١١
١ واورشلیمە یاقلاشە رق زیتون طاغنك قربندە واقع بیت فاجی ایلە بیت عنیایە یاقین كلدكلرندە شاكردلرندن ایكیسنی كوندروب ٢ انلرە خطاباًقارشیكزدە كی كویە كیدكزوایچنە كیردیككز كبی اوزرینە ھیچ بر كیمسە بنمە مش باغلوبرصپا بولورسكز انی چوزوب گتورڭز۔٣ واكربركیمسە سزە بوایتدیككز نە دردیرسە افندی یە لازمدر دییكز اودخی انی ھمان بورایە كوندرە جكدر دیدی ٤ انلر دخی گیدوب صپایی طیشاریدە قپونك یانندە یول اوزرندە باغلوبولوب چوزدیلر ٥ واورادە طورانلرڭ بعضیسی انلرە صپایی چوزمكلە نە یاپیورسكز دیدیلر ٦ انلردخی عیسانڭ امر ایتدیگی كبی انلرە سویلملریلە انلری براقدیلر ٧ وصپایی عیسایە كتوروب اُنڭ اوزرینە البسەلرینی قودقلرندە اُنڭ اوزرینە بندی ٨ چوق كیمسەلردخی البسەلرینی یولە سردیلر وبعضلری اغاجلردن داللركسوب یولە دوشە یە رك ٩ اوكدن كیدنلروآرددن گلانلر اوصنا ربك اسمیلە گلان مبارك اولسون١٠ [ربك اسمیلە]گلان پدرمزداودك ملكوتی مبارك اولسون یوجەلردە اوصنا دیەرك ندا ایدرلر ایدی ١١ وعیسی اورشلیمە گلوب ھیكلە گیردی واطرافندە ھر شیئە نظرقیلوب آرتق وقت كج اولمغلە اون ایكیلر ایلە برابر بیت عنیایە چیقدی۔١٢ وایرتسی گون بیت عنیادن چیقدقلرندە آجقدی١٣ واوزاقدن اوزرندە یاپراغی بولنان برانجیر اغاجی گورمكلە اندە برشی بولورمی ایم دیوانڭ یاننە كیتد كەد یاپراقلردن بشقە برشی بولمادی زیرا انجیر وقتی دكل ایدی ١٤ و[عیسی]اڭا خطاباًبوندن بویلە ابداًبركیمسە سندن میوە شلیمە ییمسون دیدی شاكردلری دخی بونی ایشیتدیلر۔١٥ واورشلیمە كلدكلرندە عیسی ھیكلە گیروب ھیكلە اخذ واعظاایدنلری چیقارمغە باشلادی وصرافلرك پیشتختەلرینی وكوركرحین صاتانلرڭ اسكملەلرینی آلت اوست ایتدی ١٦ وبركیمسە نك ھیكلدن برقاب كچورمسنی براقماز ایدی ١٧ وتعلیم ایدە رك انلرە خانە م جملە ملتلرایچون عبادتخانە تسمیە اولنە جقدر دیو یازلمس دكلمی فقط سز انی حرامیلرمغارە سی ایتدیكز دیدی ١٨ وعلماایلە باش كاھنلربونی ایشیتملریلە انی ھلاك ایتمكە فرصت آرادلرایدی چونكە اندن قورقارلرایدی بتون جماعت اُنڭ تعلیمنە حیران اولمش ایدی۔١٩ واقشام اولدقدە شھردن طیشاری چیقدی۔٢٠ وصباحلین انجیراغاجنك یانندن كچرایكن انی كوكندن قورومش كوردیلر٢١ وبطرس تذكرایدە رك اڭا ای معلم باق لعنت ایتدیكك انجیر اغاجی قورومشدردیدی ٢٢ عیسی دخی انلرە جواباً دیدیكە اللھە ایمانڭز اولسون ٢٣ زیراحقیقۃً سزە دیرمكە ھر كیم بو طاغە خطاباًقالق كندوكی دڭزە آت دیوبدە قلبندە شبھە ایتمیە رك آنجق دیدكی شیلرك واقع اولە جغنە ایمان ایدرسە دیدیكی ھرنە ایسە اڭا واقع اولە جقدر ٢٤ اُنڭ ایچون سزە دیرمكە دعا ایلە دیلە دیككز ھرشیئی آلە جغكزە اعتقادایدكزوسزە اولە جقدر ٢٥ ودعایە طوردیغكزدە اكر بركیمسە علیھندە برشیئكزوارایسە عفوایدكز تاكە سماواتدە اولان پدركز دخی سزڭ صوچلركزی سزە عفوایدە۔٢٦ اما اكر سزعفوایتمز ایسەڭز سماواتدە اولان پدركز دخی سزڭ صوچلركزی عفوایتمیە جكدردیدی۔٢٧ وینە اورشلیمە كلدكلرندە كندیسی ھیكلدە كزر ایكن باش كاھنلر ایلە علماواختیارلرانڭ یاننە گلوب ٢٨ اڭا بونلری نە صلاحیتلە اجراایدویورسین وبونلری صلاحیتنی سكا كیم ویردی دیدلر۔٢٩ عیسی دخی انلرە جواباًبن دخی سزە برشی سؤال ایدە یم بكاجوابنی ویردیككز حالدە بن دخی بوشیلری نە صلاحیتلە اجرا ایتدیكمی سزە سویلرم ٣٠ یحیانڭ وافتیزی سمادنمی یوقسە انساندنمی ایدی بكا جواب ویركز دیدی ٣١ انلر دخی كندی كندیلرینە تفكر ایدە رك دیدیلر كە اكر سمادن دیسە ك یانیچون اڭا اینا نمادیكز دیە جك٣٢ واكرانساندن دیسە ك ۔۔۔قومدن قورقارلرایدی زیرا جملەسی یحیانڭ فی الحقیقە پیغمبراولدیغی اعتقادندە ایدیلر٣٣ اولوقت عیسایە جواباًبیلمیز دیدیلر۔عیسی دخی انلرە جواباًبن دخی بوشیلری نە صلاحیتلە اجراایتدیكمی سزە سویلمم دیدی۔