١ اوززمان ملكوت السماوات كندی قندیللرینی آلوب كویكویی استقبالە چیقان اون نفرباكرە یە بكزر٢ وانلردن بشی عقللو وبشی احمق ایدی٣ واحمق اولنلر قندیللرینی آلد قلرندە برابریاغ آلمدیلر٤ لكن عقللو اولنلر قندیللری ایلە برابر قابلرندە یاغ آلدیلر٥ وكویكو كجیكمكلە جملە سنڭ اویقسی گلوب اویودیلر٦ وكیجە یاریسندە اشتە كویكوكلیورانی استقبالە چیقكز دیوبرانداولمسی اوزرینە٧ اول باكرەلرك جملەسی قالقوب قندبللرینی دوناتدیلر٨ واحمقلرعقللولرە بزە یاغلزدم ویركز زیرا قندیللرمز سونیور دیدیلر٩ عقللولردخی جواباًاولمیە كە بزە ھم سزە ینشمیە دھا ایودركە صاتیجیلرە واروب كندوكز ایچون آلە سكز دیدیلر١٠ انلردخی صاتون آلمغە كیتمكدە ایكن كویكوكلدی حاضر اولان قزلردخی اُنڭ ایلە برابر دوگونە كیردكلری گبی قپو قباندی١١ صڭرە اولبرباكرەلردخی گلوب افندی افندی بزە آچ دیدیلر١٢ اودخی جواب ویروب حقیقۃًسزە دیرمكە سزی طانیمام دیدی١٣ ایمدی اویانق طوركز زیرا[ابن الانسانڭ كلە جكی]گونی وساعتی بیلمزسكز۔١٤ زیرا ملكوت السماوات غربتە كیتمك اوررە ایكن كندی قوللرینی چاغروب اموالنی انلرە تسلیلم ایدن برادمە بكزر١٥ وھربرینە كندی قابلیتنە كورە كیمنە بش كیمنە ایكی كیمنە دە برطالنت ویروب درحال غربتە كیتدی١٦ وبش طالانتی آلان واروب انلرلە تجارت ادە رك بش طالانت دھا قزاندی١٧ بویلە جە ایكی یی آلان دخی ایكی دھا قزاندی١٨ امابری آلان واروب یری قازە رق افندیسنك اقچە سنی كیزلدی١٩ وخیل زماندنصڭرە اول قوللرك افندیسی گلوب انلرایلە حاب گوردی٢٠ وبش طالانتی آلان گلوب بش طالانت دھا كتورە رك افندم بڭابش طالانت تسلیم ایتدك اشتە انلرڭ اوزرینە بش طالانت دھا قزاندم دیدی٢١ افندیسی دخی اڭاآفرین ایو وصادق قول آزشیلردە صادق بولندك سنی چوق شیلر اوزرینە ناظرنصب ادە جكم افندكك شنلكنە كیر دیدی٢٢ وایكی طالانتی آلان دخی گلوب افندم بڭاایكی طالانت تسلیم ایتدك اشتە انلرڭ اوزرینە ایكی طالانت دھا قزاندم دیدی٢٣ افندیسی اڭاآفرین ایو وصادق قول آزشیلردە صادق بولندك سنی چوق شیلراوزرینە ناظرنصب ایدە جكم افندكك شنلكنە كیر دیدی٢٤ وبرطالانتی آلان دخی گلوب افندم سنڭ اكمە دیكك یردن بیچروصاچمادیغك یردن دیوشیررسرتبرادم ایدوككی بیلمكلە٢٥ قورقد یغمدن واروب سنڭ طالنتكی یردە كیزلە دم اشتە مالك دیدی٢٦ افندیسی دخی اڭا جواباًدیدیكە ای كوتو وتنبل قول بنم اكمە دیكم یردن بیچوب صاچمادیغم یردن دیوشیردیكمی بیلدیكك حالدە٢٧ سكا واجب اولان اقچە می صرافلرە ویرمك ایدی بن دخی عودتمدە مالمی فائضی ایلە آلور ایدم٢٨ ایمدی اندن طالانتی آلوب اون طالانتی اولانە ویكز٢٩ زیراھر كیمك وارایسە اڭاویریلوب آرتە جقدر اماكیمك یوغیسە الندە اولانی بیلە اندن آلنە جقدر٣٠ واول فائدە سزقولی خارجی ظلمتە چیقاركز اورادە آغلایش ودیش غجردامسی اولە جقدر۔٣١ وابن الانسان جملە[مقدّس]ملكلرایلە برابركندی جلالیلە گلدیگی سمان جلالنك تختی اوزرندە اوتورە جقدر٣٢ وجملە ملتلر اُنڭ حضورندە جمع اولنە رق چوبان قویونلری كچیلردن آیردیغی گبی انلری بری برندن آیروب٣٣ قویونلری صاغندە وكچیلری صولندە طوردرە جقدر٣٤ اوزمان ملك صاغندە اولنلرە خطاباًكلكزی پدرمك مباركلری دنیانڭ تأسیسندنبرو سزڭ ایچون حاضرلنمش ملكوتی میراث آلكز٣٥ زیرا آچیقدم بڭاطعام ویردیكز صوصادم بڭا صوویردیكز غریب ایدم بنی اوە قبول ایتدیكز٣٦ چپلاق ایدم بنی كیدردیكزخستە اولدم بنی زیارت ایتدیكز حبسدە ایدم یانمدە كلدبكز دیە جكدر٣٧ اوزمان صالحلر اڭا یارب سنی نە زمان آج گوروب بسلە دك یاخودصوصامش گوروب صوویردك٣٨ ونە زمان سنی غریب گوروب اوە قبول ایتدك یا چپلاق گوروب كیدردك٣٩ ونە زمان سنی خستە یاحبسدە گوروب یانڭە كلدك دیو جواب ویرە جكلردر٤٠ ملك دخی انلرە جواباًفی القیقیە سزە دیرمكە مادامكە بواك ادنی قرنداسلرمك بیرنە ایتدیكز بك ایتمش اولدیكزدیە جكدر۔٤١ اوزمان صولندە اولنلرە دخی ای ملعونلرشیطان ایلە اُنڭ ملكلرینە حاضرلنمش شول ابدی آتشە حضورمدن كیدكز٤٢ زیرا آجیقدم بڭا طعام ویرمدیكز صوصادم بڭا صوویرمدیكز٤٣ غریب ایدم بنی اوە قبول ایتمدیكز چپلاق ایدم بنی كیدر مدیكز خستە وحبسدە ایدم بنی زیرات ایتمدیكز دیو بیورە جقدر٤٤ اوزمان انلر دخی اڭا جواباًیارب سنی نە زمان آج یا صوصامش یاغریب یا چپلاق یاخستە یاحبسدە كوردكدە سكا خدمت ایتمدك دیە جكلردر٤٥ اوزمان انلرە جواب ویروب حقیقۃً سزە دیرمكە مادامكە بواك ادنالرك برینە ایتمدیكز بك دخی ایتمە مش اولد یكز دیە جكدر۔٤٦ وبونلر ابدی عذابە وصالحلر ابدی حیاتە كیدە جكلردر۔