١ وفریسیلر ایلە صدوقیلر اُنڭ یاننە گلوب انی تجربە ایچون كندیلرینە سمادن برعلامت كوسترمسنی طلب ایتدیلر۔٢ اودخی انلرە جواباً اقسام اولدقدە ھوا كوزل اولە جق زیرا كوك قزلدر۔٣ وصباحلین بوكون ھوا بوزوق اولە جق زیرا كوك پوس اولوب قزارمشدر دیر سكز۔ ای مرائیلركوك یوزینی تمییز ایتمسنی بیلودكسز ووقتلرك علامتلرینی تمییرە قادر دكل میسكز۔٤ كوتووزنا كار نسل علامت آرارواڭایونس پیغمبرك علامتندن غیری برعلامت ویرلمیە جكدردیدی وانلری براغوب كیتدی۔٥ وشاكردلری قارشوطرفە كلدیلرندە اتمك آلمغی اونوتمشلرایدی۔٦ وعیسی انلرە دقت ایلیكز وفریسیلرایلە صدوقیلرك مایە سندن صاقنڭز دیدی۔٧ انلردخی اتمك آلمدیغمز ایچوندردیەرك آرالرندە تفكر ایدرلرایدی۔٨ عیسی بونی بیلمكلە انلرە خطاباًای ایمانی نقصان اولنلر نیچون آراكزدە اتمك آلمدیغكزدنطولایی تفكر ایدیورسكز۔٩ بش بیك كشینك بش اتمكنی وقاچ كوفە قالدردیغكزی١٠ ودرت بیك كشینك یدی اتمكنی وقاچزنبیل قالدردیغكزی دھا اكلامیوب درخاطر ایتمز میسكز۔١١ فریسیلرایلە صدوقیلرك مایە سندن صاقنمق ایچون سزە سویلدیكم سوز اتمك حقندە اولمدیغنی نصل اكلامیورسكز دیدی۔١٢ اوزمان اتمك مایە سی حقندە دكل انجق فریسیلرایلە صدوقیلرك تعلیمندن صاقنمق ایچون سویلد یكنی اڭلادیلر۔١٣ وعیسی قیصریۂ فیلبس سمتلرینە واردیغندە شاكردلرینە ادملرك دیدكلرینە كورە بن ابن الانسان كیم ایم دیو سؤال ایلدی۔١٤ انلردخی بعضیلری وافتیزایدیجی یحییوودیكرلری ایلیا واسائرلری ارمیا یاخود بشقە پیغمبرلردن بری سین دیورلردیدیلر۔١٥ انلرە یاسزڭ دیدیككزە كورە بن كیم ایم دیدی۔١٦ وسمعونبطرس جواباًسن مسیح ابن اللە الحی سین دیدی۔١٧ وعیسی اڭا جواباًای سمعون ابن یونس مباركسین زیرا بونی سكانن وقان دكل انجق سماواتدە اولان پدرم الھام ایتدی دیدی۔١٨ بن دخی سكا دیرمكە سن بطرس سین ویلیسامی بوقیا اوزرینە بنا ایدە جكم۔وھاویە قپولری اُنڭ اوزرینە غلاب اولمیە جقدر۔١٩ وسكا ملكوت السماواتك انا ختارلرینی ویرە جكم۔ ویراوزرندە ھر نە باغلر ایسە ك سماواتدە باغلانمش اولە جق ویر اوزرندە ھرنە چوزر ایسە ك سماواتدە چوزلمش اولە جقدر دیدی۔٢٠ اوزمان شاكردلرینە كندینك [عیسی] مسیح ایدوكنی كیمسە یە سویلمە ملرینی امرایتدی۔٢١ اولوقتدنصڭرە عیسی اورشلیمە كیتمك واختیارلرایلە باش كاھنلروعلما دن چوق الم چكوب قتل اولنمق واوچنجی گوندە قیام ایتمك كرك ایدوكنی شاكردلرینە بیان ایتمكە باشلادی۔٢٢ وبطرس انی برطرفە آلوب حاشا یارب بو سكا اصلاواقع اولمسون دیەرك انی تعزیرایتمكە باشلادیغندە۔٢٣ اودخی دونوب بطرسە آردمە چكیل ای شیطان بڭا توكزسین زیرااللھە عائد اولان شیلرە دكل انجق ادملرە عائداولان شیلرە صرف افكارایدرسین دیدی۔٢٤ اوزمان عیسی شاكردلرینە دیدیكە اكربركیمسە آردمجە گلمك استرسە ترك نفس ایدە رك خاچنی یوكلنوب آرردم صرە كلسون۔٢٥ زیراھر كیم كە كندی جاننی قورتارمق استرسە انی ضایع ایدە جك۔ وھركیم بنم ایچون كندی جاننی ضایع ایدرسە انی بولە جقدر۔٢٦ زیرا برادم بتون دنیایی فزانوبدە كندی جاننی ضایع ایدرسە استفادە ایدر یاخودادم كندی جاننە بدل ن ویرە بیلور۔٢٧ زیرا ابن الانسان كندی ملكلری ایلە پدرینك جلالندە كلە جك واو زمان ھركسە عملنە كورە مكافات ایدە جكدر۔٢٨ حقیقۃًسزە دیرمكە بورادە حاضراولنلردن بعضلری واركە ابن الانسان كندی ملكوتندە كلدیكنی كورمینجە اولوم طاتمیە جقلردر۔