١ وقایغە گیروب اوتە طرفە كچە رك كندی شھرینە گلدی۔٢ واشتە اڭادوشكدە یاتار بر كوتروم كتوردیلر وعیسی انلرڭ ایماننی كوركملە كوتومە اوغلم جسارتلن كناھلرك سكا عفواولندی دیدی۔٣ واشتە علمادن بعضیلری كندی كندیلرینە بوادم كفر ایدیور دیدیلر۔٤ وعیسی انلرڭ افكارینی بیلمكلە دیدیكە نیچون قلبلر كزدە فنا شیلر دوشنیورسكز۔٥ چونكە قنغیسی قولایدر كناھلرك عفو اولندی عیمە سی می یوقسە قالق وكز دیمە سی می ۔٦ اماابن الانسانڭ یر اوزرندە كناھلر عفوایتمكە حكومتی وارایدوكنی بیلمكز ایچون(اوزمان كوتومە)قالق دوشككی قالدروب خانە كە گیت دیدی۔٧ اودخی قالقوب خانە سنە كیتدی٨ وخلق بونی گورمكلە تعجب ایدوب ادملرە بویلە قدرت ویرن اللھە حمد ایلدیلر۔٩ وعیسی اورادن ایلروكچر ایكن كمرك محلندە اوتورور متی نام برادم كوردكدە اڭا آردمجە گل دیدی اودخی قالقوب اُنڭ آردنجە كیتدی۔١٠ وخانە دە سفرە یە اوتوردیغندە اشتە چوق كمركجیلروكناھكارلر گلوب عیسی وانڭ شاكردلری ایلە برابرسفرە یە اوتوردیلر۔١١ وفریسیلر بونی گورمكلە اُنڭ شاكردلرینە سزڭ معلمكز نیچون كمركجیلر وكناھكارلر ایلە طعام ایدیوردیدیلر١٢ عیسی دخی بونی ایشتد كدە انلرە صاغ اولنلر دكل انجق علتلواولنلر حكیمە محتاجدر١٣ ایمدی گیدوب قربان دكل انجق مرحمت استرم كلامنك معناسنی اوكرنكز زیرا صالحلری دكل فقط كناھكارلری توبە یە دعوت ایتمكە گلدم دیدی۔١٤ اوزمان یحیانڭ شاكردلری اُنڭ یاننە گلوب بز وفریسیلر چوق اوروج طوتدیغمز حالدە نیچون سنڭ شاكردلرك طوتمازلر دیدیلر ۔١٥ عیسی دخی انلرە خطاباًكویكی یانلرندە بولندقجە دوكونجیلرك محزون اولملری ممكنمیدراماكویكینك انلردن آلنە جغی كونلر كلورواوزمان اوروج طوتە جقلر۔١٦ وھیچ بركیمسە یكی چوقە پارچە سنی اسكی لباسە یامە قوماززیرا لباسك تعمیری ایچون قونیلان یاما اندن قوپارمغلە یرتغی دھا فنا اولور١٧ ویكی شرابی اسكی طولوملرە یوقسە طولوملر یرتیلوشراب دوكیلوروطولوملر دخی تلف اولور۔لكن یكی شرابی یكی طولوملرە قورلر وایكیسدە محفوظ اولوردیدی۔١٨ بوشیلری انلرە سویلمكدە ایكن اشتە بررئیس گلوب اڭاسجدە ایدە رك قزم الآن وفات ایتمشدر لكن سن گل اُنڭ اوزرینە الكی قووحیات بولە جقدر دیدی۔١٩ عیسی دخی قالقوب شاكردلری ایلە برابرانڭ آردنجە كیتدی۔٢٠ واشتە اون ایكی سنە دنبرونزف دمە مبتلا اولان برقاری ارقە سندن یاقلاشوب لباسنك اتكنە طوقوندی۔٢١ زیرا كندی كندینە یالكز لباسنە طوقونسە م خلاص بولورم دیرایدی۔٢٢ وعیسی دونوب انی كوردكدە جسارتلن ای قزم ایمانڭ سنی خالص ایلدی دیدی قاری دخی اول ساعت خلاص بولدی۔٢٣ وعیسی اول ریئسك خانە سنە گلوب ینزنلر ایلە ولولە ایدن خلقی كوردكدە۔٢٤ انلرە چكیلكز زیرا قز وفات ایتمدی انجق اویویوردیدی واڭا كولدیلر۔٢٥ ایمدی خلق چیقا ولدقدە كندیسی ایچروكیروب قزك النی طوتدی اودخی قالقدی۔٢٦ وبووقعە نك خبری اول دیارك ھر طرفنە شایع اولدی۔٢٧ وعیسی اورادن ایلرو كیدر ایكن آردنجە ایكی كورادم گلوب یاابن داود نزە مرحمت ایلە دیەرك فریاد ایدرلر ایدی۔٢٨ واوە كیردیكندە اول كورلر اُنڭ یننە گلدیلر عیسی دخی انلرە بونی ایتمكە قادر اولدیغمە یناتورمیسكزدیكملە انلراڭابلی یارب دیدیلر۔٢٩ اوزمان كوزلرینە طوقونوب سزە ایمانڭزە۔كورە اولسون دیدی۔٣٠ وانلرڭ كوزلری آچلدی وعیسی انلرە صاقنك كیمسە بیلمسون دیواكیداًتنیە ایلدی۔٣١ انلرایسە چیقوب بتون اول دیاردە خبرینی نشرایدیلر۔٣٢ وانلر چیقارایكن اشتە یاننە دیلسز ومجنون برادم كتوردیلر۔٣٣ وجن چیقارلدقدە اول دیلسز سویلدی وخلق تعجب ایدوب اسرائیلدە ھیچ بروقت بویلە شی كورلمە مشدر دیدیلر۔٣٤ فقط فریسیلر جنلرك ریئسی واسطەسیلە جنلری چیقاروردیدیلر۔٣٥ وعیسی انلرڭ سناغوغلرندە تعلیم ایلە ملكوتك بشارتنی وعظ ایدە رك وخلقدە ھر مرضی وھرخستە لكی دفع ایدە رك جملە شھرلری وكویلری طولاشورایدی۔٣٦ وخلقی گورمكلە انلرە شفقت ایتدی زیرا شوبانی اولمیان قویونلر گبی یورغون وپریشان ایدیلر۔٣٧ اوززمان شاكردلرینە خطاباًكرچە حصاد چوق اما عملە آزدر۔٣٨ ایمدی حصادك صاحبنە كندی حصادینە عملە كوندرسون دیو نیاز ایدڭز دیدی۔