١ وفصح دینلان فطیر بیرامی یاقلاشد قدە٢ باش كاەنلر ایلە علما انی هلاك ایتمك ایچون بر وسیلە ارایورلر ایدی زیرا قومدن قورقارلر ایدی۔٣ واون ایكیلردن صاییلان اسخر یوطی لقیلو یەودانڭ دروننە شیطان كیرمكلە ۔ ٤ او دخی گیدوب باش كاەنلر و باش محافظلر ایلە انلر ۔ نە وجەلە انی تسلیم ایدە جكنە دائر سویلشدی ۔ ٥ انلر دخی سوینە رك اڭا آقچە ویر مكی تعەد ایتدیلر ۔ ٦ او دخی وعد ایدوب انی كندیلرینە خلق تجمع ایتمكسزین تسلیم ایتمكە فرصت ارار ایدی۔٧ وفصح قرباننی ذبح ایتمسی لازم اولان فطیر گونی كلدكدە٨ بطرس ایلە یو حنایی كوندروب كیدكز بزە فصحی حاضر لایكزدە ییە لم دیدی ۔ ٩ انلر دخی اڭا نرە دە استرسین كە حاضر ایدە لم دیدیلر۔١٠ اودخی انلرە اشتەشهرە كیردیككزدە بردستی صوكوتوران برادم سزە راست كلە جكدر اُنڭ كیرە جكی اوە آردی صرە گیروب١١ اول اوك صاحبنە دییكز كە معلم سكا شاكردلرم ایلە برابر فصحی ییە حكم اوطە نرە دە در دیور ۔ ١٢ واو سزە دوشنمش فوقانی براوطە كوسترە جكدر اورادە حاضرلایكز دیدی ۔ ١٣ وانلر دخی واروب كندیلرینە دیدیكی بولمغلە فصحی حاضرلادیلر۔١٤ و وقتی كلد كدە كندیسی اون ایكی رسول ایلە برابر سفرە یە اوتوردی ۔ ١٥ وانلرە بن الم چكمزدن اوّل بو فصحی سزڭ ایلە برابر یمیكی غایتلە آرزولادم ۔ ١٦ زیرا سزە دیرمكە ملكوت اللەدە اتمام اولنجە یە دك آرتق اندن یمییە حكم دیدی ۔ ١٧ وكاسە یی آلوب شكر ایتدكد نصڭرە بونی آلوب ارا كزدە تقسیم ایدڭز ۔ ١٨ زیرا سزە دیرمكە ملكوت اللە كلنجە یە دكین اصمە نك محصو لندن ایچمیە حكم دیدی۔١٩ واتمك آلوب شكر ایتد كدنصڭرە پارە لدی وبو سزڭ ایچون ویریلان بنم جسد مدر بونی بنم ذكرم ایچون ایلیكز دیەرك انلرە ویردی ۔ ٢٠ كذلك اقشام طعامندنصڭرە كاسە یی دخی آلوب بوكاسە سزڭ ایچون دوگلان قانم ایلە اولان عھد جدید در دیدی۔٢١ لكن اشتە بنی الە ویرنك الی بنم ایلە برابر سفرە نك اوزرندە در۔٢٢ و واقعا ابن الانسان تقدیر اولندیغی اوزرە لكن وای الە ویرلمسنە واسطە اولان ادمە دیدی ۔ ٢٣ انلر دخی عجبا كندیلرندن قنغیسی بونی ایدە جكدر دیو بری برینە سؤال ایتمكە باشلادیلر۔٢٤ وانلردن قنغیسی بیوك اعتبار اولنە جغنە دائر ارالرندە مجادلە دخی واقع اولمش ایدی ۔ ٢٥ او دخی انلرە خطاباَ ملتلرك ملكلری انلر اوزرینە تسلط ایدرلر و حكومت اجرا ایدنلرە ولی نعمت دینلور۔٢٦ اما سز بویلە اولمایكز ۔ اراڭزدە بیوك اولان اك كوچوك كبی ورئیس اولان خدمت ایدن كبی اولسون ۔ ٢٧ زیرا قنغیسی بیوكدر سفرەدە اوتوراغمی یوقسە خدمت ایدنمی سفرەدە اوتوران دكلمی۔بن ایسە سزڭ اراڭزدە خدمت ایدن كبی ایم ۔ ٢٨ وسز تجربەلرمدە بنم ایلە برابر تحمل ایدن كیمسەلرسكز ۔ ٢٩ وپدرم بكا ملكوت تعھد ایتدیگی كبی بن دە سزە تعھد ایدرم ۔ ٣٠ تاكە ملكوتمدە سفرە مدن ییوب ایچە سكز وتختلر اوزرندە اوتوروب اسرائیلك اون ایكی سبطنە حكم ایدە سكز دیدی۔٣١ و رب ای سمعون ای سمعون اشتە شیطان سزی بغدای كبی الە مك استدی ٣٢ سبن ایمانڭ زائل اولماسون دیو سنڭ ایچون دعا ایتدم سن رجوع ایتدیككدە قارنداشلر كی ثابت ایلە دیدی۔٣٣ او ایسە اڭا یا رب سنڭ ایلە كرك حبسە كرك اولومە كیتمكە حاضر ایم دیدی۔ ٣٤ او دخی ای بطرس سك دیرمكا سن بنی طانید یغكی اوچ كرە انڭار ایتمد كجە بوكون خروس اوتمیە جكدر دیدی۔٣٥ وانلرە سزی كیسە كز و طغار ضغكز وایاق قابكز اولمایە رق كوندردیكمدە برشیئە احتیاجكز اولدیمی اوزرینە انلر دخی خیر اولمادی دیدیلر۔ ٣٦ ایمدی انلرە لكن شمدی هر كیمك كیسە سی یا خود طغارجغی وار ایسە آلسون و هر كیمك قلیجی یوق ایسە لباسنی صاتوب آلسون ۔ ٣٧ زیرا سزە دیرمكە و مجرملر ارا سندھ عدّ اولندی دیو یازلمش اولان بوكلام دها بندە اتمام اولنمق گركدر چونكە بنم حقمدە اولان شیلرك نەایتی كلمكدە در دیدی ۔ ٣٨ وانلر یارب اشتە بورادە ایكی قلیج وار دیدیلر او دخی انلرە كافیدر دیدی ۔٣٩ و چیقوب عادتی اوزرە زیتون طاغنە واردی شاكردلری دخی اُنڭ آردنجە گیتدیلر ۔ ٤٠ و اول یرە واصل اولد قدە انلرە اغوایە دوشمە مكز ایچون دعا ایدڭز دیدی ۔ ٤١ وانلریدن برطاش آتیمی قدر چكیلدی ودیز چوكوب ۔ ٤٢ ای پدر اكر استرا ایسە ك بو كاسە یی بندن كچور۔ لكن بنم ارادتم دكل آنجق سنككی اولسون دیو دعا ایلدی۔٤٣ واڭا سمادن برملك كورینوب انی قوتلندر ر ایدی٤٤ و عظیم اضطرابدە بولنوب زیادە حرارتلە دعا ایدە رك تری یر اوزرینە دوشن ایری قان طاملەلری كبی ایدی ۔ ٤٥ ودعادن قالقوب شاكردلرینڭ یاننە كلد كدە انلری كدردن اویومش بولدی ۔ ٤٦ و انلرە نیچون اویویورسكز اغوایە دوشمە مكز ایچون قالقوب دعا ایدڭز دیدی۔٤٧ واو دها سویلر ایكن اشتە برغلبە لق واون ایكیلر دن بری اولان یهودا نام كیمسە اوكلر نجە كلە رك عیسایی اوپمك ایچون یاننە گلدی ۔ ٤٨ وعیسی اڭا ای یهودا ابن الانسانی اوپمكلە می الە ویررسین دیدی ۔ ٤٩ و اطرافندە اولانلر نە وقوع بولە جغنی اكلا دقلرندە اڭا یارب قلیجلە اورەلم‌می دیدیلر۔ ٥٠ وانلردن بری كاەن اعظمك بندە ستە اوروب اُنڭ صاغ قولاغنی كسدی ٥١ وعیسی جواب ویروب بو قدر كافیدر قولاغنە طوقونوب اڭا شفا ویردی ۔ ٥٢ وعیسی كندی اوزرینە گلان باش ایلە ەیكلك باش محافظلرینە و اختیارلرە خطاباً حرامی اوزرینە كیدر كبی می قلیجلو و صوپالو چیقدیكز۔٥٣ بن ەركون سزڭ ایلە برابر هیكلدە ایكن بنم اوزرمە ال اوزاتمادیكز اما بو سزڭ ساعتكز و ظلمتك حكومتیندر دیدی۔٥٤ وانی طوتوب كوتوردیلر و كاەن اعظمك خانە سی ایچنە كوتوردیلر۔ بطرس دخی اوزاقدن آردی صرە گیدیور ایدی۔٥٥ وحولینك اورتە سندە آتش یاقوب برلكدە اوتوردقلرندە بطرس دخی ارالرندە اوتوردی ۔ ٥٦ وبرجاریە انی آتشك یا نندە اوتورركورمكلە اڭا دقتلە باقوب بو دخی اُنڭ ایلە برابرایدی دیدی ۔ ٥٧ او ایسە ای قاری بن انی طانیمام دیو انی انڭار ایتدی ۔ ٥٨ وبر آز صڭرە انی دیكر بری گوروب سن دخی انلردن سین دیدیكندە بطرس ای ادم دكلم دیدی ۔ ٥٩ وتقریباً برساعت مرو رندە دیكر بر كیمسە تأكید ایدوب فی الحقیقە بو دخی اُنڭ ایلە برابر ایدی چونكە جلیللودر دیدی ٦٠ اما بطرس ای ادم نە سویلد یككی بیلمم دیدی۔ ودرعقب كندیسی دها سویلر ایكن خروس اوتدی ۔ ٦١ ورب دونوب بطرسە باقدی وبطرس ربك كندیە خروس اوتمزدن اوّل سن بنی اوچ كرە انڭار ایدە جكسین دیدیكی سوزی خاطرینە كتوردی۔ ٦٢ و بطرس طیشاری یە چیقوب آجی آجی اغلادی۔٦٣ وعیسایی بكلیان ادملر انی استەزا ایدە رك دو كرلر ایدی۔٦٤ وباشنی اورتوب یوزینە اورە رق اڭا سؤال ایدوب سكا اوران كیم ایدوكنی پیغمبرلك ایلە دیرلر ایدی ۔ ٦٥ و كفر یدە رك علیەندە دها نیچە شیلر سویلرلر ایدی۔٦٦ وكوندوز اولد قدە ملت اختیارلری ایلە باش كاەنلر وعلما جمع اولدیلر وانی اكندیلرك ملت مجلسنە كوتوروب ۔ ٦٧ مسیح سنمی سین بزە سویلەدیدیلر او دخی انلرە اكر سزە سویلسە م هيچ اینا نمازسكز۔٦٨ واكر سؤال ایتسە م دخی نە جواب ویرر نە دە صالیویررسكز۔٦٩ بوندن بویلە ابن الانسان قدرۃ اللهڭ صاغندە اوتورە جقدر دیدی۔٧٠ و جملەسی اویلە ایسە سن ابن اللە میسین دیدیلر او دخی انلرە دیدیككز كبی ایم دیدی ۔ ٧١ وانلر آرتق بزە شهادت نە لازمدر زیرا كندیمز اُنڭ آغزندن ایشیتدك دیدیلر۔