٢
چونکو قارداشلر سز بليونز کي بز سزە بوشدە گلمادک۔ ٢ aلکن بلدينز کمي اوندن اوَل بز فليپيدە چوخ عذاب چکدک و بزە ظلامت اتديلر اما اللهن إنجيلني زورلخدن سزه اعلان اتمک إيچن اللەمزده جسارتلي قالدخ۔ ٣ چونکو نصيحتمز يانلشلخدن و پيسلکدن و يالانجلخدن ديل، ٤ لکن اللەدن ساچلدک و إنجيلي بزه امانت اتدي و بز تبشير اديوک و إنسانلردن راضيلخ المخ إيچن ديل لکن يورکلرمزي سينيان اللەدن راضيلخ المخ إستيوخ۔٥ بلدينز کمي بز اصلا شيشدران سوزلردن سويلەمادک و اللە گوريو کي بز طمعکارلخ إيچن گلمادک۔ ٦ و إنسانلردن يا سزدن و يا ده باشخەلردن شريف ارامادخ۔ حتى بز رسوللر اولەراخ سزه يوک اولەبلردخ۔
٧ اما گندي ببکلرنە تسللي ويران بير انا کمي بز سزدن يومشخلخدن ياشەدخ۔ ٨ سزە يورگمزدن باغلاندخ کي حتى بز بس اللهن إنجيلي پايلاشمخ ديل، لکن حياتمزي ده پايلاشمخ إستيودخ چونکو سزي چوخ عزيز صايدخ۔ ٩ قارداشلر، سز بزم تعبمزي و زورلخمزي اونوتمادنز، بز اللهن إنجيلني سزە انلاتەبلمک إيچن گجە گوندز چالشيودخ چونکو هيچ کيمسەيه يوک اولمخ إستەمادک۔
١٠ سز و اللە شاهدسنز کي ناي قدر مقدس و صالح و خطاسز شکلده سز مؤمنلردن ياشەدخ۔ ١١ و بلدينز کمي، سزه بير بابا گندي اوشاخلرنە اتديي کمي، نصيحت و تسللي ويردک۔ ١٢ و سزه جسارت ويردک کي سزي گندي مملکتنە و گندي شريفنە چاغران اللهە، لايخ يولدە ياشەين۔
١٣ بو إيچن ده بز اللهە دائماً تشکر اديوک، چونکو ناوخت اللهن سوزنو بزدن دويدنز، اونو بس إنسانن سوزو کمي قبول اتمادنز لکن گرچک اولديي کمي، اللهن سوزنو قبول اتدنز کي سز مؤمنلردە چالشيو۔
١٤ bچونکو قارداشلر، سز يهوديە ولايتندە اللهن عيسى مسيحدە اولان کليسەلري کمي اولدنز، چونکو اونلر يهوديلردن چوخ زورلخدن گچدکلري کمي، سز دە گندي ملتنزدن عينا شيلري چکدنز۔
١٥ cاونلر رب عيسۍي و گندي نبيلرني اؤلدرديلر و بزي دە قووديلر، اونلر اللهە مقبول ديللر و بوتون إنسانلرن ضدنەلر۔ ١٦ و باشخە ملتلردن قونُشمخ إيچن بزي منع اديولر کي قورتُلماسنلر و دائماً گندي گوناهلرني دولدريولر۔ اما اخرندە اونلرە غضبن اخر درجەسي اونلرن اوستنه گلمشدر۔
١٧ لکن قارداشلر بز بير از مُدت جسدياً سزدن ايرلمشدخ، اما يورگمزدە سزدن هيچ اوزاخلاشمادخ و چوخ جهدلي إستەدک کي يوزونزي گورەبلجک۔ ١٨ بو إيچن بير قاچ دفعه سزه گلمک إستەدک يعني بن بولس، اما شيطان بزي منع اتدي۔ ١٩ چونکو ربمز عيسی گلديي زمان اونن حضورنده بزم اوميدمز و کايفلگمز و إفتخارمزن تاجي نايدر؟ سز ديل ميسنز؟ ٢٠ سز بزم شريفمز و سز کايفلگمزسنز۔