١ اوزناب عیسی سبت گونی ایكن آراسندن كچیور ایدی وشكردلری آجیقمغلە باشا قلری قوپارە رق یمكە باشلادیلر۔٢ وفریسیلر بونی كوردكلرندنە اڭا اشتە شاكردلرك سبت كونندە ایشلمە سی حلال اولمیان شیئ ایشلیورلر دیدیلر۔٣ اودخی انلرە دیدیكە داودك كندیسی ایلە برابر بولنانلر ایلە آجیقدیغی زمان نە یاپدیغنی اوقوما دیكزمی۔٤ نصل بیت اللھە گیروب ییمە سی كندیسنە وكندیسی ایلە برابر اولنلرە دكل انجق یالكز كاھنلر حلال اولان حضور اتمكلرینی یدی٥ یاخود سبت كونلرندە كاھنلرك ھیكلدە سبتی بوزوب صوچسز اولدقلرینی شریعتدن اوقمد یكزمی٦ اما سزە دیرمكە بورادە ھیكلدن اعظم اولان واردر۔٧ واكر قربان دكل انجق مرحمت استرم كلامنك معناسنی بیلسیدیكرز صوچسزلری حكم ایتمز ایدیكز۔٨ زیرا ابن الانسان سبت كوننك[دخی]صاحبیدر۔٩ واورادن حركتلە انلرڭ سناغوغنە كیرد كدە١٠ اشتە اورادە الی قورومش برادم بولنمعلە انی تەمتلو چیقارمق مرامیلە سبت كونندە شفا ویرمك حلالمیدر دو اڭا سؤال ایتدیلر۔١١ اودخی انلرە خطاباًسزدن كیم واردركە برقویونی اولوبدە سبت كونندە چوقورە دوشدیكی حالدە انی طوتوب چیقارمیە١٢ ایمدی ادم قویوندن نە قدر افضلدر بوكا بناء سبت كونندە خیر ایشملك حلالدر دیدی۔١٣ اوزمان اول ادمە الكی اوزات دیدی اودخی اوزاتدی ودیكری گبی صاغ اولدی۔١٤ اما فریسیلر چیقوب انی نصل ھلاك ایدە لم دیو اُنڭ علیەندە مشورت ایتدیلر۔١٥ وعیسی بونی بیلمكە اورادن چكلدی وانڭ آردنجە خیلی جماعت كیدە رك انلرڭ جملە سنە شفا ویردی١٦ وكندیسنی شایع ایتمە مەلرینی انلرە ایكداًتنبیە ایلدی۔١٧ تاكە اشعیا پیغمبر واسطەسیلە بیوریلان كلام اتمام اولنە۔١٨ یعنی اشتە انتخاب ایتدیكم قولم جانمك راضی اولدیغی سوكیلوم روحمی اُنڭ اوزرینە قویە جغم وطائفەلرە شریعت اعلان ایدە جكدر۔١٩ نزاع ونداایتمیە جكدر اُنڭ صداسنی میدانلرە كیمسە ایشتمیە جكدر۔٢٠ تاشریعتی مظفر ایدنجیە ازلمش قامشی قیرمیە جق وتوتن تفیلی سوندرمیە جكدر۔٢١ طائفەلردخی اُنڭ اسمنە امید ایدەجكلردر۔٢٢ اوزمان یا ننە كور وزیلسز برمجنون كتورلدی اودخی اڭا شفا ویردی شویلە كە اول كور ودیلسز سویلدی وكوردی۔٢٣ وجملە خلق حیران اولوب عجبا ابن داود بومیدر دیرلر ایدی۔٢٤ اما فریسیلربونی ایشتدكلرندە بو كیمسە جنلری انجق جنلرك ریئسی بعلزبول واسطەسیلە چیقاریور دیدیلر۔٢٥ وعیسی افكارلرینی بیلمكلە انلرە دیدیكە كندی علیەنە مخالفت اوزرە اولان ھر حكومت خراب اولور وكندی علیەنە مخالفت اوزرە بولنان ھر شھریا خانە باقی قالە ماز۔٢٦ واكر شیطان شیطانی چیقارورسە كندی علیەنە مخالفت اوزرە اولد یغندن حكومتی نصل باقی قالە بیلور۔٢٧ واكربن جنلری بعلزبول واسطەسیلە چیقارورسە م سزڭ اوغللركز كیمك واسطەسیلە چیقارورلر بونڭ ایچون سزڭ حاكملركز انلراولە جقدر۔٢٨ لكن بن جنلری روح اللّٰە واسطەسیلە زیقا ردیغم حالدە ملكوت اللّٰە سزە واصل اولمشدر۔٢٩ یاخودبركیمسە قوتلوبرادمك خانە سنە گیروب اُنڭ اشیا منی یغما ایتمكە نصل قادر اولە بیلور مكر اول قوتلو ادمی اوّلا باغیلوب اوزمان اُنڭ خانە سنی یغما ایدە۔٣٠ بنم ایلە اولمیان بڭا ضددر وبنم ایلە جمع ایتمیان طاغیدور٣١ اُنڭ ایچون سزە دیرمكە ھر كناە وكفر ادملرە عفو اولنور فقط ورحە اولان كفر ادملرە عفواولنماز۔٣٢ وھركیم روح القدس علیەنە برسوز سویلرسە اڭاعفو اولنور لكن ھر كیم روح القدس علیەنە سویلرسە اڭا كرك دنیادە كرك اخرتدە عفواولنماز٣٣ یااغاجی ایوومیوەسنی ایوایدكزیااغاجی فنا ومیوە سنی فنا ایدڭز زیرا اغاج میوە سندن معلومدر۔٣٤ ای انڭرك نسلی سز كوتوایكن خیرلوشیلر نصل سویلیە بیلورسكز زیراآغز قلبك فضلە سندن سویلر۔٣٥ ایو ادم قلبینك ایوخزینە سندن ایوشیلر چیقا رور وكوتوادم كوتو خزینە دن كوتو شیلر چیقارور۔٣٦ لكن سزە دیرمكە ادملر سویلد كلری ھر باطل سوز ایچون روزجزادە حساب ویرە جكلر۔٣٧ زیرا سن كندی سوزلركدن نبریە اولنە جقسین وكندی سوزلركدن محكموم اولە جقسین۔٣٨ اوزمان علما وفریسیلردن بعضیلری جواب ویروب یا معلم سندن برعلامت كورمك استرز دیدیلر۔٣٩ اودخی جواباًانلرە دیدیكە كوتو وزنا كار نسل علامت طلب ایدر اما اڭا یونس پیغمبرك علامتندن غیری بر علامت ویرلمیە جكدر۔٤٠ زیرا یونس اوچ گون اوچ كیجە آطە بالغنك قارنندە اولدیغی گبی ابن الانسان دخی اوچ گون اوچ كیجە زمینك بطنندە اولە جقدر۔٤١ نینوی ادملری روز جزادە بونسل ایلە قالقوب علیەنە حكم ایدە جكدر چونكە انلر يونسڭ وعظیلە توبە یە گلدیلر واشتە بورادە یونسدن دھا بیوكی واردر۔٤٢ جنوب ملكە سی رور جزادە بونسل ایلە قالقوب علیەنە حكم ایدە جكدر چونكە سلیمانڭ حكمتی دیكلە مك اوزرە زمینك نەا یتلرندن گلدی واشتە بورادە سلیماندن دھا بیوكی اوردر۔٤٣ ناپاك روح بر ادمدن چیقدیغی زمان قوراق یرلردن كچە ك راحت آراراما بولە ماز۔٤٤ اولوقت چیقدیغم خانە مە عودت ایدە یم دیر وكلدیكندە انی بوش وسوپورلمش ومزین بولمغلە٤٥ گیدوب برابرنجە كندیسندن دھا كوتو دیكر یدی روح آلور وانلر گیروب اورادە ساكن اولورلر واول ادمك عاقبتی ابتداسندن بدتر اولور بوكوتو نسلە دخی بویلە اولە جقدر۔٤٦ واودھا خلقە سویلمكدە ایكن اشتە والدەسی ایلە برادرلری اُنڭ ایلە سویلشمك استیە رك خارجدە طوریورلرایدی٤٧ وبركیمسە اڭااشتە والدە ك ایلە برادرلرك سنڭ ایلە سویلشمك آرزوسیلە خارجدە طوریورلر دیدی۔٤٨ اودخی سویلیانە جواباًوالدە م كیمدر وبرردرلرم كیملر در دیدی۔٤٩ والنی شاكردلر ینە طوغری اوزادوب اشتە والدە م وبرادرلرم۔٥٠ زیرا ھر كیم سماواتدە اولان پدرمك ازادتنی اجراایدرایسە برادرم وھمشیرە م ووالدە م اودر دیدی۔