٦
خزمتچيلخده ياشيان خزمتچيلر، گندي اغالرنە هر شيده احترام گورستسنلر کي هيچ کيمسە اللهن إسمي و تعليمنن ضدنە کفرلک سويلەميجي۔ ٢ اگر بير خزمتچيدە مؤمن اغالر وارسە اونلرە خور باخماسنلر چونکو اونلرن قارداشلريدر، لکن اونلره زيادە خزمت اتسنلر، چونکو اونلرن اغالري مؤمن و سئوگيليلر۔ بو شيلري تعليم و نصيحت وير۔ ٣ اگر بير کشي باشخە بير تعليم و ربمز عيسى مسيحن صح سوزلرني قبول اتماديسە يعني او ديندارلگە گتران تعليمي قبول اتماديسە، ٤ او إنساندە کبيرلک وار و هيچ بير شي بلميو، لکن مناقشلر و سورونلر إيچن بير خستە کميدر کي اونلردن قزخانمخ و فتنە و پيس و کفرلک سوزلر و پيس افکارلر گليو، ٥ و عقللري چورومش و گرچگي ترک اتمش کشيلر سانيولر کي ديندارلخ اونلره قازانچ گترجي۔ بله کشيلردن اوزاخ دور۔٦ اما الندەکندن کايفلنديسن ديندارلخدە بويوک قازانچ وار۔ ٧ چونکو بو دونيايە هيچ بير شي گترمادک و اوندن هيچ بير شي ده الاتميجخ۔ ٨ شندي اگر بزده يمک و اسباب وارسە، اونلردن کايفلي اولاخ۔ ٩ اما زنگين اولمخ إستيانلر، سينەمخە و توزاخه و هر شکل عقلسز و ضرر ويران شهواتلرە دوشيولر کي إنسانلري محيە و خرب اولميە الاتيولر۔ ١٠ چونکو پارەيي سئومک بوتون پيسلکلرن کوکودر۔ بعزي کشيلر اونو إستەمک إيچن إيمان يولندن چيخديلر و گنديلرنه چوخ عذاب چکدرديلر۔ ١١ اما سن اللهن خزمتچيسي، بو شيلردن قاچ و صالحلک و ديندارلخ و إيمان و محبت و صبر و حليمي تاکيب ات۔ ١٢ إيمانن إيى صواشني، صواش۔ ابدي حياتي حفظ ات کي اونە چاغرلدن و چوخ کشيلرن حضورندە إيى شهادت ويردن۔ ١٣ aهر شيه حيات ويران اللهن و عيسى مسيحن حضورندە کي پونطيوس پيلاطوسن اوگنده إيى شهادت ويردي، سنە امر اديوم کي ١٤ تا ربمز عيسى مسيحن گلشنه قدر بو امري صاف و لکەسز حفظ ات۔ ١٥ اونو مبارک اولان و تک قدير و قراللرن قرالي و ربلرن ربي معين زمانده گورستجي۔ ١٦ کي بس او حاکمدر و اونە ياخلاشەبلماز إيشغدە ياشياندر و هيچ کيمسە اونو گورمادي و گورەبلماز، اونە ابدي شريف و قدرت اولسن۔ امين۔
١٧ بو دونيانن زنگينلرنە نصيحت وير کي تکبر اتماسنلر و ثابت اولميان زنگينلگه اوميد باغلماسنلر لکن ديري اللەدە اوميد بولسنلر کي هر شيي زيادەسندن کايفلک إيچن بزە ويريو۔ ١٨ اونلرە نصيحت وير کي إييلکدن زنگين و کريم و ياردم سئوان اولجيلر۔ ١٩ و گنديلرنه گلجي زمان إيچن إيى اساس تأسيس اتسنلر کي ابدي حيات الجيلر۔