١ اوزمان رئیس الربع اولان ھیرودس عیسانڭ سھرتنی ایشیتمكلە٢ كندی خدمە سنە بوادم وافتیز ایدیجی یحیی در۔اولولردن قیام ایتمشدروبوسببدن اُنڭ واسطەسیلە معجزەلراجرا اولنیوردیدی۔٣ چونكە ھرودوس برادری فیلبسك زوجە سی ھرودیا سببندن یحیایی طوتوب وباغلایوب زندانە آتمش ایدی۔٤ زیرایحیی اڭا بونی آلمق سكا حلال دكلدر دیرایدی۔٥ وانی قتل ایتمك استرایدی ایسە دە خلق انی پیغمبر مقامدنە طوتدقلری ایچون انلردن قورقار ایدی۔٦ وھیرودسك ولادتی گونی ضیا فتندە ھیرودیانڭ قزی اورتە دە رقص ایتدی۔٧ وھیرودسك خوشنە كیتمكلە ھرنە دیلرسە اڭا ویرمكی یمینلە وعد ایلدی۔٨ قزدخی والدەسی طرفندن تشویق اولنمغلە بڭا بورادە برتپسی اوزرندە وافتیز ایدیجی یحیانڭ باشنی ویردیدی۔٩ ایمدی ملك مكدر اولدی ایسە دە یمینلری وبرانجە سفرە دە اوتورانلر سببندن ویرلمسنی امر ایلدی۔١٠ وكوندروب زنداندە یحیانڭ باشنی كسدردی۔١١ وانڭ باشی بر تپسی اوزرندە كتوریلوب قزە ویرلدكدە اودخی والدە سنە كوتوردی۔١٢ وشاكردلری گلوب جسدینی قالدرە رق دفن ایتدیلر وواروب عیسایە خبرویردیلر۔١٣ عیسی دخی بونی ایشیتدیكندە اورادن قایقلە بیابان برمحلە تنھاجە عزیمت ایتدی وجماعت ایشیتمكلە شھرلردن یایان ابك آردنجە كیتدی۔١٤ و[عیسی]چیقدقدە بر چوق جماعت گورمكلە انلرە شفقت ایتدیكندن خستەلرینە ویردی۔١٥ واقشام اولدقدە شاكردلری اُنڭ یاننە كلوبوراسی بیابان محلدر وشمدی وقت كچمشدرجماعتی صالیوركویلرە واروب كندیلرینە طعام صاتون آلسونلردیدیلر۔١٦ لكن عیسی انلرە كیتملرینە حاجت یوقدر سز انلرە طعام ویركز دیدی۔١٧ انلردخی اڭابش اتمك ایلە ایكی بالقدن ماعدابورادە برشیئمزیوقدردیدیلر۔١٨ اودخی انلری بورایە بڭا گتورڭز دیدی۔١٩ وجماعتك اوتلراوزرینە اوتورملرینی امرایتدكد نصڭرە بش اتمك ایلە ایكی بالغی آلوب سمایە طوغری نظر ایدە رك بركت دعاسی اوقیوب اتمكلری پارە لدی وشاكردلرە ویروب شاكردلر دخی جماعتە ویردیلر۔٢٠ جملەسی دخی ییوب طویدیلر وپارچەلرك فضلە سنی اون ایكی كوفە طولوسی اولە رق قالدردیلر٢١ ونسا ایلە چوجوقلردن ماعدا ییانلربش بیك قدرادم ایدی۔٢٢ ودرعقب[عیسی]كندیسی جماعتی صالیوریرنجیە دكین شاكردلرینە قایغە گیروب كندندن اوّل قارشوطرفە كچمەلری ایچون ابرام ایتدی۔٢٣ كندیسی دخی جماعتی صالیویرد كدنصڭرە یالكزجە دعاایتمك ایچون طاغە چیقدی واقشام اولدقدە اورادە یالكز ایدی۔٢٤ اما قایق ھمان دكز اورتە سندە اولوب روزكاردخی مخالف اولمغلە طالغەلردن صاللانیورایدی۔٢٥ وكیجە نك دردنجی نوبتندە عیسی دكز اوزرندە یورویە رك انلرە طوغری گلدی۔٢٦ شاكردلردخی انی دكز اوزرندە یوروركوردكلرندە مضطرب اولوب خیالدر دیەرك قروقولرندن فریاد ایتدیلر۔٢٧ عیسی ایسە درعقب انلرە سویلیوب جسارتلنكزبن ایم قورقمایكزدیدی۔٢٨ وبطرس اڭا جواباًیارب اكرسن ایسە ك بڭا امر ایلە صولر اوزرندە یانڭە كلە یم دیدی۔٢٩ وانڭ گل دیمسی اوزرینە بطرس قایقدن اینوب عیسانڭ یاننە كیتمك ایچون صولراوزردندە یورودی۔٣٠ لكن روزكاری شدتلوكورمكلە قورقوبباتمغە باشلادقدە یارب بنی قورتاردیوفریاد ایلدی۔٣١ عیسی دخی درعقب النی اوزادوب انی طوتدی واڭاای ایمانی نقصان نیچون شبەە ایتدك دیدی۔٣٢ وانلر قایغە كیرنجە روزكار ساكن اولدی۔٣٣ وقایقدە اولنلر گلوب فی الحقیقە سن ابن اللّٰە سین دیەرك اڭا سجدە ایتدیلر۔٣٤ وقارشو طرفە كچوب جنیسارت دیارینە گلدیلر٣٥ واول محلك ادملری انی طانیدقدە بتون اطرافە ادم كوندروب جملە علتلو اولنلری اڭاكتوردیلر۔٣٦ ویالكز لباسنك اتكنە طوقنەلر دیو اندن رجاایتدیلر وطوقنانلرڭ كافە سی شفا بولدیلر۔