون نە ایدە لم دیدیلر ۔ ٢٩ عیسی انلرە جواباً اللهڭ عملی بودركە انڭ ارسال ایتدیكی كیمسە یە ایمان ایدە سكز دیدی ، ٣٠ ایمدی اڭا یا سن بزم كوروب سڭا ایمان ایتمەمز ایچون نە علامت كوستررسین۔ نە ایشلر سین ٣١ اجدادمز برّیە دە منّی ییدیلر نتە كیم انلرە ییمكە سمادن اتمك ویردی دیو یازلمشدر دیدلر ۔ ٣٢ عیسی دخی انلرە حقیقۃً حقیقۃً سزە دیرمكە سمادن اولان اتمكی سزە موسی سیرمدی لكن سمادن اولان حقیقی اتمكی سزە پدرم ویرر ٣٣ زیرا اللهڭ اتمكی سمادن نازل اولوب دنیایە حیات ریرندە دیدی ۔ ٣٤ ایمدی اڭا یارب بزە بو اتمكی دائما ویر دیدیلر ۔ ٣٥ عیس دخی انلرە دیدكە اول حیات اتمكی بن ایم بڭا گلان اصلا آجیقمایە حق و بڭا ایمان ایدن اصلا صوصامایە جقدر ۔ ٣٦ لكن سزە دیدمكە بنی هم كوردیكز همدە ایمان ایتمیوسكز ۔ ٣٧ پدرڭ جملە بڭا ویردیكی بڭا گلور و بڭا كلانی اصلا طیشاری آتمام ۔ ٣٨ زیرا كندی ارادتمی دكل آنجق بنی ارسال ایدنك ارادتنی اجرا ایمك اوزرە سمادن نزول ایتدم ۔ ٣٩ و بنی ارسال ایدن پدرڭ ارادتی بودركە جملە بڭا ویردیكندن هیچ برینی ضایع ایتمیوب آنجق انی صوك گوندە احیا ایدە یم ۔ ٤٠ و * بنی ارسال ایدنك ارادتی بودركە اوغلی كوروب اڭا ایمان ایدن هر بر كیمسە ابدی حیاتە مالك اولە بن دخی انی صوك گوندە ایدە یم۔٤١ بونڭ اوزرینە یهودیلر سمادن اینن اتمك بن ایم دیدیكی ایچون انڭ حقندرە سویلنە رك ۔ ٤٢ بوكیمسە عیسی ابن یوسف دكلمی كە بزانك پدری ایلە والدە سنی بیلورز ۔ بو حالدە نصل سمادن نزول ایتدم دیور دیدیلر ۔ ٤٣ وعیسی انلرە جواباً دیدیكە اراكزدە سویلنمیكز۔٤٤ بنی ارسال ایدن پدرانی چكمە ینجە بركیمسە بڭا كلەمز ۔ بن دخی انی صوك گوندە احیا ایدە جكم ۔ ٤٥ جملەسی اللە طرفندن تعلیم اولتمش اولە جقلر دیو پیغمبرلردە یازلمشدر بوكا بناء پدردن هر ایشیدوب اوكرنان بڭا گلور ٤٦ دكل كە بركیمسە پدری كورمشدر الاللە طرفندن اولان ذات پدری كورمشدر ۔ ٤٧ حقیقۃً حقیقۃً سزە دیرمكە بڭا ایمان ایدن ابدی حیاتە مالكدر ۔ ٤٨ حیات اتمكی بن ایم٤٩ اجداد ڭز برّیە دە منّی ییوب وفات ایتدیلر ۔ ٥٠ سمادن نازل اولان اتمك بودركە اندن بركیمسە ییوبدە وفات ایتمیە ۔ ٥١ سمادن نزول ایدوب حی اولان اتمك بن ایم ۔ اگر بر كیمسە بو اتمكدن یر ایسە الی الابد یا شایە جقدر و بنم ویرە جكم اتمك دنیانڭ حیاتی ایچون ویرە جكم تنمدر۔٥٢ ایمدی یهودیلر بو ادم نصل تننی یمیەمز ایچون ویرە بیلور دیو ارالرندە موارضە ایتدیلر ۔ ٥٣ عیسی دخی انلرە دیدكە حقیقۃً حقیقۃً سزە دیرمكە اگر ابن الانسانك تننی یمیز وقاننی ایچمز ایسەڭز كندیكزدە حیات اولماز ۔ ٥٤ بنم تنمی ییوب قانمی ایچان ابدی حیاتە مالكدر بن دخی انی صوك گوندە احیا ایدە جكم ۔ ٥٥ زیرا تنم حقیقۃً طعامدر و قانم حقیقۃً شربدر ۔ ٥٦ تنمی ییوب قانمی ایچان بندە بن دخی اندە ساكن اولورم ۔ ٥٧ حی اولان پدر بنی ارسال ایتدیكی بن دخی پدرڭ سبیلە حیاتدە اولد یغم مثللو بنی ییان دخی بنم سبجلە حیاتدە اولە جقدر ۔ ٥٨ سمادن نازل اولان اتمك بودر ۔ اجداد كز منّی ییوب وفات ایتدكلری كبی دكلدر ۔ بو اتمكی الی الابد حیاتدە اولە جقدر۔٥٩ بوشیلری كفر نا حومدە تعلیم ایدە رك سناغو غدە سویلدی۔٦٠ وشاكر دلرندن نیشەلری بونی ایشیتد كلرندە بو سوز آغر در بونی كیم دیكلە یە بیلور دیدیلر ۔ ٦١ وعیسی شاكر دلرینك بونڭ اوزرینە سویلند كلرینی درونندە بیلمكلە انلرە خطاباً سزی بوشی سورچد ریورمی ۔ ٦٢ اگر ابن الانسانك مقدما اولدیغی محلە چیقد یغنی كورور ایسەڭز ۔۔۔ ٦٣ احیا ایدن روحدر تن هیچ برفائدە ایتمز۔ بنم سزە سویلد یكم سوزلر روح ویاتدر ۔ ٦٤ لكن سزدن بعض اینا نمایان كیمسەلر واردردیدی ۔ چونكە عیسی اینا نما یانلر كیملر اولد یغنی وكندینی الە ویرە جك اولان كیم ادیدیكنی ابتدا دن بیلور ایدی۔٦٥ ودخی بونڭ ایچون سزە هیچ كیمسە پدرم طرفندن كندینە ویر لمدكجە بڭا كلەمز دیو سویلدم دیدی۔٦٦ بونڭ اوزرینە شاكردلرندن نیچەلری كیرو چكیلوب آرتق انڭ ایلە برابر كزمزلر ایدی۔ ٦٧ ایمدی عیسی اون ایكیلرە سزە دخی می كیتمك استرسكز دیدی۔ ٦٨ سمعون بطرس اڭا جواباً یارب كیمە كیدە لم ۔ ابدی حیات سوزلری سندە در ۔ ٦٩ بز دخی ایمان ایدوب ابن اللە [الحی] مسیح سن ایدیككی بیلدك دیدی ۔ ٧٠ عیسی انلرە خطاباً بن سز اون ایكیلری انتخاب ایتمدممی و سزدن بری شیطاندر دیدی ۔ ٧١ وبونی سمعون اوغلی اسخر یوطی یهودا حقندە سویلر ایدی زیرا بو كیمسە اون ایكیلردن بری ایكن انی الە ویرە جك ایدی۔