١ وینە دكز كناردندە تعلیم ایتمكە باشلادی۔وباننە خیلی جماعت جمع اولمغلە كندیسی دكزاوزرندە قایغە گیروب اوتردی۔بتون جماعت دخی دكز كنارندە قرە دە ایدی۔٢ وتمثیللرلە انلرە چوق شیلرتعلیم ایدوب تعلیمندە انلرە دیدیكە۔٣ دیكلە یكز اشتە اكینجی اكین اكمكە چیقدی ٤ واكز ایكن بعضیسی یول كنارینە دوشمكلە [ھوا]قوشلری گلوب انی یدی۔٥ وبعضیسی چوق طوپراغی اولمیان طاشلغە دوشوب طوپراغك درینلكی اولمدیغندن چابك بتدی ایسە دە ٦ كونش طوغدقدە یاندی وكوكی اولمدیغندن قورودی۔٧ وبعضیسی دیكنلر اراسنە دوشمكلە دیكنلرچیقوب انی بوغدقلری ایچون محصول ویرمدی ٨ وبعضیسی ایو طوپراغە دوشمكلە چیقوب بیودكدە باشاق ویرە رك كیمی اوتوزوكیمی التمش وكیمی دخی یوز قات محصول كتوردی ٩ وانلرە ایشیدرقولاقلری اولان ایشیتسون دیدی۔١٠ ویالكز قالدیغندە اون ایكیلر ایلە برابر یانندە اولنلربوتمثیلە دائر اندن سؤال ایتدیلر ١١ اودخی انلرە دیدیكە ملكوت اللھك سرّینە واقف اولمق سزە احسان اولنمشدر اما اول خارجدە اولنلرە ھر شی تمثیللرلر سویلنیلور۔١٢ تاكە باقە رق باقەلر وكورمیەلر وایشیدە رك ایشیدەلر واكلامیەلر اولمیە كە رجوع ایدەلردە كناھلری عفواولنە۔١٣ وانلرە دیدیكە بوتمثیلی اكلامیورمیسكز اویلە ایسە جملە تمثیللری نصل فھم ایدە جكسكز ١٤ ایكنجی كلامی اكر١٥ ویول كنارندە اولوب كندیلرینە كلام اكلمش اولنلر شونلردركە ایشیتدكلری اندە شیطان گلوب قلبلرندە اكمش اولان كلامی قالدرور۔١٦ وكذلك طاشلقدە ایگلانلرشونلردر كە كلامی ایشیتدكلری اندە انی مسرتلە قبول ایدرلر۔١٧ اماكندیلرندە كوك اولمدیغندن آزوقت طیانوب اندن صڭرە كلامدن طولایی تضییق وتعدّی وقوع بولنجە ھمان سورچرلر۔١٨ ودیكنلر اراسندە اكیلانلر شونلردر كە كلامی ایشیتدكدنصڭرە١٩ بودنیانڭ اندیشەلری وزنكینلك حیلە سی وغیری نسنەلرك ارزوسی ارایە گیروب كلامی بوغدقلری ایچون محصولسز اولور۔٢٠ وایویردە اكیلرنلرشونلردر كە كلامی ایشیدوب قبول ایدرلروكیمی اوتوز وكیمی التمش اكیمی التمش وكیمی دخی یوز قاقت محصول ویررلر۔٢١ وانلردیدیكە چراغ كیلە یاخود یاتاق آلتنە قونلمق ایچونمی كتوریلور شمعدان اوزرینە قونلمق ایچون دكلمی ٢٢ زیراآشكاراولمیە جق كیزلو برشی یوقدر ومیدانە كلمیە جك مخفی برشی یوقدر٢٣ اكر برینك ایشیدقولاقلری واریسە ایشیتسون۔٢٤ وانلرە دیدیكە ایشیتدیككز شیئە دقت ایدیكز اولچدیككز اولچكلە سزە اولچیلە جكدروسز[ایشیدنلر]ە ضم اولنە جقدر ٢٥ زیرا كیمك وارایسە اڭا ویریلە جك وكیمك یوق ایسە الندە اولانی دخی اندن النە جقدر۔٢٦ ودیدیكە ملكوت اللە بویلە در كویا برادم تخمی یرە آتار٢٧ وكیجە وكوندوز اویویوب قالقاروتخم اُنڭ بیلمدیكی صورتدە بتر وبیور ٢٨ زیرا یر كندیلكندن اوّلا اوتی صڭرە باشاغی ودھا صڭرە باشاقدە مكمل بغدایی كتورر ٢٩ ومحصول كمالە ایردیكی كبی اوراغی صالار زیرا حصاد وقتی یتشمشدر۔٣٠ ودیدیكە اللھك ملكوتنی نە یە تشبیە ایدە لم یاخودانی نە مثال ایلە تمثیل ایدە لم ٣١ بر خر دال دانە سی كبیدر كە یرە اكیلد كدە یراوزرندە اولان تخملرك جملە سند كوچوكدر ٣٢ اما اكیلدیكندە بتوب ھپ سبزەلردن بیوك اولروبیوك داللر صالار شویلە كە اُنڭ كولكە سی آلتدنە ھوا قوشلری قونە بیلورلر٣٣ ایمدی انلرە ایشیتمكە قادر اولد قلرینە كورە بونڭ كبی چوق تمثیللرلە كلامی سویلر ایدی ٣٤ وانلرە تمثیلسز سویلمز ایدی لكن تنھا دە شاكردلرینە جملەسنی تفسیر ایدرایدی۔٣٥ واول گون اقشام اولدقدە انلرە قارشو طرفە كچە لم دیدی،٣٦ انلردخی جماعتی براغوب انی قایقدە بولندیغی حال اوزرە آلدیلر وانڭ ایلە برابر سائر اوفاق قایقلر دخی وارایدی ٣٧ وبرشدتلوبورە ظھورایتمكلە طالغەلر قایغە ھجوم ایتدیلر شویلە كە ھمان طولمقدە ایدی ٣٨ وكندیسی قیچ طرفدە اولوب باشی آلتندە یوز یصدیغی اولە رق اویویور ایدی وانی اویاندروب اڭا یامعلم ھلاك اولیورز وظیفە ایدنمیورمیسین دیدیلر۔٣٩ اودخی قالقوب روزكاری آزارلدی ودكزە صوص راحت اول دینجە روزكار ساكن اولوب عظیم لیمانلق اولدی ٤٠ وانلرە نیچون بویلە قورقاق سكز نیچون ایمانڭز یوقدر دیدی ٤١ انلردخی زیادە سیلە قورقوب بری برینە عجببا بو كیمدر كە ھم روزكاروھم دكزاڭااطاعت ایدیوردیدیلر۔