١ وعیسی روح القدسلە مملو اولە رق اردندن عودت ایدوب روحك سوقیلە بریّە یە كیتدی ٢ وشیطان طرفندن قرق گون تجربە اولنە رق اول كورنلردە ھیچ برشی یمدی ومذكورمدتك تمامندە نەایت آجقدی۔٣ وشیطان اڭا كرابن اللە ایسە ك امرایت شوطاش اتمك اولسون دیدی ٤ عیسی دخی اڭا جواباًانسان یالكز اتمكە یاشامازانجق اللھك ھر بركلامیلە یازشاردیویازلمشدردیدی۔٥ وشیطان انی یوكسك برطاغە چیقاروب برآندە اڭا دنیانڭ جملە ممالكنی كوستردی ٦ وشیطان اڭا جملە بوحكومتی وانلرڭ شاننی سكا ویرە یم زیرا بكاتسلیم اولنمشدر بن دخی كیمە سترسە م ویررم ٧ ایمدی اكرسن بكا سجدە قیلارایسە ك جملەسی سنڭ اولسون دیدی ٨ وعیسی اك اجواباً[آردمە چكیل ای شیطان زیرا]اللھك اولان ربە سجدە قیلە سین ویالكزاڭا عبادت ایدە سین دیویازلمشدردیدی۔٩ وانی اورشلیمە كوتوروب ھیكلك برجی اوزرندە طوردرە رق اڭا اكر ابن اللە ایسە ك كندوكی بورادن اشاغی آت ١٠ زیرا سنی حفظ ایتمك اوزرە سنڭ حقڭدە كندی ملكرینە تنبیە ایدە جك ١١ وانلردخی آیاغكك طاشە چارپمامسی ایچون سنی اللری اوزرندە قالدرە جقلردیویازلمشدردیدی ١٢ وعیسی اڭا جواباًاللھك اولان ربی تجربە ایتمیە سین دیو سویلنلمشدر دیدی ١٣ وشیطان جملە تجربەلری تمام ایتدكدنصڭرە برمدت اندن آیرلدی۔١٤ وعیسی روحك قوتیلە جلیلە عودت ایدوب اطرافدە اولان جملە محللرە شھرتی شایع اولدی ١٥ وكندیسی انلرك سناغوغلرندە تعلیم ایدوب جملە طرفندن تعظیم اولنورایدی۔١٦ وپروردە اولدیغی ناصرتە گلدی وعادتی اوزرە سبت كونندە سناغوغە گیروب اوقومغە قالقدی ١٧ واڭااشعیا پیغمبرك كتابی ویرلدی اودخی كتابی آچدقدە ١٨ ربك روحی اوزرمدە در چونكە بنی فقرایە بشارتی تبشیر ایتمك ایچون مسح ایدوب قلبی منكسراولانلرە شفا ویرمك واسیرلرە حرّیتی وكورلرە كوزلرك آچلمسنی اعلان ایتمك وظلم آلتندە ازیلنلری ازادلقلە صالی ویرمك ١٩ وربك مقبول سنە سنی اعلان ایتمك ایچون ارسال ایلدی دیویازلمش اولان محلی بولدی ٢٠ وكتابی قپایوب خدمتجی یە ویرە رك اوتوردی ونساغوغدە بولنانلرڭ جملە سنڭ نظردقتی اُنڭ اوزرندە ایدی ٢١ اودخی انلرە بوتحریرات بوكون قولاقلركز ایشیتدیكی حالدە اتمام اولنمشدردیمكە باشلادی ٢٢ وجملەسی اڭا شھادت ایدوب اُنڭ آغزندن دكلمیدردیرلراولان لطیف كلاملرە تعجّب ایدە رك بویوسفك اوغلی دكلمیدر دیرلر ایدی ٢٣ اودخی انلرە البتە سزبكا ای حكیم كندوكە شفا ویرتمثیلنی سویلیە جكسكز كفرنا حومدە وقوع بولدیغنی ایشیتدیكمز شیلری بورادە كندی وطنكدە دخی اجرا ایلە دیە جكسكز دیدی ٢٤ وحقیقۃً سزە دیرمكە ھیچ برپیغمبركندی وطنندە مقبول دكلدر ٢٥ وحقیقۃً سزە دیرمكە ایلیانڭ كونلرندە كوك اوش پیل وآلتی آی قپانمغلە بتون یردە عظیم قیتلق واقع اولدیغی زمان اسرائیلدە چوق طول قاریلروارایدی ایسە دە ٢٦ ایلیا صیدایە تابع صرفتە دە اولان برطول قاریدن ماعدا انلرڭ ھیچ بریسنە كوندرلمدی ٢٧ والیشع پیغمبرك زمانندە اسرائیلدە چوق جذاملولروارایدی ایسە دە سریانی نعماندن غیری انلردن بھری تطھیراولنمادی دیدی ٢٨ وسناغوغدی بولنانلرڭ جملەسی بونی ایشیتدكدە پرغضب اولە رق ٢٩ قالقدیلروانی شھردن چیقاروب انی آشاغی آتمق اوزرە سھرلرینك بن اولندیغی طاغك اوچرومنە كوتوردیلر ٣٠ اوایسە ارالرندن كچوب كیتدی۔٣١ وجلیلدە واقع كفرنا حوم سھرینە اینوب سبت كونلرندە انلرە تعلیم ایدر ایكن ٣٢ كلامی حكملو اولد یغندن تلیمنە حیران قالورلر ایدی ٣٣ وسنا غوغدە درونندە ناپاك جن روحی اولان برادم بولنوب یوكسك سسلە باغرە رق٣٤ براق سنڭ بزم ایلە نە ایشك وارای ناصرتلو عیسی بزی ھلاك ایتمك ایچونمی كلدك سنڭ كیم ایدوككی نیلورم اللھك مقدّسی سین دیدی ٣٥ وعیسی انی ازارلایوب سكوت ایلە واندن چیق دیمسی اوزرینە جن انی اورتە یە آتوب برضرر ویرمكسزین اندن چیقدی ٣٦ وجملە سنە حیرت كلە رك بونە كلامدركە باپاك روحلرە حكومت وقدرتلە امر ایتمسیلە چیقارلردیەرك ارالرندە سویلشورلرایدی ٣٧ وانڭ شھرتی بتون جواراولان محللرە شایع اولدی۔٣٨ وسنا غوغدن قالقوب سمعونك خانە سنە گیردی وسمعونك قاین والدەسی شدتلو حمایە طوتلمش اولمسیلە انلردخی مرقومە ایچون اڭا رجا ایتدیلر ٣٩ اودخی اوزرینە طوروب حمایی ازارلادقدە اندن حمادفع اولدی مرقومە دخی درعقب قالقوب انلرە خدمت ایتدی،٤٠ وكونش باتدقدە ھر كیمك مختلف مرضلرە كرفتاراولمش خستە سی وارایسە ایننە كتوردی اودخی ھر برینك اوزرینە اللرینی قویەرق انلرە شفا ویردی ٤١ وچوق كیمسەلرندن جنلر دخی چیقوب باغرە رق سن[مسیح]ابن اللە سین دیرلر ایدی وانلری ازارلایوب سویلمكە براقماز ایدی زیراكندینك مسیح ایدوكنی بیلورلرایدی٤٢ وكوندوز اولدقدە چیقوب بیابان برمحلە كیتدی وخلق انی ارایە رق تایاننە گلوب كندیلرندن كیتمە مسی ایچون اڭاابرام ایتدیلر ایسە دە ٤٣ انلرە اللھك ملكوتنی سائرشھرلردە دخی تبشیرایتمكلكم گركدرزیرا بونڭ ایچون ارسال اولندم دیدی ٤٤ وجلیلك سنا غوغلرندە وعظ ایدر ایدی۔