١ قلبڭز مضطرب اولماسون ۔ اللهە ایمان ایدڭز بڭا دخی ایمان ایدڭز۔٢ پدرمڭ خانە سندە چوق مسكنلر واردر اولما سیسی سزە دیر ایدم۔ سزە یر حاضر لا مغە گیدیورم ۔٣ وبن گیدوب سزە یر حاضر لا دیغمدە ینە گلوب سزی كندی یانمە آلورم تاكە بنم اولد یغم سز دخی اولەسڭز٤ وسز نرە یە كیدە جكمی بیلورسڭز و طریقی دخی بیلورسڭز دیدی۔٥ توما اڭا یا رب سنڭ نرە یە گیدەجككی بیلمز و طریقی بیلمكە نصل مقتدر اولورز دیدی ۔٦ عیسی اڭا طریق و حقیقت و حیات بن ایم بن واسطە اولمادقجە پدرە كیمسە گلەمز ۔٧ اگر بنی طانیسییكز پدرمی دخی طانیمش اولور ایدیڭز و بوندن بویلە انی طانورسڭز وانی كوردیكز دیدی۔٨ فیلبس اڭا یا رب پدری بزە گوستر ویزە كفایت ایدر دیدی۔٩ عیسی اڭا دیدیكە ای فیلبس بونجە مدت بن سزڭ ایلە ایم و بنی طانیمادڭ می ۔ بنی گورمش اولان پدری گورمش اولور و سن نصل بزە پدری گوستر دیورسین ۔١٠ اینانماز میسین كە بن پدردە ایم و پدر بندە در ، بن سزە سویلەدیكم سوزلری كندیلكمدن سویلە میورم ۔ اما بندە تمكن ایدن پدر كندیسی عمللری ایشلیور ۔١١ بڭا اینانڭز كە بن پدردە ایم پدر دخی بندە در والایمان اول عمللر ایچون بڭا اینانڭز۔١٢ حقیقۃً حقیقۃً سزە دیر مكە بڭا ایمان ایدن بنم اجرا ایتدیكم عمللری كندیسی دخی اجرا ایدوب انلردن بیوكنی بیلە اجرا ایدە جكدر چونكە بن پدرمە گیدیورم ۔١٣ بنم اسملە هر نە دیلر ایسەڭز انی اجرا ایدرم تاكە پدر اوغلدە تعزیز اولنە ۔١٤ بنم اسمملە الر بر شی دیلر ایسەڭز بن احرام ایدرم ۔١٥ اگر سور ایسەڭز بنم امرلرمی حفظ ایدڭز ۔١٦ وبن پدرن دیلرم او دخی الی الابد سزڭ ایلە تمكن ایتمك اوزرە سزە دیكر بر تسلی ایدیجی ۔١٧ یعنی حقیقت روحنی ویرە جكدر بونی دخی دنیا كورمدیكی و طانیمادیغی اجلدن قبول ایدەمز اما سز انی طانور سكز زیرا یانڭزدە تمكن ایدر و درونكزدە اولەجقدر ۔١٨ سزی یتیم براقمام سزە كلورم١٩ برز مدت صڭرە دنیا بنی آرتق كورمز اما سز بنی گورورسڭز۔ چونكە بن حیاتدە ایم سز دخی حیتدە اولەجقسڭز ۔٢٠ اول گوندە بن پدرمدە و سز بندە بن دخی سزدە اولد یغمی اكلایەجقسڭز ۔٢١ هر كیم كە امرلرم كندندە بولنوب انلری حفظ ایدر ایسە بنی سون اودر و بنی سون پدرم طرفند سویلە جكدر بن دخی انی سوروب كندمی اڭا اظەار ایدە جكم۔٢٢ اسخر یوطی اولمایان یهودا اڭا یا رب نصل اولوركە كندیكی دنیایە اظەار ایتمیوبدە بزە اظەار ایدەجكسین دیدی ۔٢٣ عیسی اڭا جواباً دیدیكە اگر بر كیمسە بنی سور ایسە كلاممی حفظ ایدر پدرم دخی انی سوە جكدر واكا گلوب یا نندە تمكن ایدە جكز۔٢٤ بنی سومیان كلاممی حفظ ایتمز و ایشیدیكڭز كلام بنم دكل آنجق بنی ارسال ایدن پدرڭدر ۔٢٥ یانڭزدە بولنور ایكن بوشیلری سزە سویلدم۔٢٦ لكن تسلی ایدیجی یعنی پدرڭ بنم اسمملە گوندرەجكی روح القدس سزە شیئی تعلیم ایدوب سزە سویلدیكم جملە شیلری اخطار ایدەجكدر ۔٢٧ سزە سلامت براقورم ۔ سزە بنم سلامتمی ویررم ۔ بن سزە دنیا نك ویردیكی كبی ویرمم ۔ قلبڭز خوف و اضطرابدە اولماسون۔٢٨ بن سزە خطاباً گیدرم وسزە كلورم دیدیكم سوزی ایشیتدیڭز۔ اگر بنی سوسیدیكز پدرە گیدیورم [دیدیكم] ایچون مسرور اولور ایدیڭز زیرا پدرم بندن بیوكدر ۔٢٩ وواقع اولدیغی زمان اینانەسڭز دیو وقوع باولمازدن اوّل سزە شمدی سویلدم ۔٣٠ آرتق سزڭ ایلە چوق سویلشمم زیرا بو دینانڭ رئیسی گلیور و بندە انڭ هیچ بر شیئی یوقدر ۔٣١ آنجق پدری سودیكمی و پدرڭ بڭا اما ایتدیكی كبی اجرا ایتدیكیمی دنیا اكلایە ۔ قالقڭز بورادن كیدەلم۔