١ اندنصڭرە یهودیلرڭ بیرامی اولوب عیسی اور شلیمە چیقدی۔٢ و اور شلیمدە قویون قبوسی قربندە عبرانیجە بیت حسدا دینلان بر حوض اولوب انڭ بش ایوانی وار ایدی ۔٣ انلردە كور و طوپال واعضاسی قورومش اولان پك چوق خستەلر صویك تحریكنە منتظر اولە رق یاتیورلر ایدی ۔٤ زیرا وقت وقت حوضە بر ملك اینوب صویی تحریك ایدر ایدی ۔ ایمدی صوتحریك اولند قدن صڭرە اك اوّل اینن كیمسە هر نە علتی وار ایسە شفا بولور ایدی۔٥ و اورادە اوتوز سكز سنە دنبرو خستە اولان بر ادم وار ایدی ۔٦ عیسی انی یاتمش اولدیغی حالدە كوروب چوق زماند نبرو بویلە اولد یغنی بیلمكلە اڭا صحت پولمق استرمیسین دیدی ۔٧ خستە اڭا افندم صوتحریك اولندقدە بنی حوضە قویەجق ادمم اولمادیغندن بن كیتمكدە ایكن بندن اوّل بشقە سی اینر جوانبی ویردی ۔٨ عیسی اڭا قالق یا تاغكی قالدروب یورو دیدی ۔٩ اول ادم دخی درحال صحت بولدی ویاتاغنی قالدروب یورودی ۔ واول كون سبت گونی ایدی ۔١٠ بونڭ ایچون یهودیلر شفا بولان كیمسە یە سبت كونیدر سڭا یاتاغی قالدرمق حلال دكلدر دیدلر ۔١١ او دخی انلرە بڭا شفا ویرن كیمسە كندیسی بڭا یاتاغكی قالدروب یورو دیدی جوابنی ویردی۔١٢ ایمدی اڭا سڭا یاتاغكی قالدروب یورو دیان ادم كیمدر دیو سؤال ایتدلر ۔١٣ سفا بولان كیمسە ایسە انڭ كیم ایدیكنی بیلمز ایدی ۔ زیرا عیسی اول محلدە خلقك چوقلغی سببیلە برطرفە چكلمش ایدی۔١٤ اندنصڭرە عیسی انی هیكلدە بولوب اڭا اشتە صحت بولدك آرتق كناە ایشلمە اولمایا كە سڭا دها فنا برشی واقع اولە دیدی ۔١٥ اول ادم واروب یهودیلرە كندینە شفا ویرن عیسی ایدیكنی خبر ویردی ۔١٦ وبوسببدن یهودیلر عیسایە بوشیلری سبت كونندە ایتدیكی ایچون تعّدی ایدرو [قتلنی اراد]لرایدی۔١٧ اما عیسی انلرە جواباً پدرم شمدییە دك ایشلیور بن دخی ایشلیورم دیدی ۔١٨ بو سببە مبنی یهودیلر انڭ قتلنی دها زیادە ارادیلر زیرا سبتی نقض ایلدكدن ماءدا اللە پدرمدر دیەرك كندینی اللهە مساوی قیلار ایدی ۔١٩ ایمدی عیسی انلرە جواباً دیدیكە حقیقۃً حقیقۃً سزە دیرمكە پدرڭ برشی ایتدیكنی كورمدكجە اوغل كندیلكندن برشی ایدەمز زیرا او نە ایدرسە اوغل دخی همان انی ایدر ۔٢٠ چونكە پدر اوغلی سور وكندی ایلدیكی شیلرڭ جملەسنی اڭا كوسترر ۔ وسزڭ تعجّب ایتمە كز ایچون اڭا بونلردن دها بیوك عمللر كوسترە جكدر ۔٢١ زیرا پدر اولولری اقامە واحیا ایتدیكی مثللو اوغل دخی بویلە جە استدیكی كیمسەلری احیا ایدر ۔٢٢ زیرا پدر هیچ بر كیمسە یی حكم ایتمز اما بتون حكمی اوغلە تسلیم ایتمشدر ۔٢٣ تاكە جملەسی پدرە احترام ایتدكلری مثللو اوغلە دخی احترام ایدەلر ۔ اوغلە احترام ایتمیان انی ارسال ایدن پدرە احترام ایتمە مش اولور ۔٢٤ حقیقۃً حقیقۃً سزە دیر مكە بنم كلاممی دیكلیوب بنی ارسال ادینە ایمان ایدن كیمسە ابدی حیاتە مالك اولور و محكومیتە دوچاراولماز فقط اولومدن حیاتە انتقال ایتمشدر۔٢٥ حقیقۃً حقیقۃً سزە دیر مكە وقت گلیور و حالا دركە اولولر ابن اللهە صدا سنی ایشیدوب ایشیدنلر دخی دیریلەجكلردر ۔٢٦ زیرا پدر كندی ذاتندە حیاتە مالك اولدیغی مثللو اوغلە دخی بویلە جە كندی ذاتندە حیانە مالك اولمغی ویر مشدر ۔٢٧ وادم اوغلی اولدیغی ایچون حكم ایتمكە دخی اڭا صلاحیت ویرە مشدر ۔٢٨ بوكا تعجّب ایتمە یكز زیرا وقت گلیور كە قبرلردە اولا نلرك جملەسی انڭ صداسنی ایشیەجكلر ۔٢٩ و خیر ایشلیانلر حیات قیامتنە شرایشلیانلر ایسە محكومیت قیامتنە چیقە جقلردە ۔٣٠ بن كندیلكمدن برشی ایدە مم۔ ایشیتدیكمە كورە حكم ایدرم بنم حكمم دخی حقدر زیرا كندی ارادتمی دكل آنجق بنی ارسال ایدن [پدر] ك ارادتنی ارارم۔٣١ اگر بن كندی حقمدە شهادت ایدر ایسە شەادتم حق دكلدر۔٣٢ بنم حقمدە شهادت ایدن بشقە سیدر و بنم حقمدە ایتدیكی شهادت حق اولد یغنی بیلورم ۔٣٣ سز یحیانڭ یاننە ادملر گوندردیڭز او دخی حقیقتە شهادت ایلدی ۔٣٤ سن ایسە انسان طرفندن شهادت آلمام آنجق خلاص بولمكز ایچون بوشیلری سویلیورم ۔٣٥ او یانار وضیادار چراغ ایدی و سز برمدت انڭ ضیا سندە شاد اولمق استدیكز۔٣٦ اما بنم یحیانڭ شەادتندن بیوك شەادتم وار زیرا اتمام ایتمك اوزرە پدرڭ بڭا ویردیكی عمللر همان بو ایشلدیكم عمللر پدرڭ بنی ارسال ایتدیكنە حقمدە شهادت ایدر ۔٣٧ و بنی ارسال ایدن پدر كندیسی دخی حقمدە شهادت ایتمشدر ۔ سز هیچ بر وقت انڭ سسینی ایشیتمدیكز هر ایئتنی گورمدیڭز ۔٣٨ وكلامی دخی سزدە قاءم دكلدر چونكە سز انڭ ارسال ایتدیكی كیمسە یە ایمان ایتمیورسڭز ۔٣٩ كتابلری اراشدركز زیرا انلرە ابدی حیاتە مالك اولورز ظن ایدرسڭز و بنم ایچون شهادت ایدن انلردە ۔٤٠ وسز حیاتە مالك اولمق ایچون بڭا گلمك استمیورسڭز ۔٤١ ادملردن عزت آلمام٤٢ لكن سزی بیلومكە درونكزدە اللە محبتی یوقدر٤٣ بن پدرڭ اسمیلە گفلدم ایسە انی قبول ایتمیورسڭز ۔ اگر دیكر بر كیمسە كندی اسمیلە گلور ایسە انی قبول ایدرسڭز٤٤ سز بری بریكزدن عزت آلوب یالكز اللەدن گلان عزتی اراماز ایكن نصل ایمان ایدە بیلورسڭز ۔٤٥ پدرە سزی بن اتهام ایدەجكم ظن ایتمیڭز سزی اتهام ایدن واردر اودە سزڭ اعتماد ایتدیكڭز موسی در ۔٤٦ زیرا اگر موسایە اینانمش السیدیكز بڭا اینانور ایدیڭز زیرا اوبنم حقمدە یازدی ۔٤٧ اما انڭ كتابلرینە اینانمادیگكز حلادە بنم سوزلرمە نصل اینانەجقسڭز۔