١٤
١ و فصح و فطیر بیرامی ایكی گون صڭرە وقوع بولمق اوزرە ایكن باش كاھنلر ایلە علما انی حیلە ایلە طوتوب قتل ایتمكە فرصت آرارلرایدی۔٢ فقط خلق اراسندە ولولە اولمامق ایچون بیرامدە اولمسون دیدیلر۔٣ وعیسی بیت عن-یادە جذاملو سمعونك خانە سندە اولوب سفرە دە اوتوررایكن الندە برشیشە ذیقمیت خالص ناردین یاغی اولە رق بر خاتون گلدی وشیشە یی قیروب اُنڭ باشی اوزرینە دوكدی ٤ و بعض كیمسەلردرونلرندن كوجنوب بویاغ نیچون اسراف اولندی ٥ زیرا بویاغ اوچیوز دیناردن زیادە یە صاتیلوب قیمتی فقیرلرە ویریلە بیلور ایدی دیەرك مرقومە یی تعزیرایتدیلر ٦ لكن عیسی براقكز نیچون انی بیحضورایدیورسكز بكاكوزل برایش ایشلدی ٧ زیرافقیرلردائماسزڭ ایلە برابربولنوب استدیككز وقت انلرە ایولك ایدە بیلورسكز امابن دائماسزڭ ایلە برابردكلم ٨ مرقومە الندن كلدیكنی اجرا ایدە رك جسدمی دفن اولنمسی ایچون اوّلجە مسح ایتدیی ٩ حقیقۃً سزە دیرمكە بوبشارت بتون دنیانڭ ھر نرە سندە وعظ اولنورسە بوخاتونك ایتدیگی دخی تذ كاری ایچون روایت اولنە جقدر دیدی۔١٠ واون ایكیلردن بری اولان اسخریوطی یھوداباش كاھنلرە انی تسلیم ایتمك اوزرە یانلرینە كیتدی ١١ انلردخی بونی اشیتدكدە سوینە رك اڭا اقچە ویرمكی وعدایتدیلر اودخی انی تسلیم ایتمكە اویغون بروقت ارارایدی۔١٢ وفطیركونلرینك برنجیسندە یعنی فصح قرباننی ذبح ایتدكلری زمان شاكردلری اڭا فصح طعامنی یمك ایچون نرە دە استرسین كە گیدوب سكا حاضرلایە لم دیدیلر۔١٣ وشاكردلرندن ایكیسنی كوندروب انلرە شھرە كیدكز وبردستی صوكوتوران برادم سزە راست كلە جنك اُنڭ آردنجە گیدوب ١٤ نرە یە كیررسە خانە صاحبنە دییكزكە معلم شاكردلرم ایلە برابرفصحی ییە جكم اوظە نرە دە دردیور ١٥ اودخی سزە دوشنمش حاضر بربیوك فوقانی اوطە كوسترە جك بزە اورادە حاضر ایدڭز دیدی ١٦ وشاكردلری چیقوب شھرە كیتدكلرندە اُنڭ كندیلرە دیدیكی كبی بولمغلە فصحی حاضرلادیلر۔١٧ اودخی اقشام اولدقدە اون ایكیلرایلە برابركلدی١٨ وانلرسفرە دە اوتوروب طعام ایدر ایكن عیسی حقیقۃًسزە دیرمكە سزدن بری یعنی بنم ایلە طعام ایدن بنی الە ویرە جكدر دیدی۔١٩ انلردخی مكدّراولمغە وبرربرراڭابن می ایم وبشقە سی بن می ایم دیمكە باشلادیلر٢٠ اودخی انلرە جواباً اون ایكیلردن بری یعنی بنم ایلە صحنە اەنی باتراندر٢١ واقعا ابن الانسان كندی حقندە یازلمش اولدیغی اوزرە كیدرلكن وای اول ادمە كە اُنڭ الیلە ابن الانسان الە ویریلوراول ادم طوغمامش اولسیدی كندیسنە خیرلواولورایدی دیدی۔٢٢ وانلر طعام ایدرایكن عیسی اتمك آلدی وبركت دعاسی اوقودقدنصڭرە پارە لدی وانلرە ویروب آلكز [ییكز]بوبنم جسدمدردیدی ٢٣ وكاسە یی آلوب شكرایتدكدنصڭرە انلرە ویردی۔ جملەسی دخی اندن ایچدیلر٢٤ وانلرە بوبنم قانم یعنی چوق كیمسەلر ایچون دوكیلان یكی عھدك قانی در ٢٥ حقیقۃًسزە دیرمكە تاانی اللھك ملكوتندە تازە اولە رق ایچە جكم كونە دكین آرتق آصمە نك محصولندن ایچمیە جكم دیدی ٢٦ وانلرالھی اوقویوب زیتون طاغنە چیقدیلر۔٢٧ وعیسی انلرە جملە كز بوكیجە بنم حقمندە سورچە جكسكز زیرا چوبانی اورە جغم وقویونلر طاغیلرجقدردیویازلمشدر ٢٨ لكن بن قیام ایتدكدنصڭرە سزدن اوّل جلیلە كیدە جكم دیدی ٢٩ وبطرس اڭا اكر جملەسی سورچسەلربیلە بن سورچمم دیدی ٣٠ وعیسی اڭا حقیقۃًسكا دیرمكە بوكون ھمان بوكیجە خروس ایكی كرە اوتمزدن اوّل سن بنی اوش كرە انڭارایدە جكسین دیدی ٣١ اودخی اكر بكا سنڭ ایلە برابراولمك لازم كلسە بیلە سنی اصلاانڭارایتمم دیەرك تأكیدایلدی كذلك جملەسی دخی بویلە دیدیلر۔٣٢ وجتسمانی نام برمحلە كلدیلرندە شاكردلرینە بن دعا ایدنجیە دكین سزبوروادە اتوركزدیدی ٣٣ وبطرس ویعقوب ایلە یوحنایی برابرآلوب حیران ومحزون اولمغە باشلادی ٣٤ وانلرە جانم اولوم درجە سنە مكدّردر بورادە قالوب اویانق طوركز دیدی ٣٥ وبراز ایلروواروب یرە قپاندی واكر ممكن ایسە كندیسندن بوساعت كچسون دیودعاایدە رك دیدیكە ٣٦ آباپدرسنك عندكدە ھرشی ممكندر بوكاسە یی بندن كچور لكن بنم استدیكم دكل آنجق سنڭ استدیكك اولسون ٣٧ وكلوب انلری اویقودە بولمغلە بطرسە ای سمعون اویویورمیسین برساعت اویانق طورە مادكمی ٣٨ اغوایە دوشمە مك ایچون اویانق طوروب دعاایدكز واقعا روح حاضراماتن ضعیفدر دیدی ٣٩ وتكرار گیدوب ھمان اوسوزی سویلیە رك عدا ایلدی٤٠ وعودت ایدوب ینە انلری اویقودە بولدی زیرا كوزلری آغرلشمش ایدی واڭانە جواب ویرە جكلرینی بیلمزلزایدی۔٤١ واوچنجی كرە گلوب انلرە آرتق اویویوب استراحت ایدڭز كفایت ایدرساعت گلدی اشتە ابن الانسان كناھكارلرك تسلیم اولنیور۔٤٢ قالقكز كیدە لم۔اشتە بنی الە ویرن یاقلاشدی دیدی۔٤٣ واودھا سویلرایكن دعقب اون ایكیلردن بری اولان یهودا باش كاھنلر ایلە علما واختیارلرطرفندن قلیجلو وصوپە لو وافرخلق اُنڭ ایلە برابراولە رق گلدی ٤٤ وانی الە ویرن انلرە اشارت ویروب كیمی اوپر سە م اودر انی طوتكز ودقتلە گوتورڭز دیمش ایدی۔٤٥ وكلدیكندە اڭا ھمان یاقلاشوب ربی ربی دیەرك انی اوپدی٤٦ انلر دخی اُنڭ اوزرینە اللرینی صالوب طوتدیلر٤٧ وحاضربولنانلردن بری قلیجنی چكوب وكاھن اعظمك بندە سنە اوروب قولاغنی كسدی ٤٨ وعیسی انلرە خطاباًبنی طوتمق ایچون حرامی اوزرینە كلوركبی می قلیجلووصوپە لو چیقدیكز ٤٩ ھركون ھیكلدە تعلیم ایدە رك یانڭزدە بولنورایدم وبنی طوتمادیكز اما كتابلراتمام اولنمق گركدر دیدی ٥٠ اولوقت جملەسی انی براغوب قاچدیلر۔٥١ وانڭ آردی صرە چبلاق جسدی اوزرینە كتان بزی صارنمش بونوجوان كیدیورایكن یكیتلرانی طوتدیلر٥٢ اودخی كتان بزینی براغوب انلردن چبلاق قاچدی۔٥٣ وعیسایی كاھن اعظمك حضورینە كوتوردیلر وبونك یاننە جملە باش كاھنلرایلە اختیارلر علماجمع اولدیلر ٥٤ وبطرس اوزاقدن كاھن اعظمك حولیسنك ایچر یسنە دك انی آردنجە گیدوب خدمتكارایلە برابر اوتوره‌رق آتش یاننده ایصنیور ایدی٥٥ و باش كاهنلر ایله بتون ملت مجلسی عیسانڭ قتلی ایچون رعلیھنە شھادت ارادیلرایسە دە بولە مادیلر٥٦ زیراانڭ علیھنە نیچە كیمسەلر یالان شھادت ایتدیلر ایسە دە شھادتلری بری برینە موافق دكل ایدی۔٥٧ وبعضلری قالقوب علیھنە یالان شھادت ایدە رك٥٨ بوادمك ال ایلە یاپلمش شوھیكلی ییقوب اوچ گوندە ال ایلە یاپلما مش بر غیر یسنی بنا ایدە جكم دیدیكنی ایشیتدك دیدیلر ٥٩ وبووجھلە دخی شھادتلری بری برینە موافق دكل ایدی ٦٠ وكاھن اعظم اورتە دە ایاغە قالقوب عیسایە ھیچ برجواب ویرمزمیسین بونلر سنڭ علیھكدە نە شھادت ایدیولردیوسؤال ایتدی ٦١ اودخی سكوت ایدرك ھیچ برجواب ویرممسیلە كاھن اعظم تكرارمسیح ابن المبارك سنمی سین دیواڭاسؤال ایتدی ٦٢ عیسی دخی بن ایم وابن الانسانی قدرتك صاغندە اوتورروكوكك بلوطالری ایلە كوركورە جكسكز دیدی ٦٣ ایمدی كاھن اعظم كندی اثوابنی یروتوب آرتق بزە شاھدلر نە لازم ٦٤ كفرینی ایشیتدیكز سزە نصل كورینور دیدی انلرڭ جملەسی دخی اولومە مستحقدر دیوانی حكم ایتدیلر۔٦٥ وبعضلری اُنڭ اوزرینە توكورمكە ویوزینی اوتوب اڭا بومرق اورە رق پیغمبرلك ایلە دیمكە باشلادیلر خدمتكارلردخی اڭا سلە اوردیلر۔٦٦ وبطرس اشاغیدە حولیدە ایكن كاھن اعظمك جاریەلرندن بری گلوب ٦٧ بطرسی ایصینوركوردیكندە اڭا باقوب سن دخی ناصرتلو عیسی ایلە برابرایدك دیدی۔٦٨ لكن اونە سویلدیككی بیلمم واكلامام دیەرك انڭار ایتدی۔وطیشاری یە دھلیزە چیقدقدە خروس اوتدی ٦٩ وجاریە ینە انی گورمكلە اورادە طورانلرە بو انلردندر دیمكە باشلادی ٧٠ اودخی تكرار انڭار ایتدی وبرمدت صڭرە ینە اورادە طورانلر بطرسە صحیحاًانلردن سین زیرا جلیللوسین وسویلیشك بكزیوردیدیلر۔٧١ اوایسە بودیدیككزادمی طانیما دیەرك بدعاویمین ایتمكە باشلادی ٧٢ وایكنجی كرە خروس اوتدی وبطرس عیسانڭ كندینە خروس ایكی كرە اوتمزدن سن بنی اوچ كرە انڭارایدە جكسین دیدیكی سوزی خاطرینە كتومكلە اعلامغە باشلادی۔