١ وعیسی بو سوزلرك جملەسنی تكمیل ایتدكدنصڭرە شاكردلرینە٢ ایكی كوندنصڭرە فصح بیرامی اولە جغنی بیلوركز وابن الانسان دخی صلب او لنمق ایچون تسلیم اولنە جقدر دیدی۔٣ اوزمان باش كاھنلر وعلما ایلە قومك اختیارلری قیافا نام كاھن اعظمك قوناغنە جمع اولدیلر٤ وعیسایی حیلە ایلە طوتوب قتل ایتمكی مشاورە ایتدیلر٥ لكن خلق اراسندە ولولە اولمامق ایچون بیرامدە او لمسون دیدیلر۔٦ وعیسی بیت غنیادە جذاملو سمعونك خانە سندە بولند یغندە٧ اُنڭ یاننە برشیشە ذیقیمت خوش رایحە لو یاغ الندە اولە رق برخاتون گلوب اوسفرە دە اوتورایكن اُنڭ باشنە دوكدی٨ شاكردلری دخی بونی كوردكدە طاریلوب بواسراف نیچون اولسون۔٩ زیرابایاغ چوق بەایە صاتیلوب فقیرلرە ویریلە بیلورایدی دیدیلر١٠ اماعیسی بونی اكلامغلە انلرە دیدیكە نیچون خاتونی بیخضورایدیورسكزچونكە حقمدە كوزل برایش ایشلە دی١١ زیرا فقیرلر دائماسزڭ ایلە برابر بولنورامابن دائماسزڭ ایلە برابربولنمام١٢ زیرا بو خاتون بویاغی وجودماوزرینە دوكدی ایسە بنم دفنم ایچون یاپدی۔١٣ حقیقۃً سزە دیرمكە بوبشارت بتون دنیا نك ھر نرە سندە اعلان اولنورایسە بو خاتونك ایتدیگی دخی تذكاری ایچون روایت اولنە جقدر۔١٤ اوزمان اون ایكیلردن بری اسخریوطی یھودانام كیمسە باش كاھنلرك یاننە واروب١٥ انی سزە تسلیم ایتمە م ایوچونب بڭا نە ویررسكز دیدی۔انلردخی اڭا اوتوزقطعە كومش وعدایتدیلر۔١٦ واوزماندن صكرانی الە ویرمكە فرصت آرارایدی۔١٧ وفطیر بیرامنك برنجی كونندە شاكردلرعیسانڭ یاننە گلوب اڭا سنڭ ایچون فصح طعامنی نرە دە استرسین كە حاضرلایە لم دیدیلر۔١٨ اودخی شھرە گیدوب فلان كیمسە یە دیكز كە معلم وقتم یاقیندرفصحی شاكردلرایلە برابرسن یانڭدە ایدە جكم دیور دیدی۔١٩ شاكردلری دخی عیسانڭ كندیلرینە امرایتدیكی گبی حركتلە فصحی حاضرلادیلر۔٢٠ واقشام اولدقدە اون ایكیلر ایلە برابرسفرە یە اوتوردی۔٢١ وانلر طعام ایدر ایكن حقیقۃًسزە دیرمكە سزدن بری بنی الە ویرە جكدردیدی٢٢ انلرایسە زیادە سیلە مكدّراولوب انلردن ھربری اڭاافندی بنمی ایم دیمكە باشلادی٢٣ اودخی جواب ویروب النی صحنە بنم ایلە برابرباتران ھمان اوبنی الە ویرە جك۔٢٤ واقعاابن الانسان كندی حقندە یازلمش اولدیغی اوزرە كیدراماوای اول ادمە كە اُنڭ الیلە ابن الانسان الە ویریلور اول ادم طوغمامش اولسیدی كندینە خیر لو اولورایدیدیدی۔٢٥ اونی الە ویرن یھودا جواباًیا معلم بنمی ایم دیدیكندە اڭا سویلد یكك كبیدردیدی۔٢٦ وانلرطعام ایدرایكن عیسی اتمكی آلوب بركت دعاسی اوقدقدنصڭرە پارە لدی وشاكردلرینە ویروب آلكز ییكز بوبنم جسدمدردیدی۔٢٧ وكاسە یی آلوب شكرایتدكدنصڭرە انلرە ویروب دیدیكە جملە كز ب وندن ایچكز٢٨ زرا بو بنم قانم یعنی كناھلر عفو اولنمق اوزرە چوق كیمسەلر ایچون دوكیلان عھدجدیدك قانی در٢٩ لكن سزە دیرمكە شمدنصڭرە تاانی پدرمك ملكوتندە سزڭ ایلە تازە اولە رق ایچە جكم كونە دكین آرتق اسمە نك بو محصولندن ایچمیە جكم۔٣٠ والھی اوقویوب زیتون طاغنە چیقدیلر۔٣١ اوزمان عیسی انلرە دیدیكە بوكیجە جملە كز بنم حقمدە سورچە جكسكز۔ زیراچوبانی اورجغم وسورینك قویونلری٣٢ جلیكە كیدە جكم٣٣ وبطرساڭا جواباًاكرجملەسی سنڭ حقڭدە سورچسەلر بیلە بن اصلاسورچمیە جكم دیدی۔٣٤ عیسی اڭا حقیقۃًسكادیرمكە بوكیجە خروس اوتمزدن اوّل سن بنی اوچ كرە انڭار ایدە جكسین دیدی۔٣٥ بطرس اڭا اگر بڭا سنڭ ایلە اولمك لازم كلسە بیلە سنی اصلاانڭارایتمم دیدی۔كذلك شاكردلرك جملەسی بونی دیدیلر۔٣٦ اوزمان عیسی انلر ایلە برابرجتسمانی دینلان برمحلە گلدی وشاكردلرینە بن واروب اورادە دعاایدنجیە دك سز بورادە اوتوركز دیدی۔٣٧ وبطرس ایلە زبدینك ایكی اوغلنی برابرآلوب مكدّر ومحزون اولمغە باشلادی٣٨ اولوقت انلرە جانم اولوم درجە سندە پك مكدّر در بورادە قالوب بنم ایلە برابراویانق طوركز دیدی۔٣٩ وبرآزایلروواروب یوزی اوزرینە قپاندی وای پدرم اگر ممكن ایسە بوكاسە بندن كچسون لكن بنم استدیكم گبی دكل انجق سنڭ استدیكك گبی اولسون دیودعا ایلدی٤٠ وشاكردلرك یاننە گلوب انلری اویقودە بولمغلە بطرسە خطاباًبویلە جە بر ساعت بنم ایلە اویانق طورە مدیكزمی۔٤١ اغوایە دوشمە مك ایچون اویانق طوروب دعا یلیكز واقعاروح حاضراماتن ضعیفدر دیدی٤٢ تكرارایكنجی دفعە واروب ای پدرم بن بوكاسە یی ایچمكسزین بندن كچمسی ممكن دكل ایسە سنڭ ارادتك اولسون دیودعاایلدی۔٤٣ و گلوب ینە انلری اویقودە بولدی زیرا كوزلری آغرشمش ایدی٤٤ وانلری براغوب تكرار كیتدی واوچنجی دفعە ھمان اوكلامی سویلیە رك دعا ایلدی۔٤٥ اوزمان شاكردلرینە گلوب انلرە دیدیكە آرتق اویویوب استراحت ایدڭز۔اشتە ساعت یاقلاشدی وابن الانسان كناھكارلرك النە تسلیم اولنیور۔٤٦ قالقكز كیدە لم اشتە بنی الە ویرن یاقلاشدی۔٤٧ واودھا سویلر ایكن اشتە اون ایكیلردن بری اولان یھودا باش كاھنلر وقومك اختیارلری طرفندن قلیجلو وصوپالو وافر خلق اُنڭ ایلە برابر اولە رق گلدی٤٨ وانی الە ویرن انلرە اشارت ویروب كیمی اوپرسە م اودرانی طوتكز دیمش ایدی۔٤٩ ودرعقب عیسایە یاقلاشوب سلام سكا رنی دیەرك انی اوپدی۔٥٠ عیسی دخی اڭا دوستم نە ایچون كلدك دیدی۔اوزمان انلر یناشوب اللرینی عیسی اوزرینە صالە رق انی طوتدیلر٥١ اوشتە دیسی ایلە برابر بولنا نلردن بری النی اوزادوب قلیجنی چكدی وكاھن اعظمك بندە سنە اوروب قولاغنی كسدی۔٥٢ اوزمان عیسی اڭا دیدیكە قلیجكی ینە یرینە قو زیرا قلیج طوتانلرڭ جملەسی قلیجلە ھلاك اولور۔٥٣ یوقسە بن پدرمە شمدی رجا ایدەمز می ایم ظن ایدرسین اودخی بڭا اون ایكی آلایدن زیادە ملكر یتشدرر۔٥٤ لكن بویلە اولمق واجبدر بیوران كتابلر نصل اتما م اولنە بیلور۔٥٥ اول ساعتدە عیسی خلقە دیدیكە حرامی اوزرینە گلور گبی می بنی طوتمق ایچون قلیجلو وصوپالو چیقدیكز بن ھركون ھیكلدە یانڭزدە اوتوروب تعلیم ایدر ایدم وبنی طوتمدیكز٥٦ لكن بونڭ جملەسی پیغمبرلرك كتابلری اتمام اولنمق ایچون واقع اولدی اوزمان شاكردلر جملەسی انی براغوب قچدیلر۔٥٧ وعیسایی طوتانلر انی كاھن اعظم قیافانڭ یاننە كوتردیلر اورادە دخی علما ایلە اختیارلر جمع اولمش ایدی۔٥٨ وبطرس اوزاقدن كاھن اعظمك حولیسنە دك اُنڭ آردنجە كیتدی وایچرو گیروب نتیجە یی كورمك ایچون خدمتكارلرایلە برابر اوتوردی ۔٥٩ وباش كاھنلرایلە اختیارلروبتون ملت مجلسی عیسانڭ قتلی ایچون علیەنە یالان شھادت آرادیلر ایسە دە بولە مدیلر۔٦٠ وچوق یالانجی شاھدلركلدیلر۔ایسە دە ینە بو لە مدیلر۔نھایت ایكی یانجی شاھد گلوب٦١ بو كیمسنە اللھك ھیكلنی ییقوب انی اوچ گوندە بنا ایدە بیلورم دیدی دیدیلر٦٢ كاھن اعظم دخی قالقوب اڭا ھیچ جواب ویرمزمیسین بونلر سنڭ علیھكە نە شھادت ایدیورلردیدی۔٦٣ اما عیسی سكوت اوزرە طورمغلە لاھن اعظ، الاخطاباًاللە الحی حقی ایچون سكا یمین ویررم سن مسیح ابن اللە میسین بزە سویلەدیدی۔٦٤ عیسی اڭا قدرتك صاغندە اوتومقدە وكوكك بلوطلری اوزرندە كلمكدە لورپ جكسكز دیدی۔٦٥ بونڭ اوزرینە كاھن اعظم كندی السبە سنی یروتوب بو ادم كفر ایتدی آرتق بزە شاھدلر نە لازم۔اشتە شمدی كفرینی ایشیتدیكز٦٦ سزە نصل كورینور دیدی۔انلر دخی جواب ویروب اولومە مستحقدر دیدیلر٦٧ اوزمان اُنڭ یوزینە توكوروب اڭا یومزق اوردیلر بعضلری دە سلە اوروب٦٨ ای مسیح بزە پیغمبرلك ایلە سكا اوران كیمدر دیدیلر۔٦٩ وبطرس طیشارودە حولیدە اوتررایكن یاننە بر جاریە گلوب سن دخی جلیللو عیسی ایلە برابر ایدك دیدی۔٧٠ لكن اوجملە سنڭ حضورنە سنڭ نە سویلد یككی بیلمم دیەرك انڭا رایلدی٧١ وقپویە چیقد یغندە انی دیكر برجاریە گوروب اورادە اولنلرە بودخی ناصرتلە عیسی ایلە برابر ایدی دیدی٧٢ اودخی بن اوادمی طانیمام دیەرك یمیینلە تكرار انڭار ایلدی٧٣ وبراز صڭرە اورادە طورانلر یناشوب بطرسە صحیحاً سن دخی انلردن سین چونكە سویلیشك دخی سنی بیان ایدیور دیدیلر٧٤ اوزمان بطرس اول ادمی طانیمام دیەرك بددعا ویمین ایتمكە باشلادی وآنیدە خروس اوتدی۔٧٥ وبطرس عیسانڭ كندینە خروس اوتمزدن اوّل بنی اوش كرە انڭار ایدە جكسین دیدیكی سوزی خاطرینە كتورمكلە طیشارویە چیقوبآجی آجی آغلادی۔