١ وسبت كونینك ختامدنەھفتە نك ایللك گونی شفق سوكر ایكن مجدلی مریم ایلە اولبرمریم قبری كورمكە گلدیلر۔٢ واشتە شدتلو برزلزلە اولدی۔زیراربك ملكی كوكدن ایتدی و گلوب قپودن طاشی یوارلایە رك اُنڭ اوزرینە اوتوردی۔٣ وچھرە سی شمشك گبی ولباسی قاركبی بیاض ایدی۔٤ وبكجیلر اندن قورقدقلرندن دترە یوب اولوكبی اولدیلر۔٥ ملك دخی قاریلرە خطاباًسزقورقمایكز زیرا صلب اولنان عیسایی آرادیغكزی بیلورم۔٦ بورادە دكلدر زیرا دیدیكی گبی قیام ایتدی۔كلكز ربك یاتدیغی محلی كوركز۔٧ وچابك گیدوب شاكردلرینە اولولردن قیام ایتمشدرواشتە سزدن اوّل جلیلە وارە جق انی اورادە كورە جكسكز دیكز۔اشتە سزە سویلدم دیدی۔٨ انلردخی قورقوب وعظیم مستتلە درعقب قبردن چیقوب اُنڭ شاكردلرینە خبرویرمكە قوشدیلر۔٩ وشاكردلرینە خبرویرمكە كیدرلرایكن اشتە عیسی قارشولرینە چیقوب سلام سزە دیدی۔انلردخی یاقلاشوب ایاقلرینە صاردیلە رق اڭاسجدە قیلدیلر۔١٠ اوزمان عیسیانلرە قورقمایكز گیدوب برادرلرمە جلیلە كیتسونلر وبنی اورادە كورە جكلر دیو خبر ویركز دیدی،١١ وانلرڭیتمكدە ایكن اشتە بكجیلردن بعضلری شھرە گلوب وقوعاتك جملەسنی باش كاھنلرە نقل ایتدیلر۔١٢ انلردخی اختیارلرایلە جمع اولوب مشاورە ایتدكدنصڭرە عسكرلرە برچوق آقچە ویروب١٣ بزاویورایكن اُنڭ شاكردلری كیجە لین گلوب انی سرقت ایتدیلر دیكز۔١٤ واكروالی طرفندن ایشیدیلە جك اولورایسە بزانی قاندروب سزی امین قیلارز دیدیلر ۔١٥ انلردخی آقچە یی قبول ایدوب آلدقلری تعلیماتە كورە حركت ایتدیلر۔وبوكلام تابوكونە دك یەودیلراراسندە شایع المشدر۔١٦ واونبرشاكردلرجلیلە عیسانڭ انلرە امرایتدیكی طاغە واردیلر۔١٧ وانی كورنجە اڭا سجدە قلیدیلر۔لكن بعضیسی شبەە ایتدیلر۔١٨ وعیسی یانلرینە گلوب انلرە خطاباً دیدیكە سمادە وزمیندە بتون حكومت بڭا ویرلدی۔١٩ ایمدی كیدكز جملە ملتلری شاكرد ایدڭز وانلری پدروابن وروح القدسك اسمنە وافتیزایدكز۔٢٠ وسزە امرایتدیكم شیلرك جملەسنی حفظ ایتمكی انلرە تعلیم ایدڭز واشتە دنیانڭ نەایتنە دكین بن ھروقت سزڭ ایلە برابر ایم۔آمین۔