١
١ عیسی المسیح ابن داود ابن ابراھیمك نسبنك كتابیدر۔٢ ابراھیم اسحقی تولید ایلدی و اسحق یعقوبی تولید ایلدی و یعقوب یهودایی و اُنڭ قرنداشلرینی تولید ایلدی٣ و یهودا تاماردن فارص ایلە زارحی تولید ایلدی و فارص حصرونی تولید ایلدی و حصرون ارامی تولید ایلدی٤ و ارام عمینادابی تولید ایلدی و عمیناداب نحشونی تولید ایلدی و نحشون سلمونی تولید ایلدی ٥ و سلمون راحابدن بوعازی تولید ایلدی وبوعاز راعوثدن عوبیدی تولید ایلدی و عوبید یسی‌یی تولید ایلدی٦ و یسی داود مِلكی تولید ایلدی و داود مِلك اوریانڭ زوجه‌سندن سلیمانی تولید ایلدی ٧ و سلیمان رحبعامی تولید ایلدی و رحبعام آبیایی تولید ایلدی وآبیا اسایی تولید ایلدی٨ و اسا یهوشافاطی تولید ایلدی و یهوشافاط یورامی تولید ایلدی و یورام عزیایی تولید ایلدی٩ و عزیا یوثامی تولید ایلدی و یوثام احازی تولید ایلدی و احاز حزقیایی تولید ایلدی١٠ و حزقیا منسایی تولید ایلدی و منسی آمونی تولید ایلدی و آمون یوشیایی تولید ایلدی١١ و یوشیا بابل اسارتی زمانندە بكنیایی و اُنڭ قرنداشلرینی تولید ایلدی١٢ و بابل اسارتندن صكرە یكنیا شالتئیلی تولید ایلدی و شالتئیل زروبابلی تولید ایلدی١٣ و زروبابل آبیهودی تولید ایلدی و آبیهود الیاقیمی تولید ایلدی و الیاقیم عازوری تولید ایلدی١٤ و عازور صادوقی تولید ایلدی و صادوق اخیمی تولید ایلدی و اخیم الیودی تولید ایلدی١٥ و الیود الیعازری تولید ایلدی و الیعازر متّانی تولید ایلدی و متّان یعقوبی تولید ایلدی١٦ و یعقوب مریمك زوجی یوسفی تولید ایلدی و مرقومەدن مسیح دینلان عیسی تولد ایلدی١٧ ایمدی نسللرك جملەسی ابراھیمدن داودە قدر اون درت نسل و داوددن بابل اسارتنە دكین اون درت نسل و بابل اسارتندن مسیحه قدر اون درت نسلدر١٨ و عیسی المسیحك ولادتی بو منوال اوزرە اولدی یعنی والدەسی مریم یوسفە نشانلو ایكن اجتماعلرندن اوّل روح القدسدن حاملە بولندی١٩ ایمدی اُنڭ زوجی یوسف صالح اولدیغندن و انی رسوا ایتمك استمدیكندن انی كیزلوجە بوشامق نیتندە ایدی٢٠ اما بونی دوشنور ایكن اشتە ربك ملكی رؤیادە اڭا كورینوب ای یوسف ابن داود زوجەك مریمی قبول ایتمكە قورقمە زیرا اُنڭ رحمندە موجود اولان روح القدسدندر٢١ و او بر اوغل طوغره‌جق و اڭا عیسی†تسمیە ایدەجكسین زیرا او قومنی كناھلرندن خلاص ایدەجكدر دیدی٢٢ ایمدی بونڭ جملەسی رب طرفندن پیغمبر واسطەسیلە٢٣ اشتە باكرە حاملە اولوب بر اوغل طوغرەجقدر و اڭا عمانوئیل (كە ترجمە اولنسە اللّٰە بزم ایلە دیمكدر) تسمیە ایدەجكلردر دیو بیوریلان كلامڭ اتمام اولنمسی ایچون واقع اولدی٢٤ ایمدی یوسف اویقودن اویاندقدە ربك ملكنك كندیسنە ایتدیگی امرە امتثالا زوجەسنی قبول ایلدی٢٥ و انی ایلك اوغلنی طوغورنجیەدك بیلمز ایدی و اول معصومە عیسی تسمیە ایلدی