١ حقیقۃً حقیقۃً سزە دیرمكە قویونلرك آغلنە قپودن كیرمیوبدە دیكر محلدن كیرن خرسز و حرامیدر ۔ ٢ اما قپودن كیرن قویونلرك چوبانیدر ۔ ٣ بوكا دخی قپوجی آچار وقویونلر انڭ سسینی دیكلر او دخی كندی قویونلرینی اسملریە چاغروب انلری طیشاری چیقارور ۔ ٤ و *كندی قویونلرینی چیقاردیغی زمان اوكلرنجە گیدوب قویونلر دخی انڭ سسینی طانید قلری جەتلە آردنجە كیدرلر ۔ ٥ اما یبانجینك آردنجە كیتمیوب اندن قاچارلر زیرا یبانجیلرك سسینی طانیمازلر۔ *یا خود جملە كندینككیلری ٦ عیسی انلرە بو تمثیلی سویلدی ایسە دە انلر كندیلر ینە سویلدیكی شیلرڭ نە دیمك اولد یغنی فەم ایتمدیلر ۔ ٧ وعیسی تكرار انلرە حقیقۃً حقیقۃً سزە دیرمكە قویونلرك قپوسی بن ایم ۔ ٨ بندن اوّل كلانلرڭ جملەسی خرسز و حرامیدرلر اما قویونلر انلری دیكلە مدیلر ۔ ٩ قپو بن ایم اگر بر كیمسە بندن كیرر ایسە خلاص اولور و گیروب چیقە رق مرعی بولور ۔ ١٠ خر سز چالمق واولدرمك وتلف ایتمكدن غیری بر سبب ایچون گلمز ۔ بن حیاتە مالك اولمالری حتی زیادی سیلە مالك اولمالری ایچون گلدم ۔ ١١ ایو چوبان بن ایم ایو چوبان قویونلرك یولنە جاننی فدا ایدر ۔ ١٢ لكن قویونلر كندی مالی اولمایوب چوبان المایان بر اجرتلو كیمسە قوردك گلدیگنی كورد كدە قویونلری براغوب قاچار قورد دخی قویونلری قاپوب طاغیدور ۔ ١٣ اجر تلو قاچار چونكە اجرنلورد و قویونلری وظیفە ایدنمز ۔ ١٤ ایو چوبان بن ایم وبنمكیلری طانورم بنمكیلر دخی بنی طانورلر ۔ ١٥ پدر بنی طانیدیغی مثللو بن دە پدری طانورم و قویونلرك یولنە جانمی فدا ایدرم ۔ ١٦ و بنم بو آغلدن اولمایان بشقە قویونلرم واردر انلری دخی كتورمە م كركدر و بنم سسمیی دیكلیە جكلر و بر سوری ایلە بر چوبان اولە جقدر ۔ ١٧ تكرار آلمق اوزرە جانمی فدا ایتدیكم ایچون پدر بنی سور ، ١٨ انی بندن كیمسە آلماز فقط بن كندیلكمدن فدا ایدرم ۔ انی فدا ایتمكە قدرتم وار وتكرار آلمغە قدرتم وار ۔ بو امری پدرمدن آلدم دیدی۔١٩ وینە بو سورلر سببدن یهودیلر اراسندە اختلاف واقع اولدی۔٢٠ وانلردن نیچەلری مجنون و سیوانە در انی نیچون دیكلە یورسكز دیرلر ایدی ۔ ٢١ دیكرلری ایسە بونلر مجنون سوزلری دكلدر ۔ جن كورلرڭ كوزلرینی آچمغە مقتدر میدر دیرلر ایدی۔٢٢ و اور شلیمدە ەیكلك تقدیس بیرامی اولدی وقیش ایدی۔٢٣ و عیسی هیكلدە سلیمانك ایوانندە كزر ایكن٢٤ یهودیلر انی احاطە ایدە رك دیدیلر كە جانمزی نە وقتە قدر معلقدە براقیورسین اگر مسیح سن ایسە ك بزە آشكارە سویلە ۔ ٢٥ عیسی انلرە جواباً سزە سویلدم كلن اینا نما یورسكز ۔ پدرمڭ اسمیلە اجرا ایلدیكم عمللر بنم حقمدە شهادت ایدرلر ۔ ٢٦ لكن سز اینا نماز سكز زیرا [سزە دیدیكم كبی] بنم قویونلر مدن دگلسڭز ۔ ٢٧ بنم قویونلرم سسمیی دیكلرلر بن دخی انلری طانورم و بنم آردمجە كلورلر ۔ ٢٨ وبن انلرە ابدی حیات ویررم والی الابد هلاك اولمایە جقلر وانلری بنم المدن كیمسە قاپمایە جقدر۔٢٩ انلری بڭا ویرن پدرم جملەدن بیوكدر و پدرمڭ الندن كیمسە قاپمغە قادر دكلرر ۔ ٣٠ بن و پدر بر ایز دیدی۔٣١ اولوقت یهودیلر انی طاشلامق اوزرە ینە طاشلر قالدردیلر۔٣٢ عیسی انلرە جواباً سزە پدرم طرفندن نیچە ایو عمللر كوستردم انلرڭ قنغیسی ایچون بنی طاشلایورسكز دیدی ۔ ٣٣ یهودیلر اڭا جواب ویروب سنی ایو عمل ایچون دك آنجق كفر ایچون و سن انسان ایكن كندیكی اللە مقامنە قودیغك ایچون طاشلارز دیدیلر ۔ ٣٤ عیسی انلرە جواب ویردی كە شریعتكزدە بن سز الەلر سكز دیدیم دیو یازلمش دكلمی ۔ ٣٥ اگر اللهڭ كلامنك وارد اولدیغی كیمسەلرە الەلر دیدی ایسە (وكتابك نسخی محالدر) ٣٦ پدرڭ تقدیس ایدوب دنیایە ارسال ایلدیكی ذاتە ابن اللە ایم دیدیكی ایچون سز كفر ایدیورسین دیرمیسكز ۔ ٣٧ اگر پدرمڭ عمللر ینی اجرا ایتمز ایسە بڭا اینا نما یكز۔ ٣٨ اما اگر اجرا ایدر ایسە بڭا اینا نمازسە كز اول عمللر اینانڭز تاكە پدر بندە بن دخی اندە ایدیكمی فەم ایدوب اكلایە سكز۔٣٩ بونڭ اوزرینە تكرار انی طوتمق استدیلر ایسە دە اللرندن قرتلدی ۔ ٤٠ وینە اردنك اوتە طرفندە یحیانڭ مقدما وافتیز ایتدیكی محلە گیدوب اورادە اقامت ایلدی ٤١ و نیچە كیمسەلر یاننە گلوب فی الواقع یحیی هیچ بر معجزە اجرا ایتمدی لكن یحیانڭ بونڭ حقندە جملە سویلدیكی حق ایمش دیدیلر ۔ ٤٢ واورادە نیچەلر اڭا ایمان ایتدیلر۔