١ وبوندنصڭرە عیسی شھردن شھرە وكویدن كویە كچوب ملكوت اللھی وعظ وتبشیرایدر ایدی ٢ واون ایكیلر ایلە شریرروحلرومرضلردن شفابولمش بعض قاریلریعنی كندندن یدی جن چیقمش اولان مجدلی دینیلان مریم ٣ وھیرودسك كتخداسی خوزینك زوجە سی یواناوسوسانە وسائر نیچە قریلر اُنڭ ایلە برابربولنوب اك امرقومەلر كندی ماللریلە خدمت دخی ایدرلر ایدی ٤ ونیچە شھرلردن وافرخلق جمع اولوب اُنڭ یاننە كلدكلرندە تمثیل ایلە دیدیكە ٥ براكینجی كندی اكیننی اكمكە چیقدی واكر ایكن بعضیسی یول كنارینە دوشدی وچیكننمكلە ھواقوشلری انی یدیلر٦ وبعضیسی قیا اوزرینە دوشوب رطوبتی اولمادیغندن بتدیكی كبی قورودی ٧ وبعضیسی دیكنلر اراسنە دوشمكلە دیكنلر برابربتوب انی بوغدیلر٨ وبیضیسی ایوطوپراق اوزرینە دوشمكلە بتوب یوز قات محصول ویردی بونلری سویلرایكن ایشیدرقولاقلری اولان ایشیتسون دیونداایتدی۔٩ وشاكردلری عجبابوتمثیل نە دیمكدر دیواندن سؤال ایتدیلر١٠ اودخی دیدیكە ملكوت اللھك سرّلرنیە واقف اولمق سزە ویرلمشدراما غیریلرە تمثیللرلە سویلنیلورتاكە باقارایكن كورمیەلر وایشیدرایكن اكلامیەلر۔١١ تمثیل بودرتخم اللھك كلامیدر١٢ كنارندە اولانلراول كیمسەلردركە ایشیتدكدنصڭرە ایمان ایدە رك خلاص اولماسونلردیو١٣ شیطان گلوب انلرڭ قلبلرندن كلامی قالدرروقیااوزرندە اولانلراول كیمسەلردركە ایشیتدكلرندە كلامی مسرتلە قبول ایدرلر ایسە دە كندیلرندە كوك اولمادیغندن برمدت ایمان ایدوب تجربە وقتندە كیرو چكیلورلر١٤ ردیكنلراراسنە دوشنلراول كیمسەلردكە ایشیتدكدن صڭرە كیتدكجە اندیشەلر ایلە زنكینلك وعمرك ذوق وصفالرینە بوغیلە رق محصول یتشدرمزلر ١٥ وایویردە اولانلر اول كیمسەلردركە كلامی ایووصافی قلبلە دیكلە یوب حفظ ایدە رك صبرلە محصول ویررلر١٦ وبركیمسە چراغی یاقدقدنصڭرە انی برقابلە اورتمز یاخودیاتاق آلتنە قوماز اما ایچروكلنلرایشغی كورسونلردیوشمعدان اوزرینە قور ١٧ زیرا آشكاراولمیە جق كیزلو برشی یوقدروبیلنوب میدانە كلمیە جك مخفی برشی یوقدر١٨ ایمدی نە وجھلە دیكلە دیككزە دقت ایدڭز زیرا كیمك وارایسە اڭاویریلە جكدروكیمك یوق ایسە اول وارظن اولنان دخی كندندن آلنە جقدر۔١٩ ووالدە سی ایلە برادلری گلوب غلنە لق سببیلە یاننە وارە مدیلر۔٢٠ واڭا والدە ك ایلە برادرلرك سنی كورمك استمكلە طیشاریدە طوریورلردیەرك خبرویرلدی ٢١ اودخی انلرە جواباًوالدە م وبرادرلرم اللھك كلامنی دیكلە یوب اجرا ایدنلردردیدی،٢٢ وكونلرك برندە كندیسی شاكردلری ایلە برابربرقایغە بنوب انلرە كولك قارشوطوفنە كچە لم دیدكدە آچیلدیلر٢٣ وكیدرلر ایكن كندیسی اویقویە واردی وكول اوزرینە بربورە اینمكلە قایق طولمقدە وكندیلری تەلكە دە ایدیلر٢٤ ویاننە گلوب انی اویاندرە رق یامعلم یامعلم ھلاك اولیورز دیدیلر اودخی قالقوب روزكاری وصویك طالغەلرینی آزارلادقدە ساكن اولملریلە لیمانلق اولدی ٢٥ وانلرە ایمانڭز نرە دە دردیدی انلردخی قورقوب تعجّب ایدە رك بری برینە عجبابوكیمدركە روزكارلرە وصویە دخی امرایتمسیلە اڭا اطاعت ایدرلردیریلر۔٢٦ وقایقلە جلیلك قارشوسندە واقع جراسنیلرك دیارینە واردیلر٢٧ وساحلە چیقدقدە اول شھردن خیلی زماندنبرودرونندە جنلر بولنمغلە اثواب كیمیوب اودە دكل انجق قبرلردە اوتوران برادم اڭا راست گلدی ٢٨ وعیسایی كوردكدە فریادایدە رك اوكنە دوشدی ویوكسك سسلە یاعیسی ابن اللە المتعال بنم ایلە سنڭ سنە ایشك وار سكا یالواررم كە بكا عذاب ایتمیە سین دیدی ٢٩ زیرا ناپاك روحە اول ادمدن چیقمسنی امرایتمش ایدی چونكە انی خیلی وقتدبنروضبط ایتمش اولمغلە اول ادم زنجیرلروبوقاغیلرلە باغلواولە رق محفوظ اولورایدی ایسە دە باغلری قیروب جن طرفندن چوللرە سوق اولنور ایدی ٣٠ وعیسی اڭاسنك اسمك نە دردیو سؤال ایتدكدە آلایدر دیدی زیرادروننە چوق جنلركیرمش ایدی ٣١ وكندیلرە ھاویە یە كیتمكی امرایتمە مسنی اندن رجا ایدرلرایدی ٣٢ واورادە طاغدە اوتلانوربیوك برطوكز سوریسی بولنمغلە انلرڭ ایچنە كیرملرینە اذن ویرمسنی اندن رجا ایتملری اوزرینە اذن ویردی ٣٣ وجنلراول ادمدن چیقوب طوكزلرە كیرمكلە اول سوری اوچرومدن اشاغی كندیلرینی كولە آتوب بوغلدی ٣٤ وانلری اوتلادانلربوواقعە یی كوردكدە قاچوب شھردە وچفتلكلردە خبرویردیلر ٣٥ اھالی دخی واقعە یی كورمكە چیقوب عیسانڭ یاننە كلە رك درونندن جنلرچیقمش اولان ادمی كینمش وعقللانمش اولە رق عیسانڭ ایاقلری یانندە اوتورربولمغلە قورقدیلر۔٣٦ وواقعە یی مشاھدە ایتمش اولانلردخی مجنونك نصل خلاص بولدیغنی انلرە نقل ایتدیلر٣٧ وجراسنیلرك جواربولنان محللرینك جملە اھالیسی زیادە سیلە قورقمش اولملریلە یانلرندن كیتمسنی اندن رجا ایتدیلر اودخی قایغە گیروب عودت ایلدی ٣٨ ودرونندن جنلر چیقمش اولان ادم برابر بولمقلغنی اندن رجاایلدی ایسە دە عیسی انی صالیویروب ٣٩ اوكە دون واللھك سكا ایتدیگی شیلری نقل ایلە دیدی اودخی گیدوب بتون شھردە عیسانڭ كندینە ایتدیكنی اعلان ایدرایدی۔٤٠ وعیسی عودت ایتدكدە خلق انی قبول ایتدی زیرا جملەسی اڭا منتظرایدی ٤١ واشتە سناغوغ رئیسی اولان یائروس اسمندە برادم گلوب عیسنك ایاقلرینە قپانە رق خانە سنە كلمسنی رجا ایلدی۔٤٢ زیرا تقریباًاون ایكی یاشندە بریجك برقزی اولوب مرقومە اولمك اوزرە ایدی اودخی كیدر ایكن خلق انی تضییق ایدیور ایدی٤٣ واون ایكی سنە دنبرونزف دمە مبتلا الو رق بتون مالنی حكیملرە صرف ایتمش ایسە دە ھیچ برندن شفا بولە مامش برقاری٤٤ آرقە دن یاقلاشوب لباسنك اتكنە طوقوندی ودرحال نزف دمی كسلدی ٤٥ وعیسی بكاطوقونان كیمدر دیدیكندە جملەسی انڭار ایتمكلە بطرس وانڭ ایلە برابراولانلر یامعلم غلبە لق سنی باصوب تضییق ایدر[ایكن بكا طوقونان كیمدردیورمیسین]دیدیلر ٤٦ اما عیسی بكا بركمیسە طوقوندی زیرا بندن قوت صادراولدیغنی اكلادم دیدی۔٤٧ ایمدی قاری كیزلنە مدیكنی كوردكدە دترە یە رك گلدی وحضورینە دوشوب بتون خلقك اوكندە اڭا نە سببدن طوقوندیغنی ونصل آنیدە شفابولدیغنی نقل ایتدی ٤٨ اودخی مرقومە یە جسارتلن قزم ایمانڭ سنی خلاص ایلدی سلامتلە كیت دیدی۔٤٩ اودھا سویلر ایكن سناغوغ رئیسنك خانە سندن برادم گلوب اڭا قزك وفات ایتدی معلمە زحمت ویرمە دیدی۔٥٠ وعیسی بونی ایشیتدكدە اڭا جواباًقورقمە آنجق ایمان ایلە اوخلاص بولوردیدی۔٥١ وخانە یە كیردكدە بطرس ایلە یعقوب ویوحنا دن وقزك پدری ایلە والدە سندن ماعدا كیمسە یی ایچری كیرمكە براقمادی ٥٢ وجملەسی قیزایچون آغلایوب دوكونمكدە ایكن آغلامایكز وفات ایتمدی آنجق اویویوردیدی ٥٣ وانلر وفات ایتمش اولدیغنی بیلمكلە انی استھزا ایتدیلر ٥٤ لكن جملەسنی طییشاری یە چیقاروب مرقومە نك النی طوتە رق ای قیز قالق دیوچاغردی ٥٥ وانڭ روحی رجوع ایتمكلە آنیدە ایاغە قالقدی وعیسی اڭا یمك ویرلمسنی امرایتدی۔٥٦ ومرقومە نك والدینی حیران اولدیلر اودخی بوواقعە كیمسە یە سویلمیە سكز دیو انلرە تنبیە ایتدی۔