٧
و شندي بنه يازدينز شيلر إيچن، بير ادم ارواده دوخُنماديسە دها إيۍدر۔ ٢ اما زنا إيچن، هر ارکک بير ارواد السن و هر ارواد بير ارککدن ائولنسن۔ ٣ هر ارکک گندي اروادنن حقني ويرسن و هر ارواد ده گندي ارکگنن حقني۔ ٤ چونکو بير ارواد گندي جسدنن اوستندە قدرتي يوخدر، لکن اونن ارکگنن ده حقي وار۔ عينا شکلدە بير ارکک گندي جسدنن اوستندە قدرتي يوخدر لکن اروادنن ده حقي وار۔ ٥ برابرنزدن ايرلماين، إلا راضيلکدن اوروج و دوعادن مشغول اولمخ إيچن ايري قالن، اوندن سونرا گنه برابر اولن کي شيطان گندنزي توتەبلمادينز إيچن سينەماسن!٦ بونو بير امر کمي ديل لکن نصيحت کمي سزه ويريوم۔ ٧ کشکە هرکز بن کمي اولسايدي، لکن هرکزن اللەدن خاص بير هديەسي وار۔ بير کشيدە بله و باشخەسندە باشخە بير هديە وار۔ ٨ شندي ائولنميانلره و دول اروادلرە ديوم کي بن کمي قالديسەلر دها إيۍدر۔ ٩ لکن اگر اونلر گنديلرني توتەبلميوسەلر، ائولنسنلر۔ چونکو ائولنمک يانمخدن دها إيۍدر۔ ١٠ aلکن ائولنمش کشيلرە بو امري ويرميوم و بو امر بندن ديل لکن ربدن گليو۔ «ارواد گندي قوجاسندن ايرلماسن» ١١ لکن اگر ايرلديسە ائولنماسن ارتخ يوخسە گندي قوجاسندن بارشسن، ارکک دە اروادني بوشاماسن۔ ١٢ اما باشخەلرە رب ديل لکن بن ديوم، اگر بير قارداشدە بير ارواد وارسە و او مؤمن ديلسە و اوندن قالمخ إستەديسە اونو بوشاماسن۔ ١٣ و اگر بير اروادن إيمانسز گشسي وارسە و بو گشي اوندن قالمخ إستەديسە، اوندن بوشانماسن۔ ١٤ چونکو إيمانسز بير ارکک اروادندن تقديس اوليو و إيمانسز بير ارواد گندي گشسندن تقديس اوليو، يوخسە اوشاخلرنز پيس اولجيديلر لکن بو حالدە مقدسدرلر۔
١٥ لکن اگر إيمانسز ارواد يا گشي ايرلديسە، قوارت گتسن چونکو بو حالدە بير قارداش يا باجي گندي وعدندن باغلانمش ديل ارتخ، چونکو اللە بزي سلامته چاغردي۔ ١٦ چونکو اي ارواد سن نصل بليون کي گشني قورتارميجن؟ يا دە اي ارکک سن نصل بليون کي اروادني قورتارميجن؟
١٧ اما هرکز، ربن اونە تعين اتديي قسمت و اللهن دعوتنن حسبنە ياشەسن، بونو بوتون کليسەلره امر ويريوم۔ ١٨ اگر بير کشي سُنتلي چاغرلمشسه سُنتسز اولميه چالشماسن۔ اگر بير کشي سُنتسز چاغرلمشسه، سُنت اولميە چالشماسن۔ ١٩ چونکو سُنتلي يا سُنتسز مهم ديل لکن اللهن امرلرني تاکيب اتمک مهمدر۔ ٢٠ هرکز ناي حالدە چاغرلمشسه، او حالدە قالسن۔ ٢١ اگر اللە سني اسيرلکده چاغرمشسه، قورخما۔ لکن حرياتني الەبلديسن فُرصتني غايب اتما! ٢٢ چونکو بير کشي اسيرلکدن چاغرلديسە او ربن حر إنسانيدر۔ عينا شکلدە اگر بير حر إنسان چاغرلديسە او مسيحن خزمتچيسي اوليو۔ ٢٣ سز بير سعردن النمشسنز، إنسانلرن اسيري اولماين۔ ٢٤ قارداشلر هرکز ناي حالدە چاغرلمشسە، او حالدە اللهن حضورندە قالسن۔
٢٥ اما باکرەلر خصوصندە ربدن بير امرم يوخدر لکن بن ربن مرحمتي حسبنه امين صايلان بيري کمي گندي افکارمي سزه سويليوم۔ ٢٦ بو سببدن سانيوم کي شنديکي زورلخلر إيچن بير کشي عينا اولديي کمي قالديسە دها إيۍدر۔ ٢٧ اگر اروادندن باغلانديسن اوندن ايرلما و اگر اروادسز بير ادمسن ائولنميه چالشما۔ ٢٨ لکن ائولنديسن، گوناە اتميون و اگر بير باکر قز ائولنديسە گوناە اتميو۔ لکن چوخ سورونلر گورجي و بن بو سورونلرن سزە گلمەسني إستەميوم! ٢٩ قارداشلر، بونو ديوم چونکو زمانمز قيصالمشدر و شنديلکدن کيمدە ارواد وارسە اروادسز کمي ياشەسن۔ ٣٠ و اغلايانلر اغلاميانلر کمي و کايفلنانلر کايفلنميانلر کمي و صاتن الانلر مُلکسزلر کمي اولسن۔ ٣١ بو دونيادن فايده بولانلر، فايده بولميانلر کمي ياشەسنلر، چونکو بو دونيانن حالي گچيو۔ ٣٢ لکن سزن مراخلي اولمەنزي إستيوم۔ ائولنمامش بير ادم بس ربي راضي اتمک إيچن اونن إيشلرني دوشُنيو۔ ٣٣ لکن ائولنان بير ادم اروادني راضي اتمک إيچن دونيانن إيشلرني دوشُنيو۔ ٣٤ و ائولنان بير ارواد باکر بير قزدن ديل چونکو باکر قز جسدده و روحدە مقدس اولمخ إيچن ربن إيشلرني دوشُنيلکن ائولنان بير ارواد گشسني راضي اتمک إيچن دونيانن إيشلرني دوشُنيو۔ ٣٥ بونو سزن فايدەنز إيچن ديوم و سزي باغلامخ إيچن ديل و بله ربە لايخ و سورونسز شکلده خزمت ادەبلجنز۔ ٣٦ اما اگر بير کشي سانيو کي گندي باکر قزنه عيب اديو، اگر او قز بويومشسە و گندسي ده بو سببدن ائولنمەسي لازمسه، إستەيي حسبنە اتسن يعني ائولنسنلر، گوناە ديل۔ ٣٧ لکن اگر بير کشي يورگندە ثابت اولديسە و إحتياجي يوخسە و گندني إدرتلي گورديسه و يورگندن گندي باکر قزني حفظ اتمک إستەديسە إيى اديو۔ ٣٨ يعني ائولانان کشي إيى اديو و ائولنميان کشي دها إيى اديو۔ ٣٩ بير ارواد شريعت حسبنە گندي گشسنن عُمري قدر باغلانمشدر لکن گشسي اؤلديسە او حر اوليو و کيمدن إستەديسە ائولنەبليلکن ربدە۔ ٤٠ لکن بن سانيوم کي او تک قالديسە دها کايفلي قالجي و سانيوم کي بندە اللهن روحو وار۔