٣
١ و اول گونلردە وافتیز ایدیجی یحیی توبە ایلیكز زیرا ملكوت السماوات یاقلاشمشدر دیوب٢ یهودیە برّیەسندە وعظ ایدرك ظھور ایلدی٣ زیرا ربك یولنی حاضر لایكز اُنڭ طریقلرینی طوغرولدكز دیەرك برّیەدە ندا ایدنك صداسی دیو اشعیا پیغمبر واسطەسیلە خبر ویریلان ذات بودر٤ بو یحیی دخی دوە تویندن لباس كیمش و بلنه قایش قوشانمش ایدی طعامی دخی چكركەلر ایلە یبان بالی ایدی٥ او زمان اورشلیم و بتون یهودیە ھم اردنك بتون جوارینك اھالیسی اُنڭ یاننە چیقوب٦ كناھلرینی اقرار ایدرك اردندە اُنڭ الیلە وافتیز اولنورلر ایدی٧ و فریسیلر ایلە صدوقیلردن نیچەلرینك كندی وافتیزینە گلدگلرینی كوردكدە انلرە دیدیكە ای انڭرك نسلی كلەجك غضبدن قاچمغی سزە كیم اوكرتدی٨ ایمدی توبەیە لایق میوە حصولە گتورڭز٩ و پدرمز ابرھیمدر دیمكی كندی كندوكزە دوشونمیكز زیرا سزە دیرمكە اللە ابراھیمە شو طاشلردن بیلە اولاد حصولە كتورمكە قادردر١٠ و ھمدە حالا بالطە اغاجلرك كوكینك یاننە قونلمشدر. ایمدی ایو میوە ویرمیان ھر آغاج كسیلوب آتشە آتیلور١١ بن سزی توبە ایچون صوایلە وافتیز ایدرم اما بندن صكرە گلان بندن قدرتلودر اُنڭ ایاق قابلرینی بیلە طاشیمغە لایق دكل ایم. او سزی روح‌القدس و آتشلە وافتیز ایدەجكدر١٢ یابەسی دخی الندە اولوب كندی خرماننی تمامیلە صاورەجق و بغداینی در انبار ایلیوب صمانی سونمز آتشە یاقەجقدر١٣ اوزمان عیسی یحیانڭ الیلە وافتیز اولنمق اوزرە جلیلدن اردنە اُنڭ یاننە گلدی١٤ لكن یحیی بن سنڭ الكلە وافتیز اولنمغە محتاج اولدیغم حالدە سن بڭامی كلیورسین دیەرك انی منع ایتمكدە ایكن١٥ عیسی دخی اڭا جواباً شمدی براق چونكە ھر حقی بویلە یربنە كتورمەمز گركدر دیدی. او زمان انی براقدی١٦ و عیسی وافتیز اولندقد نصكرە در عقب صودن چیقدی واشتە اڭا سماوات آچلدی و روح اللھی كو كرجین گبی اینەرك كندینك اوزرینە كلمكدە گوردی١٧ واشتە سوكیلو اوغلم بودر اندن راضی ایم دیو سماواتدن بر صدا گلدی