٤
سزدن بو دوگشلر و فتنەلر هاردن گليو؟ اونلر عضولرنزده صواش ادان شهواتلرنزدن گلميو مى؟ ٢ طمع اديونز اما الميونز، اؤلدريونز و حسدلک اديونز اما إستەکلرنزي الەبلميونز، دوگش و صواش اديونز اما النزده بير شي يوخدر، چونکو إستەميونز، ٣ و إستەدينز زمان الميونز چونکو پيس يوللردە کايفلنمک إيچن، يانلش نيتدن إستيونز۔٤ اي زناکارلر، بلميونز کي دونيادن دوستلخ اتمک، اللهە دوشمانلخدر؟ يعني هر کيم دونيانن دوستو اولمخ إستەديسە او اللەدن دوشمان اوليو۔ ٥ يوخسە سانيونز کي مقدس يازيلر بوشدە «بزدە ياشيان روح، قزخانلخدن بزي إستيو۔» ديو؟
٦ اما او زياده نعمت ويريو۔ بو سببدن «اللە متکبرلرن ضدنە دوريو اما متواضعلرە نعمت ويريو۔» ديو
٧ بو إيچن اللهە اطاعت ادن و شيطانن ضدنە دورن و او سزدن قاچيجي۔ ٨ اللهە ياخلاشن و او دە سزە ياخلاشجي۔ اي گوناهکارلر، اللرنزي تمزلەين۔ اي إکي يورکليلر، يورکلرنزي پک ادن۔
٩ ياس توتن، اغلاين و سزلاين! گولوشنز، ياسە و کايفلگنز، اوزگُنلگە دؤنسن۔ ١٠ ربن حضورندە متواضع اولن و او سزي يوخاري قالدرجي۔
١١ قارداشلر، برابرنزن ضدنە قونُشماين، کيم قارداشنن ضدنە قونُشديسە و اونە حکم اتديسە، شريعتن ضدنە قونُشمش و شريعتە حکم اتمشدر۔ لکن اگر سن شريعتە حکم اتديسن، سن اونە اطاعت اتميون لکن اونە حاکمسن!
١٢ بس بير شريعت ويران و حاکم وار کي او قورتارەبليو و محي ادەبليو۔ اما سن کيمسن کي باشخەسني حکم ادجن؟
١٣ «بو گون يا صباح فلان شهرە گدجک و بير سنە اوردە قالجخ و تجارت ادجک و قازانجخ» بلە دايان سزە ديوم، ١٤ صباح ناي اولجني بلميونز چونکو سزن حياتنز نايدر؟ حيات بس بير دومان کميدر کي بير از زمان گورکيو و اوندن سونرا غايب اوليو۔
١٥ اونن يرنە بلە دايملينز «اگر رب إستەديسە و ياشەديسخ، بونو يا ده اونو ادجک۔»