٢
aقارداشلر، ربمز عيسى مسيحن گلشي و بزم اونن ياننە توپلانمەمز إيچن سزه يالواريوخ کي ٢ «مسيحن گونو گلمش» دايان بير روحدن و بير سوزدن و بزدن اولميان بير رسالەدن جاننز سخلماسن و صارسلماين۔ ٣ موخيات اولن کي هيچ کيمسە سزي قاندرماسن، چونکو اوَلدە او bارتداد گلمليدر، اوندن سونرا او شريعتسز ادم يعني محين اوغلو گورکجي۔ ٤ او اللە صايلان و يا عبادت اولان هر شين ضدنه قالخيو و گندني اونلردن يوجەلتجي و حتی الله کمي معبددە اوتوريو و گندني اللە گورسديو۔٥ ناوخت سزن ياننزدەدم بو شيلر سزە ددم، عقلنزە گليو مى؟ ٦ شندي بليونز کي گندي وقتنده گورُکمەسي إيچن اونو منع ادان شي نايدر۔ ٧ چونکو او شريعتسزلخن سِري شندي چالشيو، اما شنديە قدر منع اولان قالدرلدخدن سونرا ارتخ دوام اتميجي۔ ٨ او زمان او شريعتسز گورکجي کي رب عيسى اونو گندي اغزنن نفسندن اؤلدرجي و گندي گلشنن گورُکمەسندن اونو محي ادجي۔
٩ cاو شريعتسزن گلشي شيطانن إيشندن اولجي و هر شکل قوات و علامتلر و عجيب شيلردن ١٠ و پيسلکدن و يالانجلخدن برابر محي اولانلره گلجي چونکو اونلر قورتُلمخ إيچن گرچگن محبتني قبول اتماديلر۔ ١١ بو إيچن اللە اونلرە قاندرجي بير قوات گوندرجي کي اونلر يالانه إينانسنلر ١٢ و بوندن بوتون گرچگه إينانميانلر و پيسلکدن کايفلي اولانلر حکم اولسنلر۔
١٣ اما سز اللهن سئودکلري و قارداشلر، بز سزن إيچن اللهە دائماً تشکر اتمليک، چونکو اللە اوَلدن سزي روح القدسن تقديسندن و گرچگن إيمانندن قورتُلش إيچن ساچدي۔ ١٤ و ربمز عيسى مسيحن شريفني قازانمخ إيچن بزم إيى خبرمزدن سزي چاغردي۔