٥
شندي عزيز اوشاخلر کمي، اللهن شکلنه بنزەين۔ ٢ محبتدە ياشەين چونکو مسيح ده بزي سئودي و گندني بزم إيچن اللهە إيى قوخولو بير تقدمە و قوربان کمي تقدم اتدي۔ ٣ اما زنا و هر پيسلک و طمعلک بير ذکرە إيچن بلە سزده هيچ بولنماسن، چونکو بونلر مقديسلره لايخ ديل۔ ٤ و پيس جور و بوش سوزلر و عيب قونُشمەلر کي لايخ ديل لکن اونلرن يرنە شُکر ادن۔٥ چونکو سز امينسنز کي هيچ بير زناکار يا پيس يا صنم تاپان طمعکار مسيح و اللهن مملکتندە ميراثي يوخدر۔ ٦ هيچ کيمسە سزي بوش سوزلردن قاندرماسن، چونکو بو شيلر إيچن اللهن غضبي اطاعتسزلخن اوشاخلرنن اوستنە گلجي۔ ٧ شندي اونلردن شريک اولماين۔
٨ چونکو بير زمان قرانلخدنز لکن شندي ربدە إيشغسنز۔ بو إيچن إيشغن اوشاخلري کمي ياشەين۔ ٩ چونکو إيشغن ميوەسي هر إييلک و صالحلک و گرچکدر۔ ١٠ ربە مقبول اولان شيلرن ناي اولديني تفتيش ادن ١١ و ظلامتن ميوەسز إيشلرندن مشترک اولماين، بالعکس اونلري اشکاره ادن۔ ١٢ چونکو اونلرن قرانلخدە ياپدخلري شيلرن سويلەمەسي بله عيبدر۔ ١٣ اما هر شي إيشغدن اشکاره اوليو چونکو اشکاره اولان هر شي إيشغدر۔ ١٤ بو إيچن ديو «اي ياتان ادم، اويان! اؤلولردن قالخ و مسيح سنە پارليجي۔»
١٥ بو إيچن موخيات اولن کي نصل ياشيونز، يعني عقلسزلر کمي ديل لکن عقلليلر کمي ياشەين۔ ١٦ aزماني قيمتلي صاين، چونکو بو گونلر پيس گونلردر۔ ١٧ بو سببدن عقلسز اولماين لکن ربن إستەينن ناي اولديني انلاين۔
١٨ شرابدن سرخوش اولماين چونکو سزي پيسلگه الاتجي، لکن روح القدسدن دولو اولن۔ ١٩ bبرابرنزدن زبورلردن و تسابيحدن و روحاني شرخيلردن قونُشن و يورگنزدە ربە ترنيملر سويلەين۔ ٢٠ و دائماً هر شي إيچن ربمز عيسى مسيحن إسمندە اللهە و بابايە تشکر ادن۔ ٢١ و مسيحن احترامي إيچن برابرنزە اطاعتلي اولن۔
٢٢ cاروادلر، ربە تسليم اولدينز کمي گشيلرنزە اطاعتلي اولن۔ ٢٣ چونکو مسيح کليسەنن باشي اولديي کمي، گشي ده اروادن باشيدر و او جسدي قورتاراندر۔ ٢٤ يعني کليسە مسيحە اطاعت اتديي کمي، اروادلر دە هر شيدە گندي گشيلرنە اطاعت اتمليلر۔ ٢٥ dگشيلر، مسيح نصل کليسەيي سئوديي و گندني اونە فدا اتديي کمي، اروادلرنزي سئون۔ ٢٦ کي اونو سوزنن طرفندن صويدن يخاسن و تقديس اتسن۔ ٢٧ و کليسەيي شريفلکدە گندنە تقدم ادجي کي لکەسز و بوروشقسز و بله شيلر کمي اولميجي لکن مقدس و عيبسز اولجي۔ ٢٨ عينا شکلدە ارککلر گندي اروادلرني گندي جسدلري کمي سئومليلر۔ کيم گندي اروادني سئوديسە گندسني سئويو۔ ٢٩ چونکو هيچ کيمسە گندي جسدني کراه اتماز بالعکس اونو بسليو و سئويو۔ عينا شکلدە مسيح دە کليسەيي سئويو۔ ٣٠ چونکو بز اونن جسدنن عضولريخ۔ اونن جسدندن و گميکلرندن۔
٣١ «بو سببدن بير ادم گندي اناسني و باباسني ترک ادجي و اروادندن بيرلشجي و إکيسي بير جسد اولجيلر۔»