١ وبوشیلرد نصڭرە عیسی جلیلدە كزر ایدی زیرا یهودیلر قتلنە قصد ایتدكلری ایچون یهودیە دە كزمك استمز ایدی۔٢ ویەودیلرك خیمە بیرامی یاقین اولمغە٣ قارند اشلری اڭا شاكردلركك دخی ایشلدیكك عمللری كورملری ایچون بورادن چیقوب یهودیە یە گیت ۔٤ زیرا هیچ بر كیمسە كندیسی آشكار اولمق استر ایكن كیزلیجە برشی ایشلمز ۔ اگر بونلری ایشلر ایسە ك كندیكی دنیا اظەار ایلە دیدلر ۔٥ زیرا قارند اشلری بیلە اڭا ایمان ایتمزلر ایدی٦ وعیسی انلرە دیدیكە بنم وقتم دها كلمدی فقط سزڭ وقتكز دائما حاضردر ۔٧ دنیا سزە بغض ایدەمز اما بڭا بغض ایدر چونكە بن انڭ حقندە عمللرینك فاسد اولد یغنە شهادت ایدرم ۔٨ سزبو بیرامە چیقكز بن بو بیرامە [دها] چیقمام زیرا بنم وقتم دها تمام اولما مشدر۔٩ وانلرە بوشیلری سویلیوب جلیلدە قالدی١٠ اما قارند اشلری چیقدقد نصڭرە او زمان كندیسی دخی آشكار اولمایە رق كیزلیجە كبی بیرامە چیقدی ۔١١ یهودیلر دخی انی بیرامدە ارایوب نرە دە در دیلر ایدی۔١٢ وانك حقندە خلقك اراسندە چوق قیل واقع اولە رق بعضلری صالحدر دیوب دیكرلری دە خیر آنجق خلقی اضلال ایدیور دیرلر ایدی ۔١٣ اما یهودیلرڭ قورقوسندن ناشی بركیمسە علناً انڭ لقردیسنی ایتمز ایدی۔١٤ وآرتق بیرامك نصفی اولد قدە عیسی ەیكلە چیقوب تعلیم ایدر ایدی ۔١٥ و یهودیلر تعجّب ایدە رك بوكیمسە تعلیم اولنمش دكل ایكن كتابلری نصل بیلور دیدیلر ۔١٦ عیسی دخی انلرە جواباً بنم تعلیم كندمك دكل آنجق بنی ارسال ایدنكدر ۔١٧ اگر بركیمسە انڭ ارادتنی اجرا ایتمك استرا ایسە بو تعلیم اللەدنمی اولد یغنی ویاخود بن كندیلكمدنمی سویلد یكمی بیلە جكدر ۔١٨ كندیلكندن سویلیان كندی عزتنی ارار اما كندینی ارسال ایدنك عزتی ارایان حقدر واندە حقسز لق بو قدر ۔١٩ موسی سزە شریعتی ویرمدیمی هیچ كیمسە شریعتی اجرا ایتمز ۔ نیچون قتلمی ارایورسكز دیدی ۔٢٠ خلق دخی مجنون سین سنڭ قتلكی كیم ارایو دیو جواب ویردیلر ۔٢١ عیسی انلرە جواباً بر ایش ایشلدم و جملە ایدیورسكز۔٢٢ موسی سزە ختانی ویردی (بو دخی موسادن آنجق اجداد دندر) وسز سبت گونی ادم ختان ایدرسڭز ۔٢٣ اگر موسانك شریعتی نقض اولنمامق ایچون سبت گونی ادم ختان اولنورسە سبت گونی برادمە كاملاً صحت ویردیكم ایچون بڭا طاریلیورمیسكز ۔٢٤ كورنشە كورە حكم ایتمیڭز آنجق عدالتە كورە حكم ایلیكز دیدی۔٢٥ اوزمان اورشلیمیلردن بعصلری دیرلر ایدیكە قتلنی ارادقلری بو دكلمیدر ۔٢٦ واشتە علناً سویلیور واكا هیچ برشی دیمیورلر ۔ عجبا رئیسلر بونڭ حقیقۃً مسیح ایدیكنی صحیحاً بیلدیلرمی ۔٢٧ لكن بز بونڭ نرەدن اولد یغنی بیلورز اما مسیح گلدیگی زمان نرەدن اولد یغنی كیمسە بیمز۔٢٨ وعیدی هیكلدە تعلیم ایدر ایكن ندا ایدە رك هم بنی بیلورسڭز همدە نرەدن اولد نمی بیلورسڭز وبن كندیلكمدن كلمدم فقط بنی ارسال ایدن حقدركە سرانی بیلمزسكز ۔٢٩ بن انی بیلورم زیرا بن اندن ایم و هم بنی او ارسال ایلدی دیدی ۔٣٠ بونڭ اوزرینە انی طوتمغە قصد ایتدیلر ایسە دە هیچ بركیمسە اڭا ال اوزاتمادی چونكە انڭ وقتی دها كلمە مش ایدی ۔٣١ وخلقدن نیچەلری اڭا ایمان ایدوب مسیح گلدیگی زمان بونڭ اجرا ایتدیكی معجزەلردن زیادە می ایدە جك دیدیلر۔٣٢ فریسیلر خلقك انڭ حقندە بو مثللو قیل و قال ایتد یكنی ایشیدوب فریسیلر ایلە باش كاەنلر انی طونمق اوزرە مأمورلر كوندردیلر ۔٣٣ وعیسی دها براو مدت سزڭ ایلە برابر ایم اندنصڭرە بنی ارسال ایدنە كیدوم ۔٣٤ سز بنی ارایوبدە بولمایەجقسڭز وبنم بولندیغم یرە سز كلەمز سكز دیدی ۔٣٥ بونڭ اوزرینە یهودیلر بری برینە بو نرە یە كیدە جكدر كە بنی بولمایا جغز ۔ عجبا یونانیلر ایچنە طاغلمش اولانلرە كیدوبدە یونانیلرە می تعلیم ایدە جك ۔٣٦ بنی ارایوبدە بولمایەجقسڭز وبنم بولندیغم یرە سز كلە سكز دیدیكی بوكلام نە در دیدیلر۔٣٧ وبیرامك صوك وبیوك كنندە عیسی طوروب ندا ایدە رك اگر بركیمسە صوصامش ایسە بڭا گلوب ایچسون ۔٣٨ هر كیم كە بڭا ایمان ایدر ایسە كتابك بیوردیغی وجەلە بطنندن دیری صو ایرما قلری جریان ایدە جكدر دیدی ۔٣٩ بونی دخی كندینە ایمان ایدنلرك آلە جقلری روحك حقندە سویلەدی زیرا عیسی ەنوز تعزیر اولنما دیغی ایچون روح [القدس] دها ویرلمش دكل ایدی ۔٤٠ خلقدن نیچەلری بو سوزی ایشیتدكلرندە فی الحقیقە بو اول پیغمبردر دیدیلر۔٤١ بشقەلری بو مسیحدر دیدیلر غیر یلری ایسە یا مسیح جلیلد نمی كلوز٤٢ مسیح داودك نسلندن وداودك اولدیغی بیت لحم نام كویدن گلور دیو كتاب بیورمازمی دیدیلر ۔٤٣ بویلە جە انڭ حقندە خلق بینندە اختلاف وقوع بولدی ۔٤٤ وانلر دن بعضیسی انی طوتمق استدیلر ایسە دە هیچ كیمسە اڭا ال اوزاتمادی۔٤٥ ومأمولر باش كاەنلر ایلە فریسیلرك یاننە كلد كلرندە انلرە نیچون انی كتورمدیكز دیدیلر۔٤٦ مأمورلر جواباً بو ادم كبی اصلا بركیمسە سویلە مە مشدر دیدیلر ۔٤٧ وبونك اوزرینە فریسیلر انلرە جواباً سزدە می آلداندیكز ۔٤٨ رئیسلردن یا خود فریسیلردن بر كیمسە اڭا ایمان ایتدیمی۔٤٩ اما شریعتی بیلمیان بو خلق ملعوندر دیدیلر٥٠ كیجە لین انڭ یا ننە گلمش اولان نیقودیموس انلردن بری اولمغلە انلرە ۔٥١ عجبا بزم شریعتمز برادمی اوّلا دیكلیوب نە ایتد یكنی اكلا مادقجە حكم ایدرمی دیدی ۔٥٢ بوكا جواباً سن دە می جلیلدن سین تحقیق ایلە وباق كە جلیلدن پیغمبر ظەور ایتمە مشدر دیدیلر ۔٥٣ وەر كس كندی اوینە گیتدی۔