١ ایمدی عیسانڭ یحیادن زیادە شاكر دلر پیدا ایدوب وافتیز ایتدیكنی فریسیلر ایشیتمش اولدیغی ربك معلومی اولد قدە ۔٢ (واقعا بالذات عیسی دكل آنجق شاكردلری وافتیز ایدر ایدی ) ۔٣ یهودیە یی ترك ایدوب تكرار جلیل طرفنە عزیمت ایلدی ۔٤ وسامریە ایچندن كچمسی ایجاب ایتمكلە ۔٥ یعقوبك كندی اوغلی یوسفە ویردیكی اراضی قربندە سامر یە دە واقع سیخار نام بر شەرە گلدی ۔٦ واورادە یعقوبك برقیوسی وار ایدی ۔ ایمدی عیسی یولجیلقدن ناشی یورلمش بولنمسی حسبیلە ساعت آلتی قرارلرندە قیونك یانندە اوتورد یغی حالدە ۔٧ سامریە دن برقاری صچكمكە گلوب عیسی اڭا بڭا صو ویر ایچە یم دیدی ۔٨ چونكە شاكردلری ییەجك صاتین آلمق اوزرە شەرە كیمشلر ایدی ۔٩ اول سامریە لو قاری دخی اكاسن یەودی بن دە سامر یە لو بر قاری ایكن نصل بندن صواستیورسین دیدی۔ زیرا یهودیلر سامریەلولر ایلە اختلاط ایتمزلر ۔١٠ عیسی اڭا جواباً اگر اللهڭ عطیەسنی و بڭا صو ویر دیو سڭا سویلیانك كیم ایدیكنی بیلسە ایدك سن اندن استر ایدك او دخی سڭا دیری صوویرر ایدی دیدی ۔١١ قاری اڭا افندم سنڭ صو چكەجك قابڭ یوقدر قیو دخی دریندرایمدی اول دیری صويی نرەدن آلورسین ۔١٢ سن بزە بوقیویی ویروب اندن كندیسی واوغللری و طوارلری ایچمش اولان پدرمز یعقوبدن بیوك میسین دیدی ۔١٣ عیسی اڭا جواباً بو صودن هر ایچن ینە صوصار اما هر كیم بنم كندیسنە ویرە حكم صودن ایچر ایسە الی الابد صوصاماز ۔١٤ اما اڭا ویرە حكم صو انڭ درونندە ابدی حیات ایچون قاینایان صوپیكاری اولە جقدر دیدی ۔١٥ قاری اڭا افندم او صوبی بڭا ویر كە صوصامیەیم و بورایە صو چكمكە گلمیەیم دیدی۔١٦ عیسی اڭا گیت زوجكی چاغر و بورایە كل دیدی١٧ قاری دخی زوجم یوقدر دیو جواب ویردی ۔ عیسی اڭا زوجم یوق دیدیككدە طوغری سویلدك ۔١٨ زیرا بش زوجە واردك و شمدی سنڭ ایلە اولان كیمسە زوجك دكلدر بوندە كرچك سویلدك دیدی۔١٩ قاری اڭا ای افندم گوریورم كە سن بر پیغمبر سین٢٠ اجداددمز بوطاغدە سجدە قیلدیلر و سز سجدە قیلمق لازم اولان محل اور شلیمدە در دیر سكز دیدی ۔٢١ عیسی اڭا ای خاتون بڭا اینان ساعت كلیوركە پدرە نە بو طاغندە نە دە اور شلیمدە سجدە قیلەجقسڭز ۔٢٢ سز بیلمدیككزە سجدە قیلارسڭز بز بیلد یكمزە سجدە قیلارز ۔ زیرا خلاص یهودیلردندر ۔٢٣ لكن ساعت گلور و حالا حاضر دركە كر چكدن سجدە قیلانلر پدرە روح و حقیقتلە سجدە قیلە جقلر زیرا پدر دخی كندینە بویلە سجدە قیلانلر استر ۔٢٤ اللە روحدر واكا سجدە قیلانلر روح وحقیقتلە سجدە قیلمق كركدر دیدی ۔٢٥ قاری اڭا خرستوس تسمیە اولنسان مسیحك گلەجگنی بیلورم اوكلدیكی زمان بزە هر شیئی خبر ویرە جكدر دیدی ۔٢٦ عیسی اڭا بن كە سنڭ ایلە كلام ایدیورم او ایم دیدی ،٢٧ وبو صرە دە شاكر دلری گلوب قاری ایلە سویلشد یكنە تعجّب ایتدیلر ایسنە دە هیچ بری نە ارایورسین ویا خود انڭ ایلە نە سویلشیورسین دیمدی ۔٢٨ اولوقت قاری دستیسنی براغوب شەرە واردی و اەالی یە٢٩ كلكز ایتدیكم شیلرڭ جملەسنی بڭا سویلیان بر اسم كوركز عجبا مسیح بومیدر دیدی ۔٣٠ انلر دخی شهردن چیقوب انڭ یاننە كلیورلر ایدی ۔٣١ بو ارالق شاكر دلری اڭا یا معلم طعام ایلە دیو رجا ایتدیلر۔٣٢ او دخی انلرە سزڭ بیلمد یككز بنم ییەجك طعامم وار دیدی۔٣٣ ایمدی شاكر دلری بری برینە عجبا اڭا بر كیمسە ییەجك كتور مشمی دیدیلر ۔٣٤ عیسی انلرە دیدیكە بنم طعامم بنی ارسال ایدنك ارادتنی اجرا وانك ایشتی اتمام ایتمكدر٣٥ سز حصاد وقتی كلمسنە دها درت آی واردر دیمز میسكز ۔ اشتە سزە دیرمكە كوزلر كزی آچوب تارلالرە باقڭز زیرا حالا حصاد ایچون بیا ضلنمشدرلر ۔٣٦ وبیچن اجرت آلوب ابدی حیاتە محصول جمع ایدركە هم اكن همدە بیچن برابر سوینەلر۔٣٧ زیرا بری اگر دیكری بیچر كلامی بوندە حقدر٣٨ بن سزی امك چكمدیككز شیئی بیچمكە كوندردم ۔ بشقەلر امك چكدیلر سز انلرڭ امكنە كیردیكز۔٣٩ وایتدیكم شیلرڭ جملەسنی بڭا سویلدی دیو شهادت ایدن قارینك سوزی ایچون اول شهردن چوق سامریە لولر اڭا ایمان ایتدیلر۔٤٠ وسامریە لولر انڭ یاننە گلوب یانلرندە قالماسنی اندن رجا ایتمەلری اوزرینە اورادە ایكی كون قالدی ۔٤١ و انڭ كلامی ایچون دها جوق كیمسەلر ایمان ایدوب ۔٤٢ قاری یە خطاباً اینانمەمز آرتق سنڭ سوزكە مبنی دكلدر زیرا بز كندمز ایشیتدك و دنیانڭ خلاصكاری [مسیح] حقیقۃً بو اید یكنی بیلورز دیدیلر۔٤٣ وبو ایكی كوند نصڭرە اورادن چیقوب جلیلە گیتدی۔٤٤ زیرا عیسی كندیسی بر پیغمبر ك كندی وطنندە اعتباری یوقدر دیو شهادت ایتدی ۔٤٥ و جلیلە كلد یكندە جلیللولر بیرام وقتی اور شلیمدە هپ اجرا ایتدیكنی گورمش اولمالریلە انی قبول ایتدیلر زیرا كندیلری دخی بیرام ایچون كیتدیلر٤٦ ایمدی عیسی صویی شرابە تبدیل ایتدیكی جلیلدە واقع فنایە تكرار كلدیكندە اورادە اصلزادە بر ادم وار ایدی كە اوغلی كفر نا حومدە خستە ایدی ۔٤٧ بو ذات عیسانڭ شهردن جلیلە گلدیگنی ایشیتد كدە یاننە واردی و اینوب اوغلنە شفا ویر مسنی اندن رجا ایلدی زیرا اولمك اوزرە ایدی٤٨ اولوقت عیسی اڭا علامتلر و معجزەلر كورمد كجە ایمان ایتمیە جكسكز دیدی ۔٤٩ اول اصلزادە اڭا ای افندی چوجو غم اولمزدن اوّل این دیدی ۔٥٠ عیسی اڭا گیت اوغلڭ حیات بولدی دیدی واول ادم عیسانڭ كندینە دیدیكی كلامە ایمان ایدوب گیتدی ۔٥١ واودەا اینر ایكن قوللری كندینی قارشولایوب چوجوغڭ حیات بولدی دیەرك اڭا خبر ویردیلر۔٥٢ انلردن ساعت قاچدە افاقت بولد یغنی سوّال ایتمسیلە دون ساعت یدیدە حماسی دفع دیدیلر ۔٥٣ اولوقت پدری عیسانڭ كندینە اوغلڭ حیات بولدی دیدیكی ساعتدە اولد یغنی اكلادی وكندیسی بتون اەل بیتی ایلە برابر ایمان ایتدی ۔٥٤ عیسی شهردن جلیلە كلد كدنصڭرە اجرا ایلدیكی ایكنجی معجزە بودر۔