١ وینە سناغوغە گیردی واورادە الی قورومش برادم وارایدی۔٢ انلردخی انی اتھام ایتمك اوزرە بوكاسبت كونندە شفا ویررمی دیوكوزدرلر ایدی ٣ واویسە الی قورومش ادمە قالق اورتە دە طور دیدكدنصڭرە ٤ انلرە خطاباًسبت كولندە خیر ایشلمكمی یوقسە شرّایشلمكمی تخلیص می یوقسە قتل نفس می حلالدر دیدی۔انلرد خی سكوت ایتدیلر۔٥ وقلبلرینك قاتیلغنە تأسف ایدە رك اطرافندە بولنانلرە غضبلە باقدقدنصڭرە اول ادمە الكی اوزات دیدی۔اودخی اوزاتدی والی [دیكری كبی]صاغ اولدی۔٦ فریسیلردخی دعحال طیشاری چیقوب انی نە وجھلە ھلاك ایدەلردی و ھیرودیسلرایلە علیەندە مشاورە ایتدیلر۔٧ عیسی ایسە شاكردلری ایلە دكز كنارینە چكیلوب چلیلدن ویەودیە دن۔٨ واورشلیمدن وادومدن واردنك اوتە طرفندن وافرخلق آردنجە كیتدی۔وصورایلە صیدا جواررندن بولنان وافرخلق اجراایلدیكی شیلری ایشیتمكلە یاننە گلدیلر۔٩ وغلبە لق سبیلە كندینی تضییق ایتمسونلردیویانندە برقایغك بكلمسنی شاكردرلرینە امرایتدی۔١٠ زیرا چوق كیمسەلرە شفاویرمش اولدیغی جھتلە جملە دردلواولنلراڭاطوقنمق ایچون اوزرینە دوشرلرایدی۔ ١١ ناپاك روحلر دخی انی كوردكدە آیاغنە دوشوب باغرە رك سن ابن اللە سین دیرلر ایدی۔١٢ وكندیسنی شایع ایتمە ملرینی انلرە اكیداًتنبیە ایلدی۔١٣ وطاغە چیقوب استیكی كیمسەلری چاغر دیغندە یاننە گلدیلر۔١٤ وكندیسی ایلە برابربولنملری ایچون ومرضلری دفع ایتمكە وجنلری چیقارمغە قدتلری اولە رق۔١٥ انلری وعظ ایتمكە كوندرمك ایچون اون ایكی كشی۔١٦ یعنی بطرس لقب ویردیكی سمعونی١٧ وبوانرجس یعنی یلدرم اوغللری لقب ویردیكی زبدی اوغللری یعقوب ایلە قرنداشی یوحنایی۔١٨ واندراوسی وفیلبسی وپرتولماوسی ومتایی وتومایی وحلفی واغلی یعقوبی وتداوسی وقانوی سمعونی۔١٩ وكندی الە ویرن اسخریوطی یەودایی تیین ایلدی٢٠ وبخانە یە گلدیلر وینە خلق اول درجە جمع اولدیكە اتمك یمكە بیلە وقتلری یوغیدی۔٢١ واقرباسی بونی ایشیتدكدە انی طوتمغە چیقدیلر۔زیرا عقلنە خلل كلمشدر دیرلرایدی۔٢٢ واورشلیمدن اینن علمااندە بعلزبول واروھم جنلرك رئیسی واسطەسیلە جنلری چیقاریوردیدیلر۔٢٣ وانلری یاننە چاغروب انلرە تمثیللر لە سویلدی كە شیطان شیطانی نصل چیقارە بیلور۔٢٤ واكربرحكومت كندی علیھندە مخالفت اوزرە بولنور ایسە اول حكومت باقی اولە ماز۔٢٥ واكربرخانە كندی علیھندە مخالفت اوزرە بولنور ایسە اول خانە باقی قالە ماز۔٢٦ واكر شیطان كندی علیھنە قالقشوب مخالفت اوزرە بولنور ایسە باقی اولە میوب ونك نەایتی كلمشدر۔٢٧ ھیچ كیمسە قوتلوبرادمك خانە سنە گیروب اُنڭ اشیاسنی یغما ایتمكە قادر اولە ماز مكراوّلا اول قوتلوادمی باغلیوب اوزمان اُنڭ خانە سنی یغما ادە ٢٨ حقیقۃً سزە دیرمكە بنی ادمە ھپ كناھلرایلە ایتدكلری كفرلر عفواولنور۔٢٩ اماھر كیم روح القدسە كفرایدرسە الی الابدعفواولنمیوب انجق ابدی عذابە مستحق اولور۔٣٠ چونكە انلراندە ناپاك راح واردیمشلر ایدی٣١ واولدە سی ایلە برادرلری گلوب طیشارودە طورە رق انی چاغرمغە ادم كوندردیلر۔٣٢ خلق دخی اُنڭ اطرافندە اوتررایكن اڭا اشتە والدە ك وبرادرلرك طیشارودە سنی استیورلر دیدیلر۔٣٣ او دخی انلرە جواباً والدە م یاخودبرادرلرم كیملردر دیدی۔٣٤ واطرافندە اوتورانلرە باقوب اشتە والدە م وبرادرلرم٣٥ زیراھر كیم اللھك ارادتنی اجرا ایدرسە برادرم وھمشیرە م ووالدە اودردیدی۔