لوقا
١
عزیز تيوفيلوس، چوخ کشيلر بزدە ناي اولمش إیشلرن حکایەسني يازميە چالشديلر۔ ٢ و اوَلدن گوزلرندن گورانلر و إنجيلن خزمتچيلري، اونلري بزە تسليم اتديلر ٣ بن دە هر شيي اوَلدن إيى تفتيش اتدم و بلە مناسب گوردم کي، اونلري سنە نظاملي بیر شکلدە يازيم، اي عزيز تيوفيلوس ٤ تا سنە ویریلان تعليمن صح اولديني بلجن۔
Başlangıç
٥ یهودیەنن قرالي هيرودسن گونلرندە أبيا فرقەسندن بير کاهن ادي زکريا واردي و اونن اروادي هارونن قزلرندن بيري، ادي اليصاباتدي۔ ٦ إکيسي دە اللهن گوزندە صالح ادملردي و ربن بوتون امرلرندە و قانونلرندە خطاسز ياشيوديلر۔ ٧ اونلرن چوجوغو يوخدي چونکو اليصابات قسردي و إکيسي چوخ إختياردي۔
٨ و بير گون زکريا گندي فرقەسنن سرەسندە، اللهن حضورندە کاهنلک خزمتني ادیودي۔ ٩ کاهنلک عادتي حسبنە، زَر گندنە دوشدي و بخور ياخمخ إيچن ربن معبدنە گيردي ١٠ و بخور ياخمخ ساعتندە ملتن هپسي دشردە دوعا اديودي ١١ و ربن ملاگي اونە گورکدي و بخور مذبحنن صاغ طرفندە دوردي ١٢ و زکريا اونو گورديي زمان، شاشدي و اونە قورخو گلدي
١٣ ملاک اونە ﴿قورخما زکريا۔ دوعالرن مقبول اولدي و اروادن اليصابات يوکلو اولجي و سنە بير اوغلان ويرجي و اونن إسمني يحيى قويجن۔ ١٤ و چوخ موتلو و کايفلي اولجن و چوخ کشيلر اونن دوغمەسندن کايفلنجي۔ ١٥ چونکو او اللهن گوزندە بويوک اولجي و اصلا شراب و إيچکي إيچميجي و اناسنن قارنندن روح القدسدن دولو اولجي۔ ١٦ و او إسرائيلن اوشاخلرنن چوخونو اللهە دؤندرجي۔ ١٧ او إيليانن روحندن و قدرتندن اونن اوگندن گدجي تا يورکلري حاضر بير ملتي ربە حاضرلەسن و بابالرن يورکلرني اوشاخلرە و عاصيلري، صالحلرن عقلنە دؤندرسن۔﴾ ددي
١٨ و زکريا ملاگە ﴿بن بونو نصل بلیم؟ چونکو بن اختیارم و اروادم دە چوخ ياشليدر۔﴾ ددي
١٩ و ملاک اونە ﴿بن اللهن حضورندە دوران، جبرائيليم کي، سندن قونُشمیە و بو إيى خبري سنە ويرميە گوندرلدم۔ ٢٠ باخ تا بو شيلر تمام اولانە قدر سن ارخس قالجن و قونُشەبلميجن چونکو سوزلرمە إينانمادن!﴾ ددي
٢١ و ملت زکريايي گوزليودي و معبددە چوخ قالمەسندن شاشديلر ٢٢ و معبددن چيخديي زمان اونلردن قونُشەبلمادي و اونلر دە بير رؤيا گورديني بلديلر و او اونلرە إشارتدن انلاتدي و ارخس قالدي۔ ٢٣ و اونن خزمت اتمەسنن گونلري تماملاندخدن سونرا ائونە گتدي۔
٢٤ و او گونلردن سونرا، اروادي اليصابات يوکلو اولدي و گندني بش اي ساخلادي ٢٥ و ﴿رب إنسانلرن مجتمعسندە بنم عيبمي قالدرمخ إيچن، بو گونلردە بنە رحمتلي باخدي۔﴾ ددي
٢٦ و التنجي ايدە جبرائيل ملاک، اللە طرفندن جليل منطقەسندەکي إسمي ناصرە شهرنە گوندرلدي ٢٧ a داوُدن اوشاخلرندن بير ادم ادي يوسف واردي۔ او باکر بير قزدن نشانليدي۔ بو قزن إسمي مريمدي۔
٢٨ و او ملاک اونە گلدي و اونە سلام سويلەدي و ﴿رب سندن برابردر، رب سندن راضيدر۔ سن اروادلردن زياده مبارکسن!﴾ ددي
٢٩ اما مريم اونو گورديي زمان، اونن سوزلرندن شاشدي و ﴿بو نصل بير سلامت!﴾ دوشُندي۔
٣٠ و ملاک اونە ﴿اي مريم قورخما، چونکو اللهن یانندە مرحمت بولمشسن۔ ٣١ bو اهجخ سن يوکلو اولجن و بير اوغلان دوغرجن و اونن إسمني عيسى قويجن۔ ٣٢ و او بويوک اولجي و اونە يوجە اللهن اوغلو دايجيلر و رب اللە اونە باباسي داوُدن کرسيسني ويرجي۔ ٣٣ و او، سونسزە قدر يعقوبن ائوي اوستنە حکم ادجي و اونن مملکتنن اخري اولمیجي۔﴾ ددي
٣٤ مريم ملاگە ﴿بو نصل اولەبلر، بن دها هيچ بير ارکک تانيمادم؟﴾ سوردي
٣٥ و ملاک اونە ﴿روح القدس سنن اوستنە گلجي و یوجە اللهن قواتي سنە کولگە اولجي و بونن إيچن سندن دوغان او قدُسه، اللهن اوغلو دايجيلر۔ ٣٦ و اهجخ سنن اقرابەلرندن اليصابات ده إختیارلخندە بیر اوغلانە یوکلودر و شندي گندنە قسر سویلەنان بو ارواد، التنجي ايیندەدر۔ ٣٧ اللە إيچن ممکنسز هيچ بير شي يوخدر۔﴾ ددي
٣٨ و مريم ﴿اهجخ بن ربن خزمتچيسيم هر شي ددين کمي اولسن۔﴾ ددي و ملاک اونن یانندن گتدي۔
٣٩ او گونلردە مريم قالخدي و داغلر جوارندەخي يهوديەنن بير شهرنە گتدي۔ ٤٠ و اوردە زکريا و اليصاباتن ائونە گيردي و سلام سويلەدي۔
٤١ و مريم سلام سويلەديي زمان اليصاباتن چوجوغو قارنندە حرکت اتدي و اليصابات روح القدسدن دولو اولدي ٤٢ و قواتلي سَسدن چاغردي و ﴿سن بوتون اروادلردن زيادە مبارکسن و قارننن ميوەسي دە مبارکدر۔ ٤٣ نصل اولور کي ربن اناسي بنە گليو؟ ٤٤ چونکو اهجخ سلامتنن سَسي قولاغمە گلدیي زمان، چوجوخ قارنمدە کايفلکدن أتلدي ٤٥ إينانان ادمه ناي مبارک! چونکو رب اونە سويلەدیي شيلرن هپسني ياپجي۔﴾ ددي
٤٦ و مريم قواتلي سَسدن ﴿جانم ربە حمد اديو ٤٧ و روحم قورتارجم اللهدە اولدي إيچن کايفلندي ٤٨ چونکو او خزمتچيسنن خور حالنە راضيلخدن باخدي بو زماندن بري هرکز بنە مبارک دايجي ٤٩ چونکو او قدرتلي، بنە بويوک شيلر ياپدي و اونن إسمي قُدسدر ٥٠ و اونن مرحمتي نسلدن نسلە، گندسندن قورخانلرن اوستندەدر ٥١ گندي قولُندن قوات گورستدي و کبرليلري یورکلرنن افکارلرندە داغتدي ٥٢ و قواتلي ادملري کرسيلرندن إيندردي و متواضع ادملري بويوک اتدي۔ ٥٣ اچ ادملري إييلکدن دويوريو و زنگينلري بوش گوندريو ٥٤ مرحمتني عقلنە گتردي و گندي خزمتچيسي إسرائيلە ياردم اتدي۔ ٥٥ عينا شکلده، باباملرمز إبراهيم و اونن نسلنە تا سونسزه قدر سویلەمشدي۔﴾ ددي
٥٦ و مريم اليصاباتدن اوچ اي قالدخدن سونرا گنە ائونە دؤندي۔
٥٧ و وقت گلدي و اليصابات بير اوغلان دوغردي۔ ٥٨ و ربن اونە بويوک مرحمت گورستديني، قونشولري و اقرابەلري دويديلر و اوندن برابر کايفلنديلر۔ ٥٩ و سکيزنجي گوندە اوغلاني سُنت اتميە گلدي و اونن إسمني باباسنن إسمي حسبنە، زکريا قويديلر ٦٠ اما اونن اناسي ﴿يوخ اونن إسمي يحيى اولسن۔﴾ ددي
٦١ اونلر دە اونە ﴿سنن اقرابەلرندە هيچ بله بير إسم يوخدر۔﴾ دديلر
٦٢ و إشارتدن اونن باباسنە ﴿ناي إسم قويجن؟﴾ سوردیلر۔
٦٣ زکريا بير تختە إستەدي و اوندە ﴿اونن إسمي يحيۍدر۔﴾ يازدي و هرکز شاشدي۔
٦٤ و همان زکريانن اغزي و دلي چؤزلدي و اللهە حمد اتدي و قونُشمیە باشلادي۔
٦٥ و قونشولرنن هپسنن اوستنە قورخو دوشدي و بوتون بو شيلر يهوديەنن داغلرندە قونُشلدي ٦٦ و دويانلرن هپسي بو شيلري يورکلرندە ساخلاديلر و ﴿بو اوغلان ناي اولجي؟﴾ دديلر و ﴿ربن الي اوندن برابردي۔﴾
٦٧ و اونن باباسي زکريا روح القدسدن دولو اولدي و نبيلک ويردي و ٦٨ ﴿إسرائيلن اللهي رب مبارک اولسن چونکو گندي ملتني زيارت اتدي و اونلري فدادن قورتاردي۔ ٦٩ و بزە خزمتچي داوُدن ائوندە بير قورتُلش بوينُزو قالدردي۔ ٧٠ و اسکيدن گندي مقدس نبيلرنن اغزندن سویلەديي کمي، ٧١ بزي دوشمانلرمزدن و بوتون بزي کراه ادانلرن الندن قورتارجي۔
٧٢ و بابالرمزە رحمت گورستمک و گندي مقدس انلاشمەسني عقلنە گترمک إيچن بونو ادجي ٧٣ او وعد بابامز إبراهيمە ويرلدي حسبنە ٧٤ بزي دوشمانلرمزن الندن قورتارسن و إییلک اتسن کي قورخوسز اونە تاپاخ ٧٥ قُدس و صالح يولندە حیاتمزن بوتون گونلرندە اونن حضورندە ٧٦ و سن اي اوغلان، يوجە اللهن نبيسي چاغرلجن چونکو اونن يوللرني حاضرلمخ إيچن ربن اوگندە گدجن ٧٧ اونن ملتنە گوناهلرنن عف اولمەسندن قورتُلش يولُنو بلدرمک إيچن ٧٨ اللەمزن یورگي مرحمتدن دولودر و یوخاردن دوغان گونش بزي زیارت ادجي ٧٩ تا قرانلخدە و اؤلومن کولگەسندە اوتورانلره إیشغ ویرسن و اياخلرمزي سلامتن يولنە الاتسن۔﴾ ددي
٨٠ بو اوغلان بويودي و روحدە قواتلانيودي و گندسني إسرائيلە گورستنە قدر، چؤلدە یاشیودي۔