١ اوزمان شاكردلری عیسانڭ یاننە گلوب ملكوت السماواتدە اك بیوك كیمدر دیدیلر۔٢ عیسی دخی یاننە برچوجوق چاغروب وانی اورتەلرندە طوردروب دیدیكە۔٣ حقیقۃً سزە دیرمكە اكردونوب چوجوقلركبی اولمازایسەڭز ملكوت السماواتە اصلا كیرمیە جكسكز۔٤ ایمدی ھركیم بوچوجوق گبی متوضع اولورسە ملكوت السماواتدە اك بیوك اودر۔٥ وھركیم اولور۔٦ وبڭاایمان ایدن بوكوچوكلردن برینی ھركیم سورچدررایسە بویننە بردكرمن طاشی آصیلوب دڭزڭ دیبنە غرق ایدلمسی كندینە خیرلودر۔٧ توكزلر سببندن وای دنیایە۔زیرا توكزلرك كلمسی لازمدراما وای توكزك كلمسنە سبب اولان ادمە٨ ایمدی اكرالك یاآیاغك سنڭ سورچمە كە سبب اولوسە انی كسوب كندوكدن دفع ایت۔ ابدی آتشە آتلمقدن سكا خیرلودر۔٩ واكر كوزك سنڭ سورچمە كە سبب اولورسە انی چیقاروب كندوكدن دفع ایت۔حیاتە تك كوزلو كیرمە ك ایكی كوزك اولوبدە جھنم آتشنە آتلمدن سكاخیرلودر۔١٠ بوكوچوكلردن برینی خوركورمكدن صاقنڭز۔زیراسزە دیرمكە انلرڭ ملكلری سماواتدە اولان پدرمك یوزینی سماواتدە دائما كورورلر۔١١ زیرا ابن الانسان ضایع اولانی خلاص ایتمكە گلدی۔١٢ سزە نصل كورینور۔اگر برادمك یوز قویونی اولوب انلردن بری یولی شاشرورسی اوك ادن طقسان طقوزی طاغلردە براغوبدە واروب یولی شاشرانی آرامازمی۔١٣ واكرانی بولە جق اولورسە حقیقۃًسزە دیرمكە یولی شاشرمامش طقسان طقوز ایچون سویندیكندن زیادە اُنڭ ایچون سوینور۔١٤ كذلك سماواتدە اولان پدرڭز حضورندە بوكوچوكلر دن برینك ضایع اولمسنە رضا یوقدر۔١٥ اگر برادرك سكا قارشو بر خطا ایدرسە گیدوب انی ایكیكزك آراسندە تنھاجە تعزیرایلە۔اگر سنی دیكلر سە برادركی قزانمش اولورسین١٦ واكر دیكلەمزایسە ایكی یا اوچ شاھدك آغزندن ھر سوزك ثابت اولمسی ایچون كندوك ایلە برابر بریاخود ایكی كشی دھاآل۔١٧ واكر انلری دیكلەمزسە كلیسایە سویلە واكركلیسایی دخی دیكلەمزسە انی بتپرست وكمركجی گبی عد ایلە۔١٨ فی الحقیقە سزی دیرمكە یراوزرندە ھر نە باغلارایسەڭز سمادە باغلانمش اولە جق ویراوزرندە ھر نە چوزرایسەڭز سمادە چوزلمش اولە جقدر،١٩ ینە سزە دیرمكە سزدن ایكی كشی یر اوزرندە ھرقنغی شیئی دیلە مك ایچون اتفاق ایدرلرایسە انلرە سماواتدە اولان پدرم طرفندن احسان اولنە جقدر۔٢٠ زیرا ایكی یااوچ كشی بنم اسمملە ھر نرە دە جمع اولورلر ایسە بن اورادە انلرڭ آراسندە ایم۔٢١ اوزمان بطرس اُنڭ یاننە گلوب یارب قاچ دفعە برادرم بڭا خطا ایدرسە انی عفو ایدە یم۔یدی دفعە یە قدرمی دیدی۔٢٢ عیسی اڭا دیدیكە سكا یدی دفعە یە دك دكل لكن یتمش كرە یدی یە قدر دیرم۔٢٣ اُنڭ ایچون ملكوت السماوات برملكە تشبیە اولنمشدر كە قوللری ایلە حساب كورمك استدی۔٢٤ ومحاسبە یە باشلادقدە یاننە اون بیك طلانت طوجلوبركیمسە كتوردیلر۔٢٥ وانڭ ادایە قدرتی اولمدیغندن افندیسی اُنڭ ایلە زوجە سی وچوجوقلری وبتون اموالی صاتیلوب بورجی ادا اولنمسی امرایلدی۔٢٦ بونڭ اوزرینە اول قول یرە قپاناب افندم بڭا مساعدە ایلە سكا كافە سنی ادا ایدرم دیواڭا رجا ایلدی۔٢٧ واول قولك افندیسی اڭاشفقت ایدە رك انی صالیویروب بورجنی دخی باغشلادی۔٢٨ اما اول قول چیقوب كندینە یوز دینار بورجلو اولان برقپویولداشنی بولدی۔وانی بوغازندن طوتوب بڭا بورجكی اداایلە دیمسی اوزینە۔٢٩ اُنڭ قپو یولداشی آیا غنە دوشوب بڭا مساعدە ایلە سكا[كافە سنی]اداایدرم دیواڭارجاایلدی۔٣٠ لكن اوراضی اولمامغلە واروب بورجنی ادا ایدنجیە دكین انی حبسخانە یە آتدی۔٣١ وبوادمك قپویولداشلری وقوع حالی كوردكلرندە غایتلە مكدر اولمغلە واروب افندیلرینە جملە وقوعاتی افادە ایتدیلر۔٣٢ اوزمان افندیسی انی چاغروب اڭا ای شریرقول بڭا یالواردیغك ایچون اول بورجك جملەسنی سكا باغشلادم۔٣٣ بن سكا مرحمت ایتدیكم گبی سن دخی قپویولد اشكە مرحمت ایتملی دكلمی ایدك دید۔٣٤ وافندیسی غضە گلوب بتون بورجنی ادا ایدجنیە دكین انی اشكنجە ایدیجیلرە تسلیم ایتدی۔٣٥ كذلك ھربریكز برادرلركزە صوچلرینی قلبكزدن باغشلامدیغكزحلادە سماوی پدرم دخی سزە اویلە ایدە جكدر۔