٧
شندي عزيزلر بزدە بو وعدلر اولديي إيچن، گندمزي جسدن و روحن هر پيسلگندن تمزلياخ و اللە قورخوسندن مقدس اولمەيي تماملياخ۔٢ يورگنزده بزي قبول ادن۔ بز هيچ کيمسەيە ظلامت اتمادک و کيمسەيە ضرر ويرمادک و هيچ کيمسەيه طمعلک اتمادک۔ ٣ سزي حکم اتمک إيچن بونو دايميوم، چونکو باياخدە دديم کمي تا سزدن اؤلمک و ياشەميه قدر بزم يورگمزدەسنز۔ ٤ سزدن تماماً امينم و إفتخارم سزه چوخدر۔ تسلليدن دولويم و بزه گلان هر مصيبت إيچن کايفلکدن جُشيوم۔
٥ aچونکو مکدونيەيە گلديمز زمان ده جسدمز إرحتلخ بولمادي لکن هر طرفدن زورلخ چکدک۔ دشردن، دوگشلر و إيچدن قورخولر واردي۔ ٦ لکن مصيبتليلري تسللي ادان الله، تيتوسن گلشندن بزي تسللي اتدي۔ ٧ و بس اونن گلشندن ديل، لکن تيطسن سزدن الديي او تسلليدن و إستەکلي اولمەنزدن و اغلايشنزدن و بنم إيچن اولان محبتنزدن زياده کايفلندم۔ ٨ چونکو اگر سزي او رسالەمدن موتسز اتديسم بله، پشمان ديلم، يعني بوندن پشماندم ناوخت گوردم کي او رسالەدن از بير مُدت إيچن موتسز اولدنز۔ ٩ اما شندي موتلويم، موتسز اولدينز إيچن ديل لکن موتسزلخدن توبەيە گلدينز إيچن۔ چونکو موتسزلخنز اللە إيچندي کي بزدن سزه هيچ بير ضرر گلماسن۔ ١٠ چونکو اللهه اولان موتسزلخ إنساني قورتُلش إيچن توبەيە الاتيو و اونده پشمانلخ يوخدر۔ اما دونيايەيە اولان موتسزلخ اؤلوم گتريو۔ ١١ چونکو اهجخ باخن اللهه اولان بو موتسزلخنز ناي قدر سزده چالشخانخ و جهدلک و غضب و قورخو و إستەک و محبت و حايف يراتدي۔ هر نقطەده خطاسز اولدينزي گورستدنزb ١٢ شندي سزە يازمخ مقصدم او ظلامت ادان و يا او ظلامت چکان ادم إيچن ديلدي۔ لکن إستەدک کي اللهن حضورندە بزم محبتمز سزه اشکاره اولسن۔ ١٣ و بو سببدن سزن تسللي بولدينز إيچن بز ده تسللي بولدخ و بزم کايفلگمز تيتوسن کايفلگي إيچن زياده اولدي۔ چونکو اونن روحو هپنزدن إرحتلندي۔ ١٤ چونکو اونە سزن إيچن إفتخار اتديمدن هيچ اوتانمادم لکن سزە دديمز هر شي صحدي و عينا شکلده بزم إفتخارمز تيتوسە صح چيخدي۔ ١٥ و اونن محبتي سزە دها چوخ اولدي چونکو هپنزن اطاعتنزي عقلنه گتريو کي نصل اونو قورخودن و تترەمکدن قبول اتدنز۔ ١٦ سزدن تماماً امين اولديم إيچن کايفلييم۔