١ فصح بیرامندن اوّل عیسی بو دنیا دن انتقال ایتمك ایچون كندی ساعتك گلدیگنی بیلمكلە دنیادە اولان كندینككیلری سومش اولە رق انلری نەایتە دك سودی۔٢ واقشام طعامی اولنجە (شیطان حالا سمعون اوغلی اسخر یوطی یەودانك قلبنە انی الە ویرمسنی القا ایتمش اولە رق )٣ عیسی پدرڭ هر شیئی كندی اللرینە تسلیم ایتدیكنی واللەدن گلمش واللهە كیتمك اوزرە اولد یغنی بیلمكلە ۔٤ اقشام طعامندن قالقوب البسە سنی بر طرفە قویە رق بر پیشكیر آلوب قشاندی ۔٥ اندنصڭرە لكنە صو قویوب شاكر دلرك ایاقلرینی ییقامغە و قوشانمش اولدیغی پیشكیر لە سیلمكە باشلادی ۔٦ ایمدی سمعون بطرسە كلدكدە او اڭا یا رب بنم ایا قلرمی سن می ییقایە جقسین دیدی ۔٧ عیسی اڭا جواباً بنم ایتدیكمی سن شمدی بیلمزسین اما صڭرە اكلایەجقسین دیدی ۔٨ بطرس اڭا بنم ایاقلرمی ابداً ییقامایەجقسین دیدی ۔ عیسی اڭا جواباً اگر سنی ییقاماز ایسە م بنم ایلە نصیبك یوقدر دیدی ۔٩ سمعون بطرس اڭا یا رب یالكز ایاقلرمی دك اما اللرمی و باشمی دخی ییقا دیدی۔١٠ عیسی اڭا ییقانمش كیمسە ایاقلر ینك ییقا نمسندن غیرمی بر شیئە محتاج دكلدر چونكە كلیاً پاكدر سز دخی پاكسكز لكن جملەڭز دكل دیدی ۔١١ زیرا كندینی الە كندینی الە ویرە جك كیمسە یی بیلور ایدی انڭ ایچون جملە كز پاك دگلسڭز دیدی ۔١٢ وانلرڭ ایاقلر ینی ییقیوب البسە سنی آلد قدنصڭرە ینە سفرە یە اوروروب انلرە دیدیكە سزە نە ایتدیكمی اوكلایور میسكز ۔١٣ سزە بڭا معلم ورب تسمیە ایدرسڭز وایو دیرسكز زیرا اویلە ایم ۔١٤ ایمدی بن رب ومعلمكز اولدیغم حالدی ایقلركزی ییقادم ایسە بری بریكزك ایاقلرینی ییقامق سزە كركدر ۔١٥ زیرا سزە بر اورنك ویردم كە سز دخی بنم سزە ایلدیكم كبی ایلیە سكز۔١٦ حقیقۃً حقیقۃً سزە دیرمكە قول افندیسندن وارسال اولنان ارسال ایدندن بیوك دكلدر ۔١٧ بونلری بیلد كدنصڭرە اجرا ایلدیككز حالدە نە مباركسڭز ۔١٨ جملە كزك حقندە سویلمیورم بن انتخاب ایتدكلرمی بیلورم لكن بنم ایلە اتمك ییان اوكچەسی اوزرمە قالدردی دیو یازلمش اولان كلام اتمام اولنە ۔١٩ واقع اولمازدن اوّل شمدی سزە سویلرم تا كە واقع اولدیغی زمان بن ایدیكمە اینانەسكز۔٢٠ حقیقۃً حقیقۃً سزە دیر مكە بنم ارسال ایدە جكم كیمسە یی قبول ایدن بنی قبول ایتمش اولور ۔ وبنی ارسال ایدنی قبول ایتمش اولور۔٢١ عیسی بوشیلری سویلد كدە درونندن مضطرب اولوب شهادت ایدە رك حقیقۃً حقیقۃً سزە دیر مكە سزدن بری بنی الە ویرە جكدر دیدی ۔٢٢ بونڭ اوزرینە شاكر دلر كیمك حقندە سویلدیكنە شبە ایدە رك بری برینە باقیورلر ایدی ۔٢٣ و شاكر دلرندن عیسانڭ سودیكی كیمسە عیسانڭ یانندە اوتوریور ایدی ۔٢٤ وحقندە سویلدیكی كیمسە نڭ كیم ایدیكنی سؤال ایتسون دیو سمعون بطرس اڭا اشارت ایندی۔٢٥ او دخی عیسانڭ كوكسنە طیانوب اڭا یارب كیمدر دیدی۔٢٦ عیسی جواباً بن لقمە یی باتروب كیمە ویرر ایسە م اودر دیدی ولقمە یی باتروب سمعون اوغلی اسخر بوطی یەودایە ویردی ۔٢٧ و بو لقمە دنصڭرە شیطان انڭ دروننە گیردی عیسی دخی اڭا یاپە جنكی چابك یاپ دیدی ۔٢٨ اما بونی اڭا نیچون سویلدیكنی سفرە دە اوتورا انلرڭ هیچ بری اكلامادی ۔٢٩ زیرا بعضلری كیسە یەودادە اولدیغی ایچون عیسی اڭا بیرا مدە بزە لازم اولان شیلری صاتین آل یا خود فقرایە بر شی ویر دیور ظن ایتدیلر ،٣٠ اودخی لقمە یی آلدیغی كی طیشاری چیقدی و كیجە ایدی۔٣١ واوچیقد قد نصڭرە عیسی دیدكە شمدی ابن الانسان تعزیز اولنوب اللە دخی اندە تعزیز اولندی ۔٣٢ اگر اللە اندە تعزیز اولندی ایسە اللە دخی انی كندندە تعزیز ایدوب تیز انی تعزیز ایلیە جكدر۔٣٣ ای چوجوقلر دها برآز وقت سزڭ ایلە ایم ۔ بنی ارایەجقسڭز ویەودیلرە بنم كیتدیكم یرز سز كلەمز سكز دیدیكم كبی شمدی سزە دخی سویلرم ۔٣٤ سزە یكی برامر ویررم كە بری بریكزی سودسكز۔ بن سزی سودیكم كبی سزدە بری بریكزی سوەسكز۔٣٥ هر كس بنم شاكردلرم اولد یغكزی بری بریكزە اولان مجتكزدن اكلایە جقدر٣٦ سمعون بطرس اڭا یا رب نرە یە كیدیورسین دیدی ۔ عیسی اڭا جواباً بنم كیدە جكم یرە سن شمدی آردمجە كلەمزسین اما صڭرە آردمجە كلە جكسین دیدی ،٣٧ بطرس اڭا یا رب نیچون شمدی سنڭ آردكجە كلە مم سنڭ ایچون جانمی فدا ایدرم دیدی ۔٣٨ عیسی اڭا جواباً بنم ایچون جانكی می فدا ایدرسین ، حقیقۃً حقیقۃً سڭا دیرمكە بنی سن اوچ كرە انكار ایتمد كجە خروس اوتمیە جكدر دیدی۔