١ وصاح اولنجە جملە باش كاھنلر ایلە قومك اختیارلری عیسایی قتال ایتمك ایچون علیەندە مشاورە ایتدیلر٢ وانی باغلایوب پونطوسلو پیلا طوس نام والی یە كوتورە تولیم ایتدیلر۔٣ اوزمان انی الە ویرن یهودا اُنڭ محكوم اولدیغنی كوردكدە پشیمان اولمغلە اوتوز قطعە كومشی باش كاھنلر ایلە اختیارلرە كیروویروب٤ صوچسز قان الە ویرمكلە كناە ایشلدم دیدی۔انلردخی بزە نە سن دوشون دیدیلر۔٥ واوآقچە یی ھیكلك ایچندە یرە آتوب كیتدی وواروب كندیسی آصدی٦ وباش كاھنلر آقچە یی آلوب انی ھیكلك خزینە سنە قومق جائز دكلدر چونكە قان بەا سیدردیدیلر۔٧ ومشاورە ایتدكدە نصڭرە غریبلرەمزارلق اولمق اوزرە انڭلە چوملجینك تارلسنی صاتون آلدیلر۔٨ بونڭ ایچون بو كونە دكین اول تارلایە قان تارلاسی دینلور۔٩ اوزمان ارمیا پیغمبر واسطەسیلە وبەاسی تعین ایدلمش یعنی بنی اسرائیلدن بعضلرینك بەاتعییین ایتدكلری ذاتك قیمتی اولان اوتوزقطعە كومشی آلوب١٠ انلری ربك بڭا امر ایتدیگی گبی چوملكجینك تارلاسی ایچون ویردیلردوبیوریلان كلام اتمام اولندی١١ وعیسی والینك حضورندە طوردیغی حالدە والی اڭا یهودیلرڭ ملكی سنمی سین دیو سؤال ایتدی. عیسی دخی اڭا سویلدیكك كبیدردیدی۔١٢ وباش كاھنلرایلە اختیارلرطرفندن اتهام اولندقدە ھیش جواب ویرمدع۔١٣ اوزمان پیلاطوس اڭا سنڭ علیەكە نە قدع شیلرشھادت ایتدكلرینی ایشیتمیور میسین دیدی١٤ واڭاھیچ برسوز بیلە جوابویرمدیكندن والی غایتلە تعّجب ایتدی۔١٥ لكن بیرامدە خلقك ایستدیكی بر محبوسی صالیویرمك والینك عادتی اولمغلە۔١٦ زاوزمان باراباس نامندە مشھوربرمحبوسلری وار ایدی۔١٧ وانلرجمع اولدقلرندە پیلاطوس انلرە سزڭ ایچون قنغیسنی صالیویرمی استرسڭز باراباسیمی یوقسە مسیح دینلان عیسایی می دیدی۔١٨ زیراانی حسددن ناشی تسلیم ایتدكلرینی بیلورایدی۔١٩ ومحكمە دە اوتررایكن زوجە سی اڭا خبركوندروب اول ٓصالح كیمسە ایلە سنڭ ایشك اولمسون۔زیرا بوكون رؤیادە اُنڭ ایچون چوق زحمت چكمدم دیدی٢٠ اما باش كاھنلرایلە اختیارلرباراباسی دیلیوب عیسایی دخی ھلاك ایتمك ایچون خلقی قاندریلر۔٢١ واولی انلرە خطاباًایكیسندن قنغیسنی ازك ایچون صالیویرمە می استرسڭز دیدكدە انلر باراباسی دیدیلر۔٢٢ پیلاطوس انلرە یامسیح دینلان عیسایی نە یە پە یم دیدی كدە جملەسی اڭا سلب اولنسون دیدیلر ۔٢٣ والی دخی یانە كوتیلك ایشلە مشدر دیمسی اوزرینە انلر صلب اولنسون دیو دھا زیادە ندا ایدرلر ایدی۔٢٤ وپیلاطوس فائدە حاصل اولمیوب آنجق دھازیادە ولولە اولدیغنی گورمكلە صوآلوب خلقك اولكندە اللرینی ییقایە رق بوصالحك قانندن بن بری ایم۔سزدوشونكز دیدی۔٢٥ وبتون قوم اُنڭ قانی بزم اوزرمزە وأولادمزك اوزرینە اولسون دیو جواب ویردیلر۔٢٦ اوزمان انلرە باراباسی صالیویردی لكن عیسایی دوكدكدنصڭرە صلب اولنمق ایچون تسلیم ایتدی۔٢٧ والوقت والینك عسكریلری عیسیایی سرایە آلوب بتون بلوكی اُنڭ اوزرینە جمع ایتدیلر۔٢٨ وانی صویوب اڭا قرمزی برخلعت كیدردیلر۔٢٩ ودیكنلردن برتاج اوروب باشنە وبرقامش دخی صاغ النە قودیلر واوكنە دیز چوكوب سلام سكا ای یهودیلرڭ ملكی دیەرك انی استەزا ایتدیلر۔٣٠ واوزرینە توكوردكدنصڭرە قامشی آلوب باشنە اوردیلر۔٣١ وانی استەزاایتدكدنصڭرە خلعتی اوزرندن چیقاروب اڭا كندی الیسە سنی كیدرە رك خاچە كرمك ایچون كوتوردیلر۔٣٢ وطیشاری یە چیقارلر ایكن سمعون نام قرینالو برادمە تصادف ایتملریلە بونی اُنڭ خاچنی طاشیمغە اجبار ایتدیلر۔٣٣ وجلجثە یعنی قفا محلی دینلان یرە كلدكلرندە۔٣٤ اڭا ایچمك ایچون اودایلە قارشمش سركە ویردیلر۔واوطاتنجە ایچمك استمدی۔٣٥ وانی خاچە كردكدن صڭرە البسە سنی قرعە آتە رق تقسیم ایتدیلر تاكە پیغمبرالبسە می ارالرندە تقسیم ایدوب قفتانم ازرینە قرعە آتدیلر دیو بیوردیغی كلام اتمام اولنسە٣٦ واورادە اوتروب انی كوزدرلر ایدی٣٧ وباشی اوزرینە بو یهودیلرڭ ملكی عیسی در یازیلو جرم یافتە سنی قودیلر۔٣٨ اوزمان اُنڭ ایلە برابر بری صاغندە ودیكری صولندە ایكی حرامی صلب اولندی۔٣٩ ویانندن كچنلرباشلرینی صاللایوب اڭاكفرایدە رك٤٠ ای ھیكلی ییقوب اوچ گوندە بنا ایدن كندوكی قورتار۔اكرسن ابن اللە ایسە ك خاچدن این دیرلر ایدی ۔٤١ كذلك باش كاھنلردخی علما واختیارلر ایلە برابر استەزاایدەرك۔٤٢ بشقەلرینی قوتاردی كندینی قورتامغە قادردكلدر۔اگر اسرائیلك ملكی ایسە شمدی خاچدن اینسون واڭا ایمان ایدرز ۔٤٣ اللھە توكل ایتدی اگر اندن راضی ایسە شمدی انی خلاص ایتسون زیرا بن ابن اللە ایم دیدی دیدیلر۔٤٤ اُنڭ ایلە برابر صلب اولنان حرامیلردخی بو صورتلە اڭا ستم ایدرلرایدی۔٤٥ وساعت التیدن ساعت طقوزە قدربتون یراوزرندە قراڭلق اولدی۔٤٦ وساعت طقوزرادەلرندە عیسی یوكسك سسلە فریاد ایدە رك ایلی ایلی لما سبقتانی یعنی ای اللھم بنی نیچون تر ایتدك دیدی۔٤٧ واورادە طورانلرڭ بعضیسی بونی ایشتدكدە بوادم ایلیایی چاغریور دیدیلر۔٤٨ ودرعقب انلردن بری سكرتدی وبرسونكر آلوب سركە ایلە طولدرە رق برقامشە طاقوب اڭا ایچوردی۔٤٩ دیكرلری دخی براق باقە لم ایلیاانی قورتارمغە كلورمی دیدیلر۔٥٠ وعیسی تكراریوكسك سسلە فریاد ایدوب تسلیم روح ایلدی۔٥١ واشتە ھیكلك پردە سی یوقارودن اشاغی یە قدر یرتیلوب ایكی پارە اولدی ویردترە یوب قیالر شق اولندیلر۔٥٢ وقبرلردخی آچیلوب اویومش اولان نیچە مقدّسلرك جسدلری قیام ایتدی۔٥٣ اونك قیامندنصڭرە قبرلردن چیقوب مقدّس شھرە كیرە رك چوق كیمسەلرە كورندە۔٥٤ ویوزباشی وانڭ ایلەبرابر عیسایی كوزدنلرلە یی وواقع اولان شیلری كورنجە غایتلە قورقوب حقیقۃً بوابن اللە ایدی دیدیلر۔٥٥ وجلیلدن عیسانڭ آردنجە اڭا خدمت ایدە رك گلمش اولان چوق قاریلر اورادە بولنوب اوزاقدن باقیورلر ایدی٥٦ انلرڭ اراسندە مجدلی مریم ویعقوب ایلە یوسانڭ والدەسی مریم وزبدی اوغللرینك والدەسی بولنورایدی٥٧ واقشام اولد قدە عیسایە شاكرداولان اریماتیالویوسف نامندە برزنكین ادم گلدی۔٥٨ وپیلاطوسك یاننە كیدە رك عیسانڭ جسدینی طلب ایلدی۔اوزمان پیلاطوس جسدك ویرلمسنی امر ایتدی۔٥٩ ویوسف جسدی آلوب انی تمیز كتان بزینە صاردی٦٠ وانی قیادە كسدرمش اولدیغی كندینك یك قبرینە قودی وقبرك قپوسنە بیوك برطاش یوارلایوب كیتدی۔٦١ ومجدلی مریم ایلە اولبرمریم اورادە بولنوب قبرك قارشوسندە اوتوریورلرایدی۔٦٢ وایرتسی گونی یعنی تدارك كونینك فرادسی باش كاھنلرایلە فریسیلرپیلاطوسك یاننە جمع اولوب۔٦٣ ای افندی اول اضلال ایدیجی صاغ ایكن اوچ كوندنصڭرە قیام ایدە جكم دیدیكی خاطرمزە كلیور۔٦٤ ایمدی اوچنجی كونە دك قبرك كوزدلمسنی امرایلە اولمیە كە شاكردلری گلوب انی سرقت ایدە رك خلقە اولولردن قیام ایتدی دیەلر وصڭرە كی ضلالت اوّلكیدن بدتر اولوردیدیلر۔٦٥ پیلاطوس انلرە بكجیلركز واردركیدوب بیلدیككز گبی محافظە ایلیكز دیدی۔٦٦ انلردخی گیدوب طاشی مھرلیە رك قبری بكجیلرلە محافظ ایلدیلر۔