١ وبوشیلردنصڭرە رب دیكر یتمش كیمسە دخی تعیین ایدوب وارە جغی ھرشھرە ومحلە انلری كندی اوڭنجە ایكیشرایكیشر كوندردی ٢ وانلرە دییكە فی الحیقیقە حصاد چوق اما ایشجیلر آزدر۔ایمدی حصاد صاحبنە كندی حصادینە ایشجیلركوندرمسی ایچون نیاز ایدكر ٣ كیدیكز اشتە بن سزی قوزیلركبی قوردلراراسنە كوندریورم ٤ كیسە یاطغارجق یاخود ایاق قابلری طاشیمایكز ویولدە بركیمسە یە سلام ویرمیكز ٥ وھ قنغی خانە یە كیررایسەڭز اوّلا بوخانە یە سلام اولسون دییكز ٦ واكر اورادە سلامە مستحق كیمسە وارایسە سلامكز اُنڭ اوزرندە قالە جقدریوق ایسە سزە كیرو دونە جكدر ٧ واول خانە دە قالوب بولنان شیلرندن ییوب ایچكززیراایشجی كندی اجرتنە مستحقدرخانەدن خانە یە نقل ایتمیكز٨ وھر قنغی شھرە كیررایسەڭز انلردخی سزی قبول ایتدكلری حالدە اوككزە قونیلان شیلری ییكز ٩ وایچندە بولنان خستەلرە شفا ویروب انلرە ملكوت اللە سزە یاقلاشمشدردییكز ١٠ وھرقنغی شھرە كیررایسەڭز سزی قبول ایتمكلری حالدە جادّەلرینە چیقوب ١١ سزڭ شھركزدن بزە یاپشان توزی بیلە سزە سیلكرزلكن بونی نیلكزكە ملكوت اللە سزە یاقلاششمدر دییكز١٢ سزە دیرمكە اول گوندە سدومك حالی اول شھرك حانندن اھون اولە جقدر١٣ وای سكا ای قورازین وای سكا ای بیت صیدا زیراكر سزدە اظھاراولنان معجزەلرصوروصیدادە اظھاراولنمش اولسە ایدی چوقدن چول وكولدە اوتروب تونە ایدرلرایدی ١٤ لكن روز جزادە صور وصیدانڭ حالی سزڭ حالكزدن اھون اولە جقدر ١٥ وس تاكوكە دك یوكسلمش اولان كفرناحوم جھنمە قدر ایندریلە جكسین ١٦ سزی دیكلە یان بنی دیكلە مش اولوروسزی ردایدن بنی ردایتمش اولوروبنی ردایدن بنی ارسال ایدنی ردایتمش اولور١٧ واول یتمشلرمسرتلە عودت ایدوب یارب جنلربیلە سنڭ اسمڭلە بزە اطاعت ایدیوردیدیلر١٨ اودخی انلرە شیطانڭ سمادن یلدرم كبی دوشدیكنی كوردم ١٩ اشتە سزە ییلانلرایلە عقربلراوزرینە ودشمنك بتون قوتی اوزرینە باصمغە قدرت ویررم وسزە ضررویرمیە جكدر ٢٠ اما بوكایعنی جنلرك سزە اطاعت ایتدكلرینە سویمیكز لكن اسملركزك سماواتدە قید اولندیعنە سوینكز دیدی۔٢١ اول ساعت عیسی روحندە مسروراولوب ای سماوزمینك ربی پدر سكا شكرایدرمكە بوشیلری عالملرایلە عارفلردن خفی طوتوب انلری معصوملرە اظھارایلدك بلی ای پدرزیرا عندكدە بویلە خوش كورندی ٢٢ پدرمدن ھر شی بكا تسلیم اولندی واوغلك كیم ایدیكنی پدردن غیری كیمسە بیلمز وپدرك كیم ایدیكنی اوغلندن واوغلك انی اظھارایتمسنی مرادایتدیكی كیمسە دن غیریسی بیلمز دیدی٢٣ وشاكردلرە دونوب نە مباركدر گوردیگڭز شیلری كورن كوزلرە٢٤ زیرا سزە دیرمكە چوق پیغمبرلرایلە ملكلركوردیككز شیلری كورمك استدیلر لكن كورمدیلر وایشیتدیككز شیلری ایشیتمك استدیلر لكن ایشیتمدیلردیوتنھاجە سویلدی۔٢٥ واشتە ارباب شریعتدن بری قالقوب انی تجربە ایتمك اوزرە یامعلم ابدی حیاتە وارث اولمق ایچون نە یاپە یم دیدی ٢٦ اودخی اڭا شریعتدە نە یازلمشدر نصل اوقوسین دیدی ٢٧ اودخی جواب ویروب اللھك اولان ربی بتون قلبكدن وبتون جانڭدن وبتون قوتكدن وبتون عقلكدن قوكشوكی دخی كندوك كبی سوە سین دیدی ٢٨ اودخی اڭاطوغری جواب ویردك بونی اجرا ایلە ویشایە جقسین دیدی ٢٩ اوایسە اكندینی تبریر ایتمك استمكلە عیسایە یاقوكشوم كیمدردیدی ٣٠ وعیسی جواباًدیدیكە برادم اورشلیمدن اریحایە اینرایكن حرامیلر النە دوشدی وانلرانی صویوب یارە لاقدنصڭرە یاری اولمش براغوب گیتدیلر ٣١ وراست كلە اول یولدن بركاھن اینریكن انی كوردكدە اولبرطرفدن كچوب كیتدی۔٣٢ كذلك اول محلە برلاویلو دخی كلمكلە واروب انی كورجنە اولبر طرفدن كچوب كیتدی ٣٣ لكن برسامریە لویولە كیدرایكن بولندیغی یرە كولب انی كوردكدە آجیدی ٣٤ ویاننە گلوب یارەلرینە زیت یاغی ایلە شراب دوكە رك انلری صاردی وانی كندی حیواننە بندرە رك برخانە كوتوروب اڭا مقید اولدی ٣٥ وایرتسی گون یولە كیتمك اوزرە ایكن ایكی دینارچیقاروب خانجی یە ویرە رك بوكامقیداول وزیادە ھرنە خرج ایدرایسە ك بن تكرار كلدیكمدە سكا ادا ایدم دیدی۔٣٦ ایمدی سكا بو اوچدن قنغیسی حرامیلرك النە دوشانڭ قوكشوسی اولمش كورینور ٣٧ اودخی اڭا مرحمت ایدن دیدی عیسی دخی اڭا كیت سن دە بویلە یاپ دیدی۔٣٨ وانلر یولدە كیدرایكن كندیسی بركویە گیروب مرتانام برخاتون انی خانە سنە قبول ایتدی ٣٩ وبونك مریم اسمندە برھمشیرە سی اولوب مرقومە ربك ایاقلری یانندە اوتورب كلامنی بدیكلە یور ایدی ٤٠ مرتاایسە چوق خدمتدن طولایی تلاشدە بولنمغلە یاننە گلوب افندی ھمشیرە م بنی یالكز خدمت ایتمكە براقدیغنی وظیفە ایدنمز میسین ایمدیاڭا سویلە یاردم ایتسون دیدی ٤١ وعیسی اڭا جواباًای مرتاای مرتاچوق شیلر ایچون اندیشە ایدوب بیحضوراولورسین ٤٢ لكن لازم اولان شی بردرومریم كندیندن ٓلنمایە جق اول ایوحصە یی انتخاب ایتمشدردیدی۔