يوحنانن إکنجي رسالەسي
١
شيخدن،ساچلمش ارواد و اونن اوشاخلرنە کي اونلري گرچکدە سئويوم و بس بن ديل لکن گرچگي بلان هرکز اونلري سئويولر۔ ٢ چونکو او گرچک بزدە ياشيو و سونسزه قدر بزدن قالجي۔ ٣ بابا اللەدن و بابانن اوغلو رب عيسى مسيحدن، نعمت و رحمت و سلامت، گرچکده و محبتدە بزدن اولجي۔ ٤ چوخ کايفلندم ناوخت گوردم کي بابادن امر الديمز کمي، سنن بعزي اوشاخلرن گرچگن يولندە ياشيولر۔ ٥ aشندي اي ارواد، سنە يالواريوم۔ سنە يني بير امر يازميوم لکن اوَلدن بزدە اولان عينا امر، يعني برابرمزي سئوملييخ۔ ٦ چونکو محبت بودر، يعني بز اونن امرلرنن حسبنه ياشەمليخ و اوَلدن دويدنز امر عينادر کي اونده ياشەمليخ۔
٧ چونکو چوخ قاندرانلر دونيايە گلديلر و جسددە گلان عيسى مسيحي اعتراف اتميولر۔ بو او يالانجي و دجالدر۔ ٨ موخيات اولن کي اتديمز هر شي بوش اولميجي، لکن کامل اوجرتي الن۔ ٩ هر کيم دؤنديسه و مسيحن تعليمندە قالماديسە اللە اوندە يوخدر۔ اما هر کيم مسيحن تعليمندە قالديسە، اوندە هم بابا و هم دە اوغلو وار۔
١٠ هر کيم سزە گلديسە و اوندە بو تعليم يوخسە، اونو ائونزە قبول اتماين و اونە سلام ويرماين۔ ١١ چونکو هر کيم اونە سلام ويرديسە اونن پيس إيشلرندن مشترک اوليو۔