١ اول كونلردە پك چوق جماعت بولنوب ییە جكلری اولمدیغندن٢ [عیسی]شاكردلرینی یاننە چاغروب انلرە دیدیكە بوجماعتە آجیرم چونكە شمدی اوش كوندر یانمدە بولنیورلروییە جكلری یوقدر۔٣ واكر انلری اولرینە آج صالیوریرر ایسە م یولدە طاقتلری كیسلور زیرا بعضلری اوزاقدن گلدیلر ٤ وشاكردلری اڭا جواباًبونلری بورادە چولدە بركیمسە اتمكلە نصل طویورە بیلور دیدیلر ٥ وانلرە قاچ اتمككز واردیوسؤال ایتدیكندە انلر یدی دانە دیدیلر۔٦ وجماعتك یراوزرندە اوتورمسنی امر ایتدی واول یدی اتمكی آلوب تشكر ایتدی وپارەلیوب اوكلرینە قومق اوزرە شاكردلرینە ویردی انلر دخی جماعتك اوكنە قودیلر ٧ وبرقاچ كوچوك بالقلری اولمغلە بركت دعاسی اوقویوب بونلریدە اوكلرینە قویكز دیدی ٨ وییوب طویدیلر وپارچەلرك فضلە سندن یدی زنبیل قالدردیلر ٩ ییانلردخی درت بیك قدر ایدی وانلری صالیوریردی ١٠ ودرعقب شاكردلری ایلە قایغە بنوب دلمانوثە طرفنە كیتدی۔١١ وفریسیلر چیقوب انی تجربە ایچون كندیسندن سمادن بر علامت طلب ایدە رك اُنڭ ایلە مباحثە ایتمكە باشلادیلر ١٢ ودرونندن آە چكوب بونسل نیچون علامت طلب ایدر حقیقیۃً سزە دیرمكە بونسلە علامت ویرلمیە جكدر دیدی ١٣ وانلری براغوب ینە قایغە كیر مكلە قارشو طرفە كچدی١٤ واتمك آلمە سنی اوتمشلر ایدی قایقدە دخی یانلرندە براتمكدن بشقە یوغیدی۔١٥ وانلرە باقكز فریسیلرك مایە سندن وھیرودسك مایە سندن صاقنكز دیوتنبیە ایلدی۔١٦ وبری بری ایلە سویلشوب اتمكمز اولمدیغی ایچوندردیدیلر ١٧ وعیسی بونی بیلمكلە انلرە دیدیكە نیچون اتمككزاولمدیغی ایچون سویلشورسكز دھا فھم ایتمزمیسكز وادراك ایتمزمیسكز قلبكز دھاقاتی میدر ١٨ كورنلركز وارایكن كورمز میسكز وقولاقلركز وارایكن ایشیتمز میسكزخاطركزە دخی كتورمز میسكز ١٩ اول بش بیك ادمە بش اتمكی پارە لیوب توزیع ایلدیكمدە قاچ كوفە طولوسی آرتان پارچە پالدردیكز اڭا اون ایكی دیدیلر٢٠ واول درت بیك كشی یە یدی اتمكی توزیع ایلدیكمدە قاچ تنبیل طولوسی پارچە قالدردیكز انلرە یدی دیدیلر ٢١ وانلرە نیچون ادراك ایتمزسكز دیدی٢٢ وبیت صیدایە گلدیلر ویاننە بركور ادم كتوروب اڭا طوقونمسنی رجا ایتدیلر ٢٣ اودخی كوری الندن طوتوب كویدن طیشاری چیقاردی وكوزلرینە توكوروب اللرینی اُنڭ اوزرینە قومغلە اڭا برشی كوریورمیسین دوسؤال ایتدی ٢٤ اودخی قالوب اغاجلرە بكزر ادملری یوروركویورم دیدی ٢٥ اوزمان اللرینی تكرار اُنڭ كوزلری اوزرینە قویوب باقدردی اودخی افاقت بولوب ھر شیئی آشكارە گوردی ٢٦ وكویە گیروب كویدە كیمسە یە سویلمیە سین دیەرك انی خانە سنە كوندردی۔٢٧ وعیسی شاكردلری ایلە قیصریە فیلبس كویلرینە گیدوب یولدە شاكردلرینە ادملرك دیدكلرینە كورە بن كیم ایم دیو سؤال ایتدی۔٢٨ انلر دخی وافتیز ایدیجی یحیی وبعضلری ایلیا وبعضلری دخی پیغمبرلردن بری سین دیورلردیو جواب سیردیلر ٢٩ وانلرە یاسزڭ دیدیككز كورە بن كیم ایم دیدی بطرس دخی اڭا جواباًسن مسیح سین دیدی ٣٠ وانلرە حقمدە كیمسە یە برشی سویلمیكز دیو اكیداًتنبیە ایلدی٣١ وابن الانسان چوق الم چكوب اختیارلرایلە باش كاھنلروعلما طرفندن رد اولنوب قتل اولنمق واوچ كوندنصڭرە قیام ایتمك كرك ایدوكنی انلرە تعلیم ایتمكە باشلادی ٣٢ وبوسوزی آشكارە سویلدی وبطرس انی برطرفە آلوب تعزیرایتمكە باشلادی ٣٣ اودخی دونوب شاكردلرینە باقدقدە بطرسی تعزیری ایدە رك آردمە چكیل ای شیطان زیرا اللھە عائد اولان شیلرە دكل انجق ادملرە عائد اولان شیلرە صرف افكار ایدرسین دیدی۔٣٤ وجماعتی شاكردلری ایلە برابریاننە چاغروب انلرە دیدیكە ھركیم آردمجە گلمك استرسە ترك نفس ایدە رك خاچنی یوكلنوب آردم صرە كلسون ٣٥ زیرا ھركیم جاننی قورتارمق استرسە انی ضایع ایدە جك وھر كیم جاننی بنم ایچون وبشارت ایچون ضایع ایدرسە انی قورتارە جقدر ٣٦ زیرا برادم بتون دنیایی قزانوبدە كندی جاننی ضایع ایدرسە نە استفادە ایدر٣٧ یاخودادم كندی جاننە بدل نە ویرە بیلور ٣٨ زیراھركیم بوزناڭاروكناھكارنسل ایچندە بندن وسوزلرمدنطولایی اوتانورسە ابن الانسان دخی مقدّس ملكلری ایلە كندی پدرینك جلالندە گلدیگی زمان اندن طولایی اوتانە جقدر۔٣٩ وانلرە حقیقیۃًسزە دیرمكە بورادە حاضراولنلردن بعضیسی واردركە ملكوت اللھك قدرتلە كلدیكنی كورمدكجە اولواصلاطاتمیە جقدردیدی۔