١ واون ایكی شاكردینی یاننە چاغروب ناپاك روحلر اوزرینە انلری چیقارمغە وھرمرضی وھرخستە لكی دفع ایتمكە انلرە قدرت ویردی۔٢ واون ایكی رسولك اسملری بونلردریعنی برنجیسی بطرس تسمیە اولنان سمعون ایلە قرنداشی اندراوس۔٣ زبدی اوغلی یعقوب ایلە قرنداشی یوحنا فیلبس وبرتولماوس توما وكمركجی متی حلفی اوغلی یعقوب وتداوس لقلبو لباؤس٤ قانوی سمعون وانی الە ویرن اسخریوطی یهودا۔٥ عیسی بواون ایكیلری كوندروبانلرە تنبیە ایدە رك دیدیكە طائفە یولنە كیتمیكز وسامریە لولرك برشھرینە كیرمیكز۔٦ بوندن ایسە بیت اسرائیلك ضایع اولمش قویونلرینە واركز۔٧ وواردیغكزدە ملكوت السماوات یاقلاشمشدر دیەرك وعظ ایدڭز۔٨ خستەلرە شفاویركز۔ جذاملولری تطھیرایدكز[اولولری دیرلدكز]جنلری چیقاركز۔مجاناً آلد یكز مجاناًسیركز۔٩ كمرلركزدە نە آلتون ونە كومش ونە باقر۔١٠ ویول ایچون نە طغارجق ونە ایكی انتاری ونە ایاق قابلری ونە عصا تدارك ایدكززیراایشجی كندی طعامنە لایقدر۔١١ وقنغی شھرە ویاكویە كیررسە كز اندە كیم لایق اولدیغنی سؤال ایدوب چیقجیە دكین اورادە قالڭز۔١٢ وخانە یە كیردیككزدە اڭا سلام ویركز۔١٣ واكراول خانە لایق ایسە سلامكز اُنڭ اوزرینە كلسون واكرلایق دكل ایسە سلامكزسزە كیرو دونسون۔١٤ وسزی ھركیم قبول ایتمیوب سوزلركزی دیكلە كزسە اول خانە دن یاخود اول شھردن چیقدیغكزدە ایاقكركزك توزینی سلككز۔١٥ حقیقۃًسزە دیرمكە روز جزادە سدوم وغمورە دیارینك حالی اول شھرك حالندن اھون اولور۔١٦ اشتە بن سزی قویونلر گبی قوردلر اراسنە كوندررم ایمدی ییلانلر گبی عاقل وكوكر جینلر گبی سادە دل اولكز۔١٧ لكن ادملردن صاقنڭز زیرا سزی ملت مجلسلرینە تسلیم ایدوب سناغوغلرندە دوكە جكلر۔١٨ ھمدخی بنم ایچون انلرە وطائفەلرە شھادت اولمق اوزرە حاكملر وملكلرحضورینە جلب اولنە جقسڭز۔١٩ ایمدی سزی تسلیم ایتدكلری زمان نصل ونە سویلیەلم دیو اندیشە ایتمیڭز چونكە نە سویلیە جككز سزە اول ساعتدە ویریلە جكدر۔٢٠ زیرا سویلیانلر سز دكلسكز اما سزدە سویلیان پدركزك روحیدر٢١ وقرنداش قراندشی و پدر الادی اولومە تسلیم ایدە جك واولاد ولادین علیەنە قالقشوب انلری اولدرە جكلر۔٢٢ واسمم ایچون جملە طرفندن بغض اولنە جقسڭز لكن كیم كە نەایتە قدر تحمل ایدرسە اوخلاص بولە جقدر۔٢٣ وسزە بر شھردە تعدّی ایتدكلری زمان دیكرینە فرار ایدڭز زیرا حقیقۃً سزە دیرمكە ابن الانسان كلنجیە دك اسرائیل شھرلرینك سروینی تكمیل ایتمیە جكسكز۔٢٤ شاكرد معلمندن وقول افندیسندن اوستون دكلدر٢٥ شاكردە معلمی گبی وقولە افندیسی گبی اولمق كفایت ایدر،خانە صاحبنە یعلزبول دیدكلری حالدە اُنڭ خانە سی خلقنە نە قدر زیادە دیە جكلر۔٢٦ ایمدی انلردن قورقمایكز زیرا كشف اولنمیە جق مخفی وبیلنمیە جج كیزلو برشی یوقدر۔٢٧ سزە قرا كلقدە دیدیكمی آید ینلقدە سویلیكز وقولاغكزە سویلنیلانی طاملر اوزرندە اعلان ایدڭز٢٨ وجانی اولدرمكە قادراولمیب جسدی اولدرنلردن قورقمایكز لكن ھم جانی ھم جسدی جھنمدە ھلاك یتمكە قادر الولاندن قورقكز۔٢٩ ایكی سرچە برپولە ساتملزمی وانلردن بری پدركزك اذنی اولمقسزین یرە دوشمز۔٣٠ سزڭ ایسە باشكزك قیللرینك جملەسی صاییلودر۔٣١ اُنڭ ایچون قورقمایكز سز چوق سرچەلردن افضل سكز۔٣٢ ایمدی ھم ھكیم ادملرك حضورندە بنی اقرارایدسە بن دخی سماواتدە اولان پدر مك حضورندە انی اقرارایدرم۔٣٣ وھركیم ادملرك حضورندە بنی انڭار ایدرسە بن دخی سماواتدە اولان پدرمك حضورندە انی انڭارایدرم۔٣٤ زمینە سلامت كتومكە گلدم ظن ایتمیڭز سلامت دكل لكن قلیج كتورمكە گلدم۔٣٥ زیرا ادمی پدرندن وقزی والدە سندن وكلینی قاین والدە سندن آیرمغە گلدم۔٣٦ وادمك دشمنلری كندی خانە سی خلقندن اولە جقدر٣٧ پدری ویا والدە یی بندن زیادە سوان بڭا لایق دكلدر۔واوغلی ویاقزی بندن زیادە سوان بڭالایق دكلدر۔٣٨ وخاچنی آلوب آردمجە كلمیان بڭا لایق دكلدر۔٣٩ حیاتنی بولان انی ضایع یدە جك ونین ایچون حیاتنی ضایع ایدن انی بولە جقدر۔٤٠ سزی قبول ایدن بنی قبول ایتمش اولور وبنی قبول ایدنی نبی ارسال ایدنی قبول اتیمش اولور۔٤١ پیغمبر صفتیلە بر پیغمبر قبول ایدن پیغمبر اجرینی آلە جق وصالح سفتیلە برصالح قبول ایدن صالح اجرینی آلە جقدر۔٤٢ وھر كیم بوكوچكلرك شاكرد سفتیلە یالكز بركاسە سغوق سو ایچورر ایسە حقیقیۃً سزە دیرمكە اول كیمسە اجرندن اصلا محروم اولمیە جقدر۔