١ وخلق اللھك كلامنی دیكلە مك ایچون انی صیقشدرە رق كندیسی جنیسارت كولنك كنارندە طوردیغی صرە دە ٢ كولك كنارندە ایكی قایق طوردیغنی گوردی بالقجیلرایسە چیقمش اولوب آغلرینی ییقایورلرایدی ٣ وقایقلردن برینە یعنی وسمعونك قایغنە گیروب قرەدن براز آچیلمسنی اندن طلب ایدە رك اوتوروب قایقدن خلقە تعلیم ایلدی۔٤ وكامدن فارغ اولدقدە سمعونە انڭینە آچیلوب آغلركزی آو انیچون آتكز دیدی ٥ سمعون دخی اڭا جواباًیامعلم بتون كیجە چالشدق ایسە دە برشی طوتە مادق لكن سنڭ سوزكلە آغی آتە یم دیدی ٦ وبونی یاپدرقلرندە كلیتلو بالق چویردیلروآغلری یرتلمغلە ٧ گلوب كندیلرینە یاردم ایتملری ایچون دیكرقایقدە اولان اورتاقلرینە اشرات ایتدیلرانلردخی گلوب قایقلرك ایكیسنی باتمق درجە سنە دك طولدردیلر ٨ وسمعون بطرس بونی گورمكلە عیسانڭ دیزلرینە دوشوب یارب بندن آیرل زیرا بن كناھكارادم ایم دیدی۔٩ زیرابالقلرك آولانشندن طولایی اووبرابرنجە اولانلرڭ جملەسی١٠ وسمعونك اورتاقلری زبدینك اوغللری یعقوب ایلە یوحنا دخی حیرتە دو شد یلروعیسی وسمعونە قورقمە بوندن بویلە انسان آوجیسی اولە جقسین دیدی ١١ وقایقلری قرە یە چكدر كدنصڭرە ھر سیئی براغوب اُنڭ آردی صرە گیتدیلر۔١٢ وكندیسی شھرلرك برندە ایكن اشتە جذاملە طولو برادم وار ایدی وعیسایی كوردیكی كبی یوزی قویین قپانوب اڭا یالوارە رق یارب اكراسترسە ك بنی تطھیر ایتمكە قادرسین دیدی۔١٣ اودخی النی اوزادوب اڭا طوقونە رق استرم طاھر اول دیدی ودرعقب جذامی دفع اولدی۔١٤ واڭا كیمسە یە سویلمە لكن گیدوب كندوكی كاھنە كوستروانلرە شھادت اولمق اوزرە تطھیرك ایچون موسانڭ بیوردیغی وجھلە تقدمە یی تقدیم ایلە دیو تنبیە ایلدی ١٥ وانڭ شھرتی زیادە شایع اولوب انی دیكلە مك وانڭ الیلە خستە لقلرندن شفا بولمق ایچون چوق خلق جمع اولورایدی ١٦ كندیسی ایسە چوللرە چكیلوب دعا ایدرایدی۔١٧ وكونلرك برندە كندیسی تعلیم ایتمكدە ایكن اورشلیم ایلە یهودیە وجلیلك ھر بركویندن گلمش اولان فریسیلروارباب شریعت اوتوریورلر ایدی وانلرە شفا ویرمك ایچون ربك قدرتی حاضر ایدی ١٨ واشتە بعض كیمسەلر دوشك اوزرندە كوتروم برادم كتورە رك انی ایچروكتوروب حضورینە قومغە فرصت ارادیلر ایسە دە ١٩ غلبە لق سبیلە انی ایچری كتورمكە یول بولە مامغلە طامە چیقوب كرمیدلرك اراسندن انی دوشكی ایلە برابر اورتە یە عیسانڭ حضورینە ایندردیلر ٢٠ اودخی انلرك ایماننی گورمكلە اڭا ای ادم كناھلرك سكا عفواولندی دیدی ٢١ وعلماایلە فریسیلربوكفر سویلیان كیمدر یالكز اللھدن غیری كناھلر عفو ایتمكە كیم قادردر دیەرك تفكر ایتمكە باشلادقلرندە ٢٢ عیسی دخی انلرڭ افكارینی بیلمكلە انلرە جواباً قلبلركزدە نە تفكر ایدیورسكز ٢٣ قنغیسی قولایدركناھلرك سكاعفو اولندی دیمسی می یوقسە قالق وكز دیمسی می ٢٤ اما بن الانسانڭ یراوزرندە كناھلرعفو ایتمكە قدرتی وارایدوكنی بیلە سكز دیو كوترومە سكا دیرم قالق دوشككی قالدرواوكە كیت دیدی۔٢٥ اودخی ھمان انلرڭ حضورندە قالقوب اوزرندە یاتدیغی شیئی قالدردی واللھە حمد ایدە رك اوینە كیتدی ٢٦ وجملەسی حیران اولوب اللھە حمدایتدیلر وقورقو ایلە مملو اولە رق بو گون عجیب شیلر گوردك دیدیلر۔٢٧ وبوشیلردنصڭرە طیشاری یە چیقوب لاوی نامندە بركمركجی یی كمرك محلندە اوتورركورمسیلە اڭا آردمجە گل دیدی ٢٨ اودخی ھرشیئی ترك ایدە رك قالقوب آردنجە كیتدی ٢٩ ولاوی كندی خانە سندە اڭا بیوك برضیافت ایدوب انلرایلە برابرسفرە دە اوتوران كمركجیلردن وسائرلردن وافرخلق وار ایدی ٣٠ وعلمالری ایلە فریسیلر اُنڭ شاكردلرینە سویلنە رك نیچون كمركجیلروكناھكارلر ایلە برابر ییوب ایچرسكز دیدیلر ٣١ عیسی دخی انلرە جواباًحكیمە صاغ اولانلر عكل انجق علتلو اولانلر محتاجدر ٣٢ صالحلری دكل انجق كناھكارلری توبە یە دعوت ایتمكە گلدم دیدی،٣٣ انلردخی اڭا نیچون یحیانڭ وفریسیلرك شاكردلری چوق دفعە اوروج طوتوب دعالر ایتدكلری حالدە سنڭ شاكردلرك ییوب ایچرلر دیدیلر ٣٤ وانلرە دوكونجیلرە كویكی انلر ایلە برابر اولدقجە اوروج طوتدرە بیلومیسكز ٣٥ لكن كویكینك انلردن آلنە جغی كونلر گلور واوزمان اول كونلردە اوروج طوتە جقلر دیدی ٣٦ وانلرە برتمثیل دخی سویلدی یعنی ھیچ بركیمسە یكی لباس یامە سنی اسكی لباسە قوماز یوقسە اوھم اسكیسنی یرتاروھم یكیدن اولان یامە اسكی یە یاقشماز ٣٧ وھیچ بركیمسە اسكی طولوملرە یكی شراب قوماز یوقسە یكی شراب طولوملری یرتوب دوكیلورھم طولوملردخی تلف اولور٣٨ لكن یكی شرابی یكی طولوملرە قومق گركدروایكیسی دخی محفوظ قالور٣٩ وھیچ بركیمسە اسكی یی ایچدكدنصڭرە درحال یكیسنی استمز زیرا سكیسی دھاخوشدردیر۔