١ بواثنادە بری برینی باصاردرجە دە اون بیكلرجە خلق جمع اولمغلە شاكردلرینە سوزە باشلایە رق دیدیكە اوّلا كندوكزی فریسیلرمایە سندن یعنی مرائیلكندن صاقنكز ٢ كشف اولنمیە جق مخفی وبیلنمیە جك كیزلو برشی یوقدر ٣ اُنڭ ایچون قراكلقدە ھر دیدیككز آید ینلقدە ایشید یلوب خلوتلردە قولاغە سویلد یككز شی طاملردە ندا اولنە جقدر ٤ لكن ای دوستلرم سزە دیرمكە جسدی اولدروب اُندن صڭرە زیادە برشی یاپمغە مقتدر اولمایان كیمسەلردن قورقما یكز ٥ لكن كیمدن قورقە جغكزی سزە كوسترە یم اولدرد كدن صڭرە جھنمە آتمغە قدرتی اولاندن قورقكز بلی سزە دیرمكە اندن قورقكز ٦ بش سرچە ایكی پولە صاتلمازمی انلردن بری بیلە اللھك عندندە اونودلمش دكلدر ٧ لكن سزڭ باشكزك قیللرینك جملەسی بیلە صاییلودر ایمدی قورقما یكز سز چوق سرچەلردن افضل سكز۔٨ وسزە دیرمكە ھركیم ادملرك حضورندە بنی اقرارایدرسە ابن الانسان دخی انی اللھك ملكلر ینك حضورندە اقرار ایدا جكدر ٩ لكن ادملرك حضورندە بنی انڭار ایدن اللھك ملكلرینك حضورندە انڭار اولنە جقدر ١٠ وھركیم ابن الانسانڭ علیھنە بوسوز سویلرسە اڭاعفو اولنور اما روح القدس علیھنە كفرایدنە عفو اولنماز ١١ وسزی سناغوغلرە ورئیسلر ایلە حكمدارلر حضورینە جلب ایتدكلری وقت نصل یاخود نە جواب ویرە لم یانە سویلیە لم دیواندیشە ایتمیكز ١٢ زیرا روح القدس سزە سویلنمسی واجب اولان شیلری اول ساعت اوكردە جكدر۔١٣ وخلقدن بری اڭا یامعلم قارنداشمە سویلە میراثی بنم ایلە تقسیم ایتسون دیدی ١٤ اودخی اڭا ای ادم اوزریكزە كیم بنی قاضی یاقسام یعیین ایتدی دیدی ١٥ وانلرە باقكزوطمعدن صاقنكززیرا بركیمسە نك عمری اموالنك چوغالمسنە ١٦ برزنكین ادمك تارلاسی چوق محصول ویرمش المغلە ١٧ اوكندی كندینە دوشنوب نە یا پە یم زیرا محصوللرمی طوپلایە جق یرم یوقدر دیدی ١٨ وشویلە یە پە یم انبارلرمی ییقوب دھا بیوكلرینی بنا ایدیم وجملە محصولات ایلە اموالمی اورادە طوپلایوب ١٩ جانمە ای جان چوق سنەلر ایچون طوپلانمش چوق اموالك واردر استراحت ایلە یی ایچ صفا سوردیە یم دیدی۔٢٠ اما اللە اڭا ای عفلسز بوكیجە سندن جانڭی طلب ایدەجكلر وتدراك ایتدیكك شیلر كیمك اولە جق دیدی ٢١ نفسی ایچون خزینە ییغوب اللھك عندندە زنكین اولمایان كیمسە بویلە در۔٢٢ وشاكردلرینە دیدیكە بوسببە مبنی سزە دیرمكە حیاتكز ایچون نە ییە جككزی ووجودكز ایچون نە كییە جككزی اندیشە ایتمیكز٢٣ حیات طعامدن ووجودلباسدن اولیدر٢٤ قوزغونلرە باقكزنە اكرلرونە بیچرلروانلرڭ نە كیلادی ونە انباری وارینە اللە انلری بسلر سزقوشلردن نە قدرافضلسكز ٢٥ وسزدن كیم اندیشە ایتمكلە كندی بوینە برآرشون ضم ایتمكە قادردر ٢٦ ایمدی اكر اك اكوچوك شیئە بیلە قادر دكل ایسەڭز باقی شیلر حقندە نیچون اندیشە ایدرسڭز ٢٧ زنبقلرە باقكز نصل بیورلر نە چالشورلرنە دە ایپلك بوكرلر لكن سزە دیرمكە سلیمان بیلە جملە داراتیلە انلردن بری كبی كینمش دكل ایدی ٢٨ وبوكون موجود اولوب یارین فرونە آتیلان صحرا اوتنی اللە بویلە كیندردیكی حالدە سزی دھا زیادە كیندرمزمی ای ایمانی نقصان اولانلر ٢٩ وسزنە ییە جككزی یاخود نە ایچە جككزی آرامایكز ووسوسە دە اولمایكز ٣٠ زیرا بو شیلرك جملەسنی دنیانڭ امتلری آرار وسزڭ پدر كز بونلرە محتاج اولدیغكزی بیلور ٣١ لكن ملكوت اللھی آرایكز وبونلرك جملەسی دخی سزە احسان اولنە جقدر ٣٢ ای كوچوك سوری قورقمە زیرا سزە ملكوتی ویرمك پدركزك حسن رضا سیدر٣٣ وامولكزی صاتوب صدقە ویركز كندیلرە اسكیمر كیسەلر توكنمز خزینە سماواتدە تدارك ایلیكز اورادە خرسز یاقلاشە ماز وكووە بوزە ماز ٣٤ زیرا خزینە كز نرە دە ایسە قلبكزدە اورادە اولە جقدر ٣٥ بللركز قوشانمش اولە رق چراغكز یانار بولنسون ٣٦ سزدخی افندیلرینك دوكوندن عودتلە گلوب قپو چالدیغندە درحال اڭا قپوآچمق ایچون منتظربولنان ادملرە بكزر اولكز ٣٧ نە مباركدرافندیلری گلدیگی زمان اویانق بولدیغی قوللرحقیقۃً سزە دیرمكە كندیسی قوشانوب انلری سفرە یە اوتوردە جق وكچوب انلرە خدمت ایدە جكدر ٣٨ واكر ایكنجی نوبتدە گلور ایسە یاخود اوچنجی نوبتدە گلوب بویلە بولورایسە اول قوللر نە مباكردر ٣٩ اما معلومكز اولسونكە اكر اوصاحبی خرسزڭ ساعت قاچدە كلە جكنی بیلسیدی اویانق طوروب كندی اوینی دلدرمز ایدی ٤٠ ایمدی سز دخی حاضر اولكز زیرا ظن ایتمدیككز ساعتدە ابن الانسان گلور٤١ وبطرس اڭا یارب بوتمثیلی بزە می یوقسە جملە یە می دخی سویلیورسین دیدی ٤٢ ورب دیدیكە ایمدی افندینك كندی خدمتكارلری اوزرینە تعیینلرینی وقتندە ویرمك ایچون نصب ایدەجكی شول صادق وعاقل كتخدا كیمدر ٤٣ افندیسی گلدیگی زمان بویلە ایتمكدە بولدیغی قول نە مباركدر ٤٤ حقیقۃًسزە دیرمكە جملە اموالی اوزرینە انی نصب ایدە جكدر ٤٥ اما كر اول قول كندی قلبندە افندم كلمسنی كجكدریور دیوبدە خدمتكارلر ایلە جاریەلری دوكمكە وییوب ایچمكە وسرخوش اولمغە باشلارایسە ٤٦ اول قولك افندیسی اُنڭ مأمول ایتمدیكی گوندە وبیلمدیكی ساعتدە كلە رك انی ایكی شق ایدوب بصینبی خائنلرایلە تعیین ایدە جكدر٤٧ وافندیسنك ارادتنی بیلوبدە تدارك كورمیان واردتنە كورە حركت ایتمیان قول چوق دوكلە جكدر ٤٨ اما بیلمیە رك دوكلمكە مستحق حركتدە بولنان آزدوكلە جكدر وھر كیمە چوق ویرلمش ایسە اندن چوق طلب اولنە جق وكیمە چوق امانت ویرلمش ایسە ایسە اندن زیادە طلب اولنور۔٤٩ بن یرە آتش براقمغە گلدم واكر حالا طوتشمش ایسە نە استرم ٥٠ امابنم وافتیز اولنە جق بروافتیزم وار وتمام اولنجە یە دكین نە قدر صیقلورم ٥١ یرە سلامت می ویر مكە گلدم ظن ایدرسڭز سزە دیرمكە خیر الامخالفت ٥٢ زیرابوندنصڭرە برخانە دە اولان بش كشی مخالفت ایدوب اوچی ایكیسی وایكیسی اوچی علیھندە بولنە جقدر ٥٣ پدر اوغل واوغل پدر علیھندە والدە وقیزوقیز والدە علیەندە قاین والدە كینی وكلین قاین والدەسی علیھندە مخالفت اوزرە بولنە جقدر٥٤ وھمدە خلقە دیدیكە غرب طوفندن بولوتك ظھورینی كوردیككزدە یاغموركلیوردیرسكز وبویلە اولور ٥٥ ولدوس اسدیكنی كوردیككزدە صیجاق اولە جق دیرسكز وواقع اولور ٥٦ ای مرائیلر زمین ایلە سمانڭ یووزینی تمییز ایتمكی بیلورسكزدە بووقتی نصل تمییز ایتمزسكز٥٧ ونیچون كندولككزدن دخی حقی تمییز ایتمزسكز٥٨ ایمدی خصمك ایلە حاكمە كیتدیكك زمان یولدە اندن قورتلمغە جھد ایلە اولمیە كە سنی قاضی یە سوروكلیوب قاضی سنی مأمورە تسلیم ایدە مأموردخی سنی زندانە القا ایدە ٥٩ سكا دیرمكە صوك پولی ادا ایتمدكجە اورادن چیقمایە جقسین