٦
١ ادملرە كورنمك ایچون صدقەكزی انلرك اوكندە ویرمكدن صاقنڭز یوقسە سماواتدە اولان پدركزك عندندە اجركز اولماز٢ ایمدی صدقە و یردیككدە مرائیلرك سنا غوغلردە و صوقاْقلدرە ادملر طرفندن مدح اولنمق ایچون ایتدكلری گبی اوككجە بورو چالمیەسین. حقیقۃً سزە دیرمكە انلر اجرلرینی آلمشلردر.٣ اما سن صدقە ویردیككدە صول الك صاغ الكك ایتدیكنی بیلمسون٤ كە صدقەك كیزلودە اولە و كیزلودە كورن پدرك سكا علناً مكافات ایدەجكدر.٥ و دعا ایتدیككدە مرائیلر گبی اولمیەسین زیرا انلر ادملرە كورنمك ایچون سناغوغلردە و كوشە باشلرندە طوروب دعا ایتمكی سورلر. حقیقۃً سزە دیرمكە انلر اجرلرینی آلمشلردر٦ اما سن دعا ایتدیككدە خكوتكە كیر و قپوكی قپایوب كیزلودە اولان پدركە دعا ایلە و كیزلودە كورن پدرك سكا علناً مكافات ایدەجكدر٧ و دعا ایتدیككزدە بتپرستلر گبی بیھودە یره سوز چوغالتمایكز زیرا انلر چوق سویلدكلری ایچون مستجاب اولەجقلرینی ظن ایدرلر٨ سز انلر بكزر اولمیەسكز زیرا پدرڭز محتاج اولدیغكز شیلری سز كندیسندن طلب ایتمزدن اوّل بیلور٩ ایمدی سز بو منوال اوزرە دعا ایدڭز. ای سماواتدە اولان پدرمز اسمك مقدس اولسون١٠ ملكوتك كلسون. ارادتك سمادە اولدیغی گبی یر اوزرندە دخی اجرا اولنسون١١ یومی اتمكمزی بزە بو گون ویر١٢ و بزە صوچلو1 اولنلرە باغشلادیغمز مثللو بزم صوچلرمزی2 باغشلە.١٣ و بزی اغوایە كتورمە لكن بزی شریردن قورتار. زیرا ملكوت و قدرت و عزت الی‌الابد سنڭدر. آمین١٤ زیرا ادملرە صوچلرینی باغشلادیغكز تقدیردە سماوی پدرڭز دخی سزە باغشلایەجقدر١٥ اما ادملرە صوچلرینی باغشلامدیغكز صورتدە پدرڭز دخی سزڭ صوچلریكزی باغشلامیەجقدر١٦ و اوروج طوتدیغكز زمان مرائیلر گبی محزون چھرەلو اولمایكز زیرا انلر اوروج طودقلرینی ادملرە كوسترمك ایچون چھرەلرینی بوزارلر. حقیقۃً سزە دیرمكە انلر اجرلرینی آلمشلردر١٧ اما سن اوروج طوتار ایكن باشكی یاغلایوب یوزكی ییقا١٨ شویلە كه اوروج طوتدیغكی ادملرە دكل انجق كیزلودە اولان پدركە كوستره‌سین و كیزلودە كورن پدرك سكا [علناً] مكافات ایدەجكدر.١٩ كندوكز ایچون بر اوزرندە خزینەلر جمع ایتمیڭز اورادە كووە و پاس بوزار و خرسزلر دیواری دلوب سرقت ایدرلر٢٠ اما كندوكز ایچون سمادە خزینەلر جمع ایدڭز اورادە نه كووە و نە پاس بوزار نەدە خرسزلر دیواری دلوب سرقت ایدرلر٢١ زیرا خزینەكز ھر نرەدە ایسە قلبكز دخی اورادە اولەجقدر٢٢ جسدك چراغی كوزدر ایمدی اگر كوزك صاف ایسە بتون جسدك منوّر اولور٢٣ لكن كوزك فنا اولدیغی حالدە بتون جسدك قراڭلق اولور. ایمدی سندە اولان نور قراڭلق ایسە اول قراڭلق نە قدر اولەجقدر٢٤ ھیچ‌بر كیمسە ایكی افندی‌یە قوللق ایدەمز زیرا یا برینە بغض ایدوب دیكرینی سوەجكدر یا خود برینە ملازمت ایدوب دیكرینی تحقیر ایدەجكدر. ھم اللھە ھمدە مالە قوللق ایدەمزسكز.٢٥ بوكا بناء سزە دیرمكە حیاتكز ایچون نە ییەجككزی و نە ایچەجككزی و ھمدخی جسدكز ایچون نە كییەجككزی اندیشە ایتمیڭز. حیات طعامدن و جسد البسەدن اولی دكلمیدر٢٦ ھوا قوشلرینە باقكز زیرا نە اكرلر نە بیچرلر و نە در انبار ایدرلر و سماوی پدر ڭز انلری بسلر. سز انلردن افضل دكلمیسكز٢٧ و سزدن كیم اندیشە ایتمكلە بوینە†برارشون ضم ایتمكە قادردر٢٨ البسە ایچون دخی نیچون اندیشە ایدرسڭز صحرانڭ زنبقلرینە دقت ایدڭز نصل بیورلر. نە چالشورلر نە ایپلك بوكرلر٢٩ لكن سزە دیرمكە سلیمان بیلە جملە داراتیلە انلردن بری گبی كینمش دكل ایدی٣٠ بوكون موجود اولوب یارین فرونە آتیلان صحرا اوتنی اللە بویلە كیندردیكی حالدە سزی دھا زیادە كیندرمزمی ای ایمانی نقصان اولنلر٣١ ایمدی نە ییە جكز ونە ایچە جكز ونە كیە جكز دیەرك اندیشە ایتمكز٣٢ چونكە بونلرك جملەسی طائفە مطلوبیدر زیرا سماوی پدرڭز بونلرك جملە سنە محتاج اولد یغلزی بیلور٣٣ لكن اوّلا اللھك مكوتنی وانڭ صلاخی طلب ایلیكزو بونلرك جملەسی دخی سزە احسان اولنە جقدر.٣٤ ایمدی یارین ایچون اندیشە ایتمیڭز زیرا یارینكی گون كندی شیلری ایچون اندیشە ایدە جكدر۔ھركونە كندی دردی كافیدر.